Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Tapersersorti
Kommune Kujalleq
Ikkunneqarpoq: 25-10-2024
Piffissaq atuuffissaa naassaaq: 10-11-2024
Suliffissamut ID normut: LJA-85765643
Atorfeqarnermi atugassarititaasut: Tamakkiisoq
Suliassaqarfik: Allat
Sulisussarsiorpugut tapersersortimik ”Apisseq”- mut
Decembarip ulluisa aallaqqaataat 2024 imaluunniit isumaqatigiissuteqarnikkut atorfinittussaq. Tapersersortimik perorsaasoq imaluunniit isumaginninnermi ikorti ilinniagalimmik pissarsiorpugut meeraaqqanik paarsinermik misilittagalimmik imaluunniit assingusumik misilittagalimmik, sulilersinnaasumik sukkanerpaamik.
”Apisseq” sunaava?
”Apisseq” Ilaqutariit Sulliviata/Familiecenter ataani naartusut meeraaraatilinnullu katsorsaavittut angerlarsimaffiuvoq.
Isumaginninnermik pisortaniit naliliiffigineqarsimasut immikkut pisariaqartitsineq aallaavigalugu tapersersorneqarnissaat ullut aaqqissuussamik/pilersaarusiukkamik toqqissisimanartumillu ilaqutariittut namminerisamik ingerlalluarnissaannut aqqutissiuullugit.
Suliassat:
- Angajoqqaat unamminartuutaannik tapersersorlugit
- Angajoqqaat suleqatigiilluarnissaannut tapersersorlugit ulluinnarni suliassaannik
- Angajoqqaat tapersersorlugit unnukkorsiutinik nerisassiorneranni
- Unnukkut angerlarsimaffimmi toqqissisimanissamut pilersitseqataanissat
Meeqqanut innarliisimannginneq:
Atorfik inatsimmi pituttugaaqqavoq meeqqanik innarliisimannginnermut uppernarsaammik saqqummiussinissaq. Inatsit naapertorlugu meeqqanut innarliisimannginnermik uppernarsaammik sulisitsisorisassamut tunniussereernerup kingorna aatsaat atorfimmi sulilertoqarsinnaammat.
Akissaatinut atorfininnermullu atugassarititat isumaqatigiissutit Naalakkersuisut sulinermik Inuussutissarsiuteqartut Kattuffiat SIK isumaqatigiissutaat atuuttut naapertorlugit akissaasersuisoqassammat.
Atorfik initaqanngilaq.
Annertunerusumik atorfimmut paasissutissanik pisariaqartitsinikkut uunga saaffiginnittoqarsinnaatit:
Ataqatigiisaarisumut Joan Nathansen jona@kujalleq.gl oqarasuaat 64 54 20 imaluunniit Ilaqutariinnut Sullissiviup pisortaanut Jakob Noahsen e-mail: jano@kujalleq.gl
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit kommunip nittartagaatigut tunniunneqariissapput kingusinnerpaamik november ulluisa qulingat 2024 imaluunniit uunga nassiunneqassallutik:
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”