sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Tekniker eller Konstruktør

Kommune Kujalleq

Nanortalik
Ikkunneqarpoq: 02-12-2022
Piffissaq atuuffissaa naassaaq: 27-12-2022
Suliffissamut ID normut: LJA-84308554
Atorfeqarnermi atugassarititaasut: Tamakkiisoq
Suliassaqarfik: Allat, Ingeniøri & pinngortitalerineq, Allaffik & allaffissorneq

Nanortalimmi Teknikeri/Konstruktøri


Kommune Kujalliup Nanortalimmi Teknikkimut Avatangiisinullu Ingerlatsiviani Teknikeritut atorfik februaarip ulluisa aallaqqaataat 2023 aallarnerfigalugu isumaqatigiissuteqarnikkulluunniit inuttalerniarneqarpoq.


Nanortalimmi immikkoortortaqarfimmi teknikerit marluk ingerlatsisoq ataaseq, tiimimusiallillu qulit missaanniittut kommunip sanaartorfiini eqqagassanullu tigooraaviani sulisuupput.


Atorfik

Illit allaffeqarfimmi teknikeritut sulissaatit. Akisussaaffiit piginnaaneqarfigisallu pingaartumik ukuussapput:

  • Avatangiisinut tunngatillugu nakkutilliineq.
  • Nunaqarfinnut tunngasuni oqartussatut suliassat.
  • Pilersaarusiornerit nakkutilliinermilu suliassat annikitsut.
  • Illuutinik misissuineq naliliinerlu.
  • Nunaminertanik aqutsineq.
  • Nanortalimmut atassuteqartuni, nunaqarfinni savaatilinnilu suliassat assigiinngitsut nakkutigineri.
  • Ingerlatsinermut susassaqarfimmi kiisalu ingerlatsivik akimorlugu suliassat allat nakkutiginerat.


Naatsorsuutigaarput illit:

·Naleqquttumik ilinniagaqarsimassasutit, ajornanngippallu suliassaqarfiit ilaat misilittagaqarfigissagitit.

·Ajornanngippat oqaatsinik qassiinik atuisinnaassasutit (kalaallisut, danskisut, tuluttut…).

·Sullissiumatuujussasutit suleqatikkuminarlutit qiimasuullutillu.

·Namminersorlutit aaqqissuulluakkamik sulisinnaassasutit.

·Qarasaasialerinermut piginnaaneqassasutit aamma Office pakken-imut, NunaGIS-imut aamma ArcGIS-imut nalunngisaqassasutit.

·Titartakkatigut, allakkatigut oqalunnikkullu erseqqissumik siumullu takorluuisumik saqqummiussisinnaassasutit.


Neqeroorutigaavut:

Atorfik pissanganartoq, allanngorartoq amerlasuunullu attuumassuteqarfiusoq kiisalu inuttut suliamullu tunngasutigut ineriartornissamut periarfissagissaartoq, tassaasinnaallutik, NUNAGIS aamma ArcGIS.


Akissarsiatigut atorfeqarnermilu atugassarititaasut

Namminersorlutik Oqartussat aammalu sulisunngortussap kattuffiata isumaqatigiissutaat naapertorlugit atorfinitsitsisoqarluni akissarsiaqartitsisoqassaaq.

Atorfimmut atasumik inissaqartitsisoqarsinnaasoq tamatumanilu malittarisassat atuuttut malillugit sillimmatinut ineqarnermullu assigiinngitsunullu akiliteqartoqassalluni.

Kommunip atorfinitsitsinermi malittarisassat atuuttut malillugit angalanerit, nuunnermi aningaasartuutit isumagissavai.


Paasissutissat allat

Atorfik pillugu paasissutissat sukumiinerusut ingerlatsivimmi pisortaq Sem Ottosen oqarasuaat +299 64 54 00 imaluunniit mail seot@kujalleq.gl atorlugu saaffigalugu pissarsiarineqarsinnaapput.


Qinnuteqaat

Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik  decembarip ulluisa 27-iat 2022.


Malugiuk: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput”.


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat