Peruluttunut/immikkut nakkutigisarialinnut

Ikkunneqarpoq: 14-03-2025

Piffissaq atuuffissaa naassaaq: 30-04-2025

Suliffissamut ID normut: LJA-85992627

Atorfeqarnermi atugassarititaasut: Tamakkiisoq

Suliassaqarfik: Peqqinnissaq, Allaffik & allaffissorneq

Attaveqarfissamut paasissutissat

 

Oqarasuaat

Peruluttunut/immikkut nakkutigisarialinnut immikkoortortami nunatsinni kisiartaasumi sundhedsassistentimik/piccoline-mik oqaluttaasussamittaaq iluarinartumik pigaartuusartussaanngitsumik pissarsiorpugut.

Immikkut nakkutigisarialinnut immikkoortortaq (IMA) peruluttunullu immikkoortortaq (ITA) aaqqisuussaanikkut pilattaaviup peruluttunullu uninngaviup ataanni inissisimapput. Immikkoortortat taakku qanimut suleqatigiimmata, sundhedsassistentitut/piccolinetut atorfik immikkoortortani taakkunani marlunni atuutissaaq. Immikkoortortat taakku marluk killilinnut inissaqarput; IMA arfinilinnut inissaqarluni ITA lu sisamanut inissaqarluni.

Sullivimmi avatangiisit annertuumik ukkataraagut, suleqatissatsinnik eqqortumik kinaassusilimmik, immikkoortortamut naleqquttummik tassanilu sulinermik iluarisimaarinnittussamik pissarsiorpugut. Peqqinnissamut tunngasumik ilinniagaqanngikkuit Peqqinnissaqarfimmili sulinermik ilisimaarinnillutit/ misilittagaqarlutit imal. tamanna paasisaqarfigerusukkukku, qinnuteqaatinnik nassiussinissannut tunuarsimaarniaqinak!

IMA/ITA -milu 1/7-25 (tamatumaluunniit kinguninngua) sundhedsassistentimik imal. piccoline-mik, ilaatigut immikkoortortani peqqissaasunut nakorsanullu oqaluttaasartussamik, immikkoortortanilu torersaasartussamik peqqumaasivimmiillu atortussanik inniminniisarnermut akisussaasussamik pissarsiorpugut. Peqqumaasivimmiilli inniminniisarneq allanngortinneqarnialermat, suliap tamatuma ilaa annertooq peqqumaasivimmit namminermit ingerlanneqalertussaassaaq. Taamaammat sundhedsassistentiugaanni napparsimasunullu attaveqarnissaq kissaatigiganni, tamanna siunissami periarfissaalissaaq, tamannali piginnaasat apeqqutaallutik immikkoortortanilu peqqissaasut suleqatigalugit aatsaat pisinnaassaaq.

Atorfik tunngaviusumik piffissaq suliffiusartoq tamakkerlugu; sap. ak. nal. ak. 40-it suliffiussaaq, sivikinnersumik sulisinnaanissaq periarfissaassaartaaq. Eqqortumik sulisussarsigutta allannguisinnaassuseqarpugut. Atorfik tunngviusumik pigaartuuffiunngimmat, unnukkut, unnuakkut sapaatillu akunnerisa naanerini suliffiussanngilaq. Tamannali immikkut aaqqissuussivigineqarsinnaavoq. Suleqatigiinnut; peqqissaasunut aqqaneq marlunnut (IMA) peqqissaasunut 20-it missaannut (ITA) suleqattaalissaatit. Immikkoortortat tamarmik immikkut atorfeqavissunik taartaasartunillu sulisoqarput.

Peqqissaartumik immikkoortortamilu ullut ilaanni ulapaarfiungaatsiartartumi ilaannilu eqqissinarnerulaartartumi sulerusuttumik suleqatissarsiorpugut. Ullulli suliffiusut tamatigut assigiittannginnerat qularisassaanngilaq.

Neqeroorutigaagut:

• Sukumiisumik paasissutissinneqarneq immikkoortortamilu suliassanik nalinginnaasunik immikkut ilinniartinneqarneq.
• Suleqatit inussiarnersut ilinniagaqassutsikkut piginnaaneqarluartut qiimasullu
• Atorfik assigiinngiiaartunik suliassaqarfiusoq unammilligassaqarfiusorlu.

Suliassatit ilaatigut makkuussapput:

• Qamutinik nerisassanik imalinnik aaqqissuineq igaffimmillu torersuutitsiuarneq.
• Igaffimmik suleqateqarnermut akisussaaneq suleqatigiittullu ataatsimiinnerni peqataasarneq.
• Peqqumaasivimmiit atortussanik inniminniineq puuiaanerlu (siunissami annikinnerulissaaq- taamakkaluaq pisiniarnermut immikkoortortaq peqatigalugu suliniummi maanna aallartisarneqartumi peqataaneq).
• Peqqissaasunut napparsimasullu uninngaviinut nakorsat naasaaneranni pinasuartarialinnilu oqaluttaaneq.
• Napparsimasut angerlartut inaannik torersaanermi ikiuunneq.
• Piginnaasat naapertorlugit suliassanik allanik nalinginnaasunik peqqinnissamullu tunngasunik suliaqarneq.

Pissarsiariniagarput: 

• Eqaatsumik periuseqarpoq suleqatiginnillaqqisuullunilu.
• Kajumissuseqarpoq, pimoorussisuulluni, ammasuuvoq tatiginartuullunilu.
• Kiffartuussiumatuujuvoq pitsaassutsimillu ilisimaarinnittuulluni.
• Qungujunnartunik nuannarisaqarpoq ulluinnarnilu pissutsit piviusut tunngavigalugit aaqqiissuteqartarluni.

Uagut: 

• Sap. ak. naanerini, unnukkut, unnuakkut nalliuttunilu sulinngiffeqarneq.
• Immikkoortortat marluk aappa 18-inik aappaalu aqqaneq marlunnik peqqissaasullit.
• Sullivik iluarinartoq, inerisaanerup ilinniagaqassutsikkullu unammiligassat nammineq sunniuteqarfiginissaanut periarfissalik, neqeroorutigaarput.
• Suleqatigiittut suliffimmi sunngiffimmilu ataqatigiinneq.