sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Tasiilami Atuartut angerlarsimaffiat isumaginninnermik ikiortimik sulisussarsiorpoq

Kommuneqarfik Sermersooq

Tasiilaq
Ikkunneqarpoq: 13-06-2024
Piffissaq atuuffissaa naassaaq: 04-07-2024
Suliffissamut ID normut: LJA-85543548
Atorfeqarnermi atugassarititaasut: Tamakkiisoq
Suliassaqarfik: Allat

Tasiilami Atuartut angerlarsimaffiat atuartunut 9 - 10 klassinut angerlarsimaffiuvoq 32-nik inissaqartoq, atuartut nunaqarfinniit Sermiligaaq, Isortoq, Tiniteqilaaq, Kuummiut aamma Kulusumiit najugaqartarput. Aqutsisoqarpoq, tullersorti sulisullu aqqaneq marluk.


Atorfimmut ilisarnaatit:

Naatsorsuutigaarput illit:

· Suleqatinut atuartunullu tunngatillugu maligassiuilluartuusutit.

· Atuartut suleqatillu akuersaartumik pissuseqarlutit naapissinnaagitit.

· Inussiarnersuuvutit avatangiisinnillu inissaqartitsisuullutit.

· Suliamut tunngatillugu ilisimaarinnittuuvutit ajornanngippallu ulloq unnuarlu paaqqinnittarfinniit misilittagaqarlutit.

· Atuartut ataasiakkaat pillugit perorsaanissamik suliaqarnissat pillugit oqaaseqatigiiliorsinnaavutit uppernarsaasinnaallutillu.

· Atuartoq inuusuttorlu pillugit angajoqqaat, ilaqutaasut allat atuarfillu suleqatissatut pingaarnerpaatut pingaartippatit.

· Illup iluani silamilu sammisassanut siuttuusinnaasutit aamma pisariaqarfiini inuusuttut tusarnaarlugillu inissaqartissinnaagitit.

· Aqutsisunut unneqqarissuuvutit.

· Atuartut angerlarsimaffianni perorsaanerup tungaatigut ineriartortitseqataassaatit suleqatitillu ilanngutiteqataatissinnaagitit.

· Tusarnaallaqqissuussaatit peqatigitillugu qanoq isumaqarnerit ersersissinnaassavat.

· Uku inissaqartissinnaassavatit: Ataqqinninneq, isumassuineq, suleqatigiinneq tatiginninnerlu


Makkuninnga piginnaasaqaruit qujanassaqaaq:

· Illit isumassarsiannik saqqummiussisinnaassuseqarnissat.

· Ukuninnga pingaartitaqarputit: Toqqissisimaneq, qanilaarneq, ataqqinninneq, suleqatigiinneq, unammillerneq ineriartornerlu.

· Sulisunik ilinniagaqarsimanngitsunik piginnaanngorsaaqataarusupputit.

· Allanik piginnaasaqaruit uatsinnik avitseqataaffigerusutannik nuannissaaq.

· Nipilersornermut, erinarsornermut, allatulluunniit nutaaliornernut immikkut nukissaqarputit.

· Biilernermut allagartaqarnissaq kisianni piumasaqaataanngilaq.


Akerlianik tullinnguuttut makku neqeroorutigisinnaavavut:

· Aqutsisoq angerlarsimaffimmut atuartunullu sulerusussuseqartoq aamma atuartut, suleqatit angajoqqaallu eqqarsaatigalugit pitsaasunik avatangiiseqartitsinissaq uummaarissumillu inuuneqarnissamik sulissutilik.

· Kommuneqarfik Sermersuumi sulisutut, perorsaanikkut inerikkiartuutaasunik aamma ulloq unnuarlu paaqqinnittarfimmik tapersersueqataasumik tamanut isumaginnittussaanerput eqqummaariffigaarput tamannalu ilutigalugu tamanna pillugu atuartut pilersuisuinik suleqateqartoqassalluni.

· Init nuannersut angerlarsimaffippalaartullu.

· Nukissaqarluarneq, sapiissuseqarneq pitsaasunillu eqqarsartarnerit.

· Pikkorissarnerit paasissutissiinerit allarpassuillu.

· Piffissat suliffiusut nikerartut, ullaakkoorneq, ualikkoorneq kiisalu unnuarsiorneq.


Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Karen Knudsen Bianco, oqarasuaat +299 36 78 28 imaluunniit e-mail: kknu@sermersooq.gl


Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.


Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq
.


Inissaq:Atorfininnermut atatillugu inissiamik innersuussisoqarsinnaanngilaq.


Qinnuteqaat:

Qinnuteqaat qulequtserlugu Atorfiup ilisarnaataa 598-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.


Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.


Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia