Tarnip pissusaanik ilisimasallit marluk Kalaallit Nunaanni PPR-mi (Misi) suliassanut soqutiginartunu

MISI-mi suleqataarusuppit imaluunniit misilittagaqarfigereerpiuk? Tarnip pissusaanik suliaqarnissq soqutigilluinnarpiuk kissaatigalugulu inuit inuuneranni misinnartumik ikiuutissallutit? Peqatigitillugu piginnaasatit ineriartorteqqikkusuppigit, Kalaallit Nunaata pinngortitaani alutornarluinnartumiiutigalutit? Taamaappat manna ilinnut periarfissatsialaasinnaavoq.

Kommune Qeqertalimmi Ilaqutariinnut sullissinermi qitiusoqarfik Qaammaavik aqqutissiuisuulluni ataasiinnarmut saaffiginniffissiaavoq, tassungalu saaffiginninnikkut tarnip pissusaasigut ikiuussinnaasut assigiinngitsut pissarsiarineqarsinnaapput, taamaaliornikkullu innuttaasunut, qassinik ukioqarneq apeqqutaatinnagu pisariaqartitsisunut kiffartuussineq pisariinnerulersinniarneqarsimavoq. Maanna tarnip pissusaanik ilinniarsimasunik, psykolog-inik marlunnik, pisarsiorpugut kommunitsinni tarnip pissusaanik ikiuunnissamik ikorfartuinissamillu siunissamut ilusileeqataasinnaasunik. 

Atorfik pillugu

MISI qitiutillugu tarnip pissusaanik ilisimasalittut atuarfiit paaqqinnittarfiillu qanittumik suleqatigalugit meeqqat inuusuttuaqqallu 0-18-it akornanni ukiullit ineriartornerannik inuunerissaarnissaannillu sullittussaavatit. 

Tarnip pissusaatigut nalilersuinerit qanoq iliuuseriniakkallu suliamut atatillugu qaffasissumik suliarineqarnissaata qulakkeerneqarnissaanut akisussaasuussaatit, taamatullu aamma allaffissornerup tungaatigut akisussaaffeqassallutit, eqqortumik piffissarlu eqqorlugu uppernarsaasersuinerup isumagineqarnissaanut, kiisalu kisitsisitigut takussutissiortassallutit sulianik nalilersuinerit suliarineqartullu pitsaassusiinik illup iluani atugassanik takussutissiornissamut. 

Suliassatit Ilaatigut makkussaapput:

·Siunnersuineq oqaloqatiginninnerilluilinniartitsisunik, perorsaasunik aamma angajoqqaanik, meeqqat inuunerissaarnissaat ineriartornissaallu pillugit, kiisalu atuarfiup pisortaanik, inunnik isumaginninnermut siunnersortimikpeqqinnisarlu pillugu siunnersortinik suleqateqassallutit.

·Meeqqat inuusuttuaqqallu pillugit qulaajaaneq nalilersuinerlu, ajornartorsiutaasinnaasunik ineriartornermiluunniit unammillernartunik qulaajaalluni, misiliinerit tarnillu pissusaatigut nalilersuinerit aqqutigalugit.

·Iliuuseqarnerit malitseqartitsinerillu, iliuuseqarnermi pilersaarutinik iluarsiisarnerit, meeqqat inuusuttuaqqallu immikkut pisariaqartitsisut ikiorniarnerini. Ilinniartitsinermik eqqarsaatinngortitsinermullu paasissutissanik tunniussineq, illoqarfigisami inuiaqatigiinnut ataavartumik tulleriiaakkamik ilitsersuinikkut siunnersuineq.

·Meeqqani inuussuttuaqqanilu siusissukkut ajornartorsiutaasinnaasunik ilisarinnissinnaaneq iliuusissanillu pinaveersaarinertigut aallartitsisinnaaneq, kiisalu atuarfinni paaqqinnittarfinnilu peqataatitsinerup tungaatigut siuarsaataasinnaasunik suliniuteqarsinnaaneq.

