sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Air Greenland

System Ingeniør / Teknikkimut immikkoortortaqarfimmut System Ingeniøri

Air Greenland

Nuuk
Ikkunneqarpoq: 17-05-2024
Piffissaq atuuffissaa naassaaq: 15-06-2024
Suliffissamut ID normut: LJA-85489178
Atorfeqarnermi atugassarititaasut: Tamakkiisoq
Suliassaqarfik: Allat

Nuummi ingeniørinut immikkoortortaqarfitsinni ingeniørimik, Air Greenlandip nunami namminermi timmisartuinut fixed- aamma rotorwing-inik atortulinnut tapertaasussamik, piaartumik isumaqatigiissuteqarnikkulluunniit atorfinissinnaasumik pissarsiorpugut.

Ingeniørinut immikkoortortaqarfimmi sulisut qulit, suleqatigiit ingerlalluartut, ulluinnarni ingerlatseqatigiiffimmi timmisartunut mekanikerinut teknikkikkullu tunisassiornermut tapertaasut sulisuupput.


Suliassat akisussaaffiillu:

  • Teknikkikkut aserfallatsaaliuinissamut piumasaqaatinik aalajangersaaneq
  • Timmisartumi atortut tutsuiginassusiinut malinnaaneq
  • Sullissinernik pitsanngorsakkanik atuutsitsilertarneq
  • Timmisartunik tunisassiortunut atortussanillu pilersuisunut apeqqutit teknikkimut tunngasut pillugit attaveqartarneq, oqartussaasunut attaveqartarneq,
  • Suliniutinut suleqataasarneq aamma
  • Tunisassiorfiup ajoqutinik misissuinermi suliani assigisaanilu tapersersornera

Suliatigut piginnaasaqarfiit:

  • Timmisartunut mekanikeritut ingeniøritulluunniit ilinniarsimavutit, taamaanngippat teknikkikkut aserfallatsaaliuinermut attuumassutilimmik allamik tunuliaqutaqarputit
  • Teknikkimut tunngasut soqutigisorujussuuatit
  • Tuluttut oqaluinnarnermi allattariartornermilu oqaasiliullaqqissuuvutit
  • Timmisartuussisarnermi misilittagaqaruit iluaqutaassaaq - piumasaqaataanngilarli

Inuttut piginnaasaqarfiit:

  • Akisussaaffinnik ilisimaarinnittuuvutit, suliniuteqarnissamut piumassuseqarputit aammalu namminersorsinnaassuseqarputit suleqatikkuminartuullutillu
  • Aaqqissuussamik tulleriiaarillutillu, aammalu immikkoortut eqqumaffigalugit sulisinnaassuseqarputit
  • Suliat arlallit ataatsikkut ingerlassinnaavatit, avatangiisinilu ilaanneeriarluni ulappuffiusartuni sulineq nuannaraat

Akissarsiat atorfimmi inunnut ataasiakkaanut piumasaqaatinut naapertuutissapput. Taakku saniatigut ilaqutariit ukiumoortumik sulinngiffeqarnermi angalanerannut akiliussisarneq, soraarnerussutisiat, kiisalu sillimmasiissutit pilerinartut, ilaatigut piffissaq tamakkerlugu ajutoorsinnaanermut, ataatsimut inuunermut kiisalu napparsimmavissuarmiinnermut sillimmasiissutinik ilaqartinneqartut ilaatinneqarput. Maleruagassat atuuttut naapertorlugit ineqartitsisoqassaaq.


Ingeniørinut pisortaq Jens Christensen telefon +299 48 59 96-imut imaluunniit mail: jchristensen@airgreenland.gl aqqutigalugu attaveqarfigigukku paasissutissanik amerlanerusunik pissarsisinnaavutit.

Qinnuteqaat paasissutissanik/pappiaqqanik attuumassutilinnik ilaqartinneqartut, imatut nalunaaqutserlugu: ”System ingeniør”, kingusinnerpaamik 15. juuni 2024-mi nassiunneqassaaq Air Greenlandip nittartagaa aqqutigalugu.


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia