Sullissisoq

Utoqqalinersialinnut siusinaartumillu sulisinnaajunnaarnersiutilinnut sullissineq peqataaffigerusuppiuk, qulakkeerinneqataaffigalugulu pitsaassusilimmik utoqqaat innuttaasullu sanngiinnerusut Avannaata Kommuniani sullinnissai?

Suliffimmi suleqatigiinneq, ikorfartoqatigiinneq siunnersueqatigiinnerlu piginnaasaqarfigaangit? Taava immaqa illit atorfissaqartippatsigit.

Ilulissani Avannaata Kommunia utoqqalinersiutilinnut siusinaartumillu sulisinnaajunnaarnersiutilinnut sullissisussamik 15.oktober.2024 isumaqatigiissuteqarnikkulluunniit atorfinittussamik pissarsiorpoq

Makku suliarissuatit

• Innuttaasunut utoqqalinersiaqartunut aammalu siusinaartumik sulisinnaajunnaarnersiuteqartunut sullissineq, taassumalu ataani soorlu inunnik sullissinerit ikiuussinnaanerillu.
• Sullissinerit inissianut inigisassanut tulleriiaarinerit / inigigallakkanullu kiisalu paaqqutarinniffinni aammalu utoqqaat inissiaaniittunut.
• Innuttaasunut siunnersuinerit ilitsersuussinerillu qinnuteqaasiornernut utoqqalilerniallit siusinaarlutillu sulisinnaajunnaarnersiutilinnut taakkununnga tunngasut inatsisit ataanni
• Akimorluni suleqatigiinneq, ataqatigiissumik illup iluani avataanilu suleqatit suleqatigalugit, innuttaasoq suliamullu inerniliinermut suliaqarnermullu pitsaasumut misigitissallugu.
• Utoqqalinersiutillit peqatigiiffiinik utoqqarnullu paaqqinniffinnut suleqateqarneq (tassunga ilaalluni utoqqarnut sunnersuisooqatigiit)
• Innuttaasunut pineqartunut oqarasuaatikkut attaveqarneq angerlarsimaffinnullu pulaartarneq.

Naatsorsuutigaarput

• Isumaginninnikkut siunnersortitut, socialassistentitut, HK-mik, imaluunniit isumaginninnerup iluani inunnik sullissinerup iluani ilinniagaqarsimassasutit, taamatullu sullissinermik ilinniagaqarusussuseqartutit.
• Inatsisit atuuttut naapertorlugit sullissinermik misilittagaqartutit, taamaangippat inatsisit atorlugit sullissinermut ilikkagaqarnissamut annertuumik piumassuseqartutit.
• Suliaqarfiit akimorlugit namminersorlutillu sulisinnaassasutit aammalu suliatigut ineriartuutaasinnaasunik nammineq ingerlatatigut ineriartuueqarsinnaassasutit.
• Ulluni ulapaarfiusuni tulleriiaarilluarsinnaasutit, aalajangersinnaassuseqartutit aammalu torersumik suleriuseqartutit.
• Innuttaasunut oqaloqatiginninnermi piginnaasaqartutit, tusarnaarluarsinnaasutit paasinnissinnaassuseqartutillu, saaffigineqarnermi ersarissumik patajaattumillu pissuseqassasutit.
• IT ilisimaarilluassallugu, sullissinermilu systemitugut ilisimasaqartutit.
• Marluinnik oqaaseqartuusutit, kalaallisut qallunaatullu, piumasaqaataananili.
• Pisortaqarfimmi atuuffimmi sullissisutut sulineq misilittagaqarfigissagit/ilisimasaqarfigissagit – sullinniakkanut sullissinermik piumassuseqarlutillu soqutiginnittuunissat – inuttut ammasuuneq qanilaartorlu – qiimasuunermik peqarluartoq

Neqeroorutigaagut

• Aaqqissuussaaneq pissanganartoq ataatsimoorussanik suliatigut unammillernartuti-gullu
• Suliassatigut ilinniartinneqarneq
• Suleqatigiinneq pitsaasoq, qaffasissumillu pitsaassusilimmik suleriuseqarneq
• Suliffik namminersorfiusoq pissanganartunik unammillernartulik, annertuumik sunniuteqarfiusinnaasoq kiffaanngissuseqarlunilu sulliviusinnaasoq
• Nammineq piginnaasatigut ineriartortitsinissamik periarfissalik

Akissarsiat atorfeqarnermilu piumasaqaatit

Atorfinititsineq akissaateqarnerlu Naalakkersuisut kattuffillu isumaqatiginninniarsinnaasutut akuerisap akornanni isumaqatigiissutit atuuttut naapertorlugit.

Atorfimmut atasumik pequtsersugaanngitsumik inissaqartitsisoqarpoq, malittarisassat atuuttut malillugit akiligassat attartortumik akilerneqartassapput.

Pineqaatissinneqarsimanermut meeqqanillu pinerliisimannginnermut uppernarsaat

Atorfik una inatsimmi atuuffiup iluaniippoq pisussaafilikkami pineqaatissinneqarsimanermut aammalu meeqqanik pinerliisimannginnermut uppernarsaatinik piniarfiusussatut. Inatsit naapertorlugu atorfininneq pisinnaavoq aatsaat naammaginartumik uppernarsaatinik pinerluuteqarsimannginnermut Meeqqanillu pinerliisimannginnermut pissarsigaanni.

Avannaata Kommuniani allanngueqataarusuppit?

Atorfik annertunerusumik paasisaqarfiginiarukku pisartagaqartunut sullissinermi immikkoortortarmi aqutsisoq Vanessa Jensen vane@avannaata.gl aamma oqarasuaatikkut 701800 atorlugu attavigineqarsinnaavoq.

Qinnuteqaat soraarummeernermut uppernarsaatit qinnuteqarnermut attuumassuteqartut assilineri, CV kiisalu oqaaseqaatit sumilu sulisimanermut uppernarsaatit, meeqqanut pinerlussimannginnermut kiisalu pinerluuteqarsimanermut uppernarsaatit ilanngullugit kingusinnerpaamik ulloq 04.10.2024 nassiunneqassapput Avannaata Kommuniata nittartangaa: Avannaata.gl/ledige-stillinger iserfigalugu.