Immikkoortortami sisamanik sulisulimmi suleqataalissaatit, suleqatigiit iluanni ataqatigiilluarfiusumi. Suliassat pillugit qanittumik suleqatigiissaasi, suulluunniit angisuut annikinnerusulluunniit pillugit avitseqatigiittassallusi.

Piginnaasat

Tarnip pissusaanik ilinniarsimasut, cand.psyk. marluk suleqatissarsiarerusuppagut, ajornanngippat MISI-mi sulianik misilittagalinnik imaluunniit suliassaqarfimmut atatillugu ilinniakkaminnik nammassinneqqammersunik. Tamanna iluaqutaassaqaaq, kisianni piumasaqaataanngilaq:

·Psykolog-itut allagartaqarneq/akuersissuteqarneq.

·Meeqqat inuusuttuaqqallu pillugit suliassaqarfimmmi misilittagaqarneq, kiisalu atuarfinnik paaqqinnittarfinnillu ilisimasaqarneq.

·Tarnip pissusaanut tunngasunik misiligutinik qaqilerinermilu sakkunik misilittagaqarneq.

·Suliassaqarfiup iluani inatsisitigut tunngasunik ilisimasaqarnissaq.

·Kalaallisut oqalussinnaaneq/paasisinnaaneq - imaluunniit oqaatsinik ilikkarnissamut soqutiginninneq.

Sukumiisumik ilinniartitsissaagut, suliassarnut atatillugu nalornissuteqannginnissat siunertaralugu.

Tarnip pissusaanik ilinniagalinnik marlunnik pissarsiorpugut, attaveqallaqqissunik suleqatiginnissinnaalluartunillu, suliaminnut akisussaassuseqarlutik namminneerlutik sulisinnaassuseqartunik. Pinertuujussuseqassaatit, pisut suliallu ajornakusoorsinnaasut unammillernarsinnaasullu suliarinissaannut.

Inuttut eqaatsumik pissuseqassaatit tulluarsarsinnaassuseqassallutillu, kiisalu naammagittarsinnaassuseqassallutit ataatsimiinnerni, assersuutigalugu ilaqutariinik atuarfimmillu. Kulturit assigiinnginneri pillugit paasinnittuussaatit, pisariaqartillugulu kimigiisersinnaassuseqassallutit. Kiisalu sapiissuseqassaatit, pissutsit ajornarsinerini, oqarsinnaanissarnut.

Neqeroorutigaagut:

Tassani assissaqanngitsumik periarfissaqassaatit ilaqutariinnut qitiusoqarfimmi nutaajusumi peqataanissarnut, sunniuteqaqataanissarnullu, meeqqallu inuusuttuaqqallu sullinneqartut piffissami sivisuumi malittarisinnaassallugit. Tamakku tamaasa misigissavatit Aasianni/Kommune Qeqertalimmi, pinngortitamut qanilluinnartumi pinnerluinnertumik avatangiiseqarfiusumi.

Sullivimmi avatangiiserissaartumi suleqataalissaatit ingerlaavartumik suliat pillugit imaajaqatigiiffiusinnaasumi, suliffimmilu pissutsit iluarisimaarnartut avatangiiseralugit. Aalajangernissamut aqqutissat takisoorsuuneq ajorput, isumassarsiatsialammillu isumassarsiaqaruit piviusunngortissinnaavarput, suliniutigerusutarnut tapersersorneqassagavit. Ilinniaqqissinnaanerit suliamullu atatillugu ineriartoqqissinnaanerit ukkatarilluarneqassaaq, atorfeqarninnilu piffissap ingerlanerani autorisation-imik pissarsinissarnut periarfissaqarputit. Siunissaq eqqarsaatigalugu aamma tarnip pissusaanit ilinniarsimasunik suli amerlanerusunik atorfinitsitsinissaq eqqarsaataavoq, illillu atorfeqarfigisat katsorsaanerup tungaanut saqitikkiartorneqarsinnaavoq. Tamakku saniatigut makku isumagissavatit: 

·Pikkorissarnerit tulluartut ilinniaqqinnerillu peqataaffigineri, ilisimasassat nutaat ilisimatusarnerlu suliassaqarfimmut tunngasoq malinnaaffigiumallugit. 

