sullissivik.gl
Atorfimmut ussassaarummut oqaatsinut allanut nuunniarlutit tooruk

Teknikimik Ilinniarfimmut, KTI-mut verassistentissarsiorneq

Namminersorlutik Oqartussat

Sisimiut
Ikkunneqarpoq: 08-11-2019
Piffissaq atuuffissaa naassaaq: 29-11-2019
Suliffissamut ID normut: LJA-77269891
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq
Attaveqarfissamut paasissutissat

Namminersorlutik Oqartussat

KTI HR 
Adammip Aqq. 2
Oqarasuaat +299 86 76 00

KTI Sisimiut piaarnerpaamik imaluunniit isumaqatigiissuteqarnikkut sulisersussamik overassistentissarsiorpoq.
Teknikimik Ilinniarfik - KTI ukunannga immikkoortortaqarpoq: EUD – Nuummi Saviminilerinermut Ilinniarfik – Sanaartornermut Ilinniarfik, Aatsitassalerinermut Ilinniarfik, Oqaatsinik Pikkorissarfik aamma GUX Sisimiuni. Ilinniarfiit ilinniarnerit saniasigut ukiumut pikkorissartitsinerit 120-t sinnerlugit ingerlattarpaat.
Ingeniøritut ilinniarnerit Issittumi Ingeniøri aamma Aalisarnermi Teknologi DTU peqatigalugu ingerlanneqarput. Taakkua saniasigut KTI-p ilinniartut ineqarfii 356-it missaanniittut ingerlanneqarnerat akisussaaffigaa.
Overassistenti ilinniartut ineqarfiinik allaffissornikkut ingerlatsinermut attuumassuteqassaaq, suleqatit qaninnerit tassaassapput ilinniartut ineqarfianni aqutsisuuneq, kontorfulmægtig ataaseq aamma taakkua sanisigut Sisimiuni allaffissornermi suleqatit qulit missaanniittut ilinniartoqarfimmi siammarsimasut.
Overassistentip ulluinnarni akisussaaqataaneq aamma suliassat akisussaaffigissavai:

  • Ilinniartut inaannut iserterneq aamma nuunneq – akunnerup naanerani sulisariaqarsinnaavoq
  • Misissugassatut allattukkat misissornerat
  • Najugaqarunnaarlutik nuuttut misissornerat
  • Ilinniartunik nutaanik nalunaarsuineq aamma ilinniartut ineqarfiini ineqartunik naatsorsuineq
  • Ilinniartut inuttut pillugit suliat
  • Aningaasarsianik nalunaaruteqartarneq
  • Karsimiittuutinik nalunaarusiorneq – IRIS-imik akuersisartoq
  • Suliassat takkussuuttut assigiinngitsut

Piginnaasat:
  • Allaffissornermi attuumassuteqartumik ilinniagaqarneq.
  • Microsoft Officemik, ingammik Excelimik, misilittagaqarneq.
  • Aningaasaqarnermi atortorissaarummik XAL-imi, akiitsullit pillugit atortorissaarummik IRIS-imik aamma Prismemik ilisimasaqarneq pitsaassaaq – ilinniartitsisoqarsinnaavoq.
Ilinniartut ineqarfiinik allaffissornermi ulluinnarni piumasaqaatit tassaasinnaapput:
  • Suliartortuaannarneq aamma inortuinani suliartortarneq.
  • Nammineerluni sulisinnaaneq aamma suliassarpassuarnik suliaqarsinnaaneq.
  • Torersuunissaq, akisussaassuseqarnissaq aamma suleqatigiinnissamik piumassuseqarneq.
  • Marluinnik kalaallisut danskisullu oqaaseqarnissaq –nunani allamiunik ilinniartoqarneq peqqutigalugu aamma tuluttoorsinnaagaanni pitsaassaaq.
  • Pinerluuteqarsimannginnermut uppernarsaat.

Neqeroorutigaagut:
Ilinniarfik annertusiartortumik ilinniartitaanik ingerlasoq aammalu taamaattumik ilaatigut ulluinnarni ulapaarfiusoq, tassani sulisut akornanni silaannaq nuannersuuvoq pitsaasuullunilu.
Suleqatit pikkorissut, ikiuukkumatuut iliuuseqarnertuullu kiisalu unammilligassanik pissanganartunik periarfissaqarneq.

Tiltrædelse 02.01.2020 eller efter aftale. Qinnuteqaatit ingerlaavartumik suliarissavagut.

Paasissutissat sukumiinerusut:
Atorfik pillugu paasisaqarnerorusukkuit uunga attaveqarnissannut tikilluaqqusaavutit: Paninnguaq Heilmann - +299 530261 – pahe@kti.gl imaluunniit kontorfuldmægtig Frederik Enoksen - +299 867639 – fren@kti.gl

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia