Narsami Utoqqaat Angerlarsimaffiat ”Luuvikasik” peqqissaasumik sulisussarsiorpoq:

Sulilersussaq aggustip ulluisa aallaqqaataat 2024 isumaqatigiissuteqarnikkulluunniit atorfinittussaq.

Utoqqaat illuat 1971-mi atulerpoq, aamma 1980-mi paaqqutarinnittarfimmik ilaneqarluni allineqarpoq. Siorna 2021-imi illorsuaq immikkoortortanik quleriinik nutaanik ilassuteqarpoq kiisalu piseqartaa nutarsarneqarluni, taamaalilluni illorsuaq nutaarsuuvoq iseruminarlunilu. Taamaalilluni maanna tallimanik immikkoortortaqarfeqalerluni ineqartunut 29-nut inissalimmik, utoqqaat illuat ”Luuvikasik massakkut 31-nik najugaqarfigineqarpoq.

 Peqqissaasoq akisussaafigissai:

• Utoqqarnik sullissinissamut  kajumissuseqarluartumik
• Ineqartut tamakkiisumik paaqqutarineqarnissaanik sulliserusuttumik
• Suleqatikkuminartumik, ineriartortitseqataarusuttumik kiisalu peqatigiinnermut pitsaasumut peqataarusussusilimmik.
• Tatiginartoq, aalajaatsoq
• Nutaaliorneq ineriartortitsinisamik anguniaqarusuttoq.
• Ilinniartuuteqartarsinnaanissat natsersuutigissavat.
• Ikiortinik ilinniartunillu ilinniartitsissamik soqutigisalik.
• Angerlarsimaffimmi piffiit ilaanni pigaartuusinnaasumik.
• Iisartakkanik immiisinnaasunik
•  Najugaqartut napparsimalertillugit  naligiiffigalugit
• Nakorsaq naasaartillugu Ajarsivasimmi malinnaaqataasinneq
• Ilinniakkamik tungatillugu nutarterinermi malinnaajuarneq
• Sullitat malinnaafigiuarnissaa ass. Pilersaarusiorneq paaqqutarinissaanut.

Pisinnaassutsit piumasaqaatillu

• peqqissaasssutut ilinniagaqarsimasaassaatit 
• Marluinnik oqaaseqartuussaatit kalaallisut qallunaatullu (piumasaqaataanngilarli)
• Pinerluuteqarsimannginermut uppernarsaat takutissavat
• arfinningorneq, sapaatillu   ullukkut sulisarnissaq naatsorsuutigineqarsinnaavoq pisariaqartitsineq naapertorlugu.

Neqeroorutigaagut:

• Sulisut imminnut tapersorseqatigiitut
• Assigiingisutsimut inissaqartitsineq.
• Ineriatortsisivugut ineqartut qitiutillugit.
• Suliffik ineqartut toqqissisimasumik peqqinnartumillu inuuneqarnissaat pingaarnerpaatinneqassaaq.
• Sapaatip akunneranut 40 timer sulisarneq,  
• Akissarsiaqartitaaneq atorfeqartitaanerlu isumaqatigiissutit atuuttut naapertorlugit pissaaq.

Atorfimmut atasumik inissaqartitsisoqarsinnaassaaq, depositumi, ineqarnermullu akiliuteqartassalluni il.il. qanoq ilisukkulluunniit malittarisassat atuuttut malillugit, aamma sulilernermi angalaneq pequtillu nuunnerannut il.il. akiliisoqassaaq, malittarisassat atuuttut malillugit.

Sukumiinnerusumik paasissutissat ”Luuvikasik” aqutisua Karen Nørris Christensen telefon 381516 eller e-mail kach@kujalleq.gl

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit kingusinnerpaamik kommunimit tiguneqareersimassapput juulip ulluisa 13-at 2024 nittartagarput aqqutigalugu.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”