·MISI-p iluani ilisimasanik avitseqateqarneq suliamullu tunngatillugu ineriartorneq. 

·Suliassaqarfiit assigiinngitsut suleqatigiinnerini peqataaneq aammalu imaajaqatigiittarnernut/siunersioqatigiittarnernut peqataaneq. 

·Suliamut atatillugu ilisimasanik, milisittakkanik kaammattuinermillu suleqatigiinnut tapertalersuineq. 

Suleqatigiinnut peqataarusuppit?

Taava qilanaarpugut suliamut soqutiginninnerit takutillugu allagaqarnissarnut CV ilanngullugu, piaartumik, taamaaliorsinnaavutillu matuma ataani "ANSØG" toorneratigut. Saaffiginnissutit tamarmik isertuunneqassapput. Sulisussanik atorfinitsitsiniarnermi siunnersorteqarfik INDKOM peqataassaaq. Atorfinitsitsinissaq siunertaralugu oqaloqatigiittoqassappat qinnuigineqarumaarputit inuttut profil-it immersussagit aammalu kognitiv test tigussagit. 

Oqaloqatiginninnerit ingerlatillattaassagatsigit qinnuteqaatit piaartumik nassiussinnaavat.

Apeqqutissaqaruit saaffiginniinnassaatit. 

• Jensine Nedergaard, Chefpsykolog ved Familiecenter Qaammaavik: jene@qeqertalik.gl
• Niels Sparre, INDKOM: +45 40 71 14 00 / nsp@indkom.dk
• Camilla Diener, INDKOM: + 45 93 39 05 15 / cdi@indkom.dk

Aasiaat/Kommune Qeqertalik pillugu

Aasiaat inissisimavoq Kommune Qeqertaliup qeqqani, pinngortitaq ajasoornartoq najukkamilu innuttaaqatigiit nukittuut ilisimaneqaatigalugit. Tamaani inuussagaanni pinertuujusinnaasariaqarpoq ammasuusariaqarlunilu, taamaattorli assissaqanngitsunik pinngortitamut kulturikkullu suliniutinut qanittumik attavissaqarluarpoq. 

Aningaasarsiatigut atorfeqarnermilu atugassarititaasut

Aningaasarsianut aamma atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttut naapertorlugit atorfinititsineq pissaaq. 

Inissaq

Atorfimmut atatillugu sulisutut inissiamik innersuussisoqarsinnaavoq, tassani qularnaveeqqutit aamma ineqarnermut akiliisarneq kiisalu atuineq Namminersorlutik Oqartussat aamma kommunit Kalaallit Nunaanni illuutaanni ineqarnermut akiliuteqartarneq pillugu maleruagassaat sukkulluunniit atuuttut naapertorlugit akiliisoqartassaaq. Ineqarnermut, tassunga ilanngullugu atuinermut tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.ini@ini.gl  

Atorfininnermut atatillugu sulisorisanut inissiamik ataavartumik atugassiisoqarsinnaanngippat sulisunut utaqqiisaasumik inissiamik innersuunneqarsinnaatitaasunut utaqqiisaasumik inissiamik neqerooruteqartoqassaaq, tamatumani ineqarnermut akiliut, atuineq il.il. aamma ajunngitsorsiassat sorlii akileraarutaasarnersut, siuliani allassimasut naapertorlugit akilerneqartassallutik.

Sulisumut inissaqartitsilersinnaaneq qaqugu pissanersoq apeqqutaassaaq, qaqugu atorfimmi aallartissinnaanermut. Atorfininnermi angalaneq kiisalu pisattat angallanneqarnerisa akilerneqarneri malittarisassat atuuttut malillugit pissapput. 

Pinerlussimannginnermut uppernarsaatit:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommune pineqaatissinneqarsimannginnermut aamma meeqqanut pinerliisimannginnermut uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit tiguneqarpat atorfininnissaq inissinneqassammat. 

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq. 

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.