sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Tolk og oversætter

Kommune Kujalleq

Qaqortoq
Ikkunneqarpoq: 22-01-2021
Piffissaq atuuffissaa naassaaq: 15-02-2021
Suliffissamut ID normut: LJA-81622274
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Isumaginnittoqarfik

Oqalutsi nutserisoq

 

Kommunimi pisunut malinnaajuarfiusumik pingaarutilimmillu atorfeqarusuppit? Taamaappat taava Kommune Kujallermi oqalutsinngornissannut piukkunnarputit. Kommune Kujalleq Qaqortumi oqalutsisut nutserisutullu atorfik inuttassarsiorneqarpoq aprilip ulluisa aallaqqaataani 2021 isumaqatigiissuteqarnikkulluunniit atorfinitsinneqartussanik.

 

Atorfinitsinneqartussaq qitiusumik allattoqarfiup suliassaataanik suliaqarnerussaaq, tamakku makkuunerupput: tamanut saqqummiussassat, suliffiit nalunaarusiaat, assigisaallu.  Aamma isumaginnittoqarfimmut ilaqutariinnik sullissivimmullu saaffiginnittoqartillugu, naalakkersuinikkut allaffissornikkullu ataatsimiittoqartillugu, innuttaasunik ataatsimiititsisoqartillugu il.il. oqaluttaasoqartassaaq.  Tamakku saniatigut nutserisutut suliassat allat nalinginnaasut suliarineqartassapput.

 

Nutserissut SDL Translation Management Systemet nutsigassanut atorneqartarpoq pisariaqartitsinerlu malillugu atornissaa suliffimmi ilinniartitsissutigineqarsinnaalluni.

 

Suliassat nalinginnaasumik qaffasissuusarput tassami nutsigassat oqaluttaaffissallu annikinnerusut allaffissornikkut sulialinnit isumagineqartarmata.

 

Taamaammat atorfik inuttalerneqarusuppoq suleqatimik aalajaatsumik, soqutiginnittumik aammalu tamatigoortumik, oqaatsinik piumasarineqartunik piginnaanilimmik.  Kalaallisut qallunaatullu oqaatsit pingaarnerupput, qinnuteqartulli nunat allat oqaasiinik, ingammik tuluttut, piginnaannillit pingaartinneqassapput.  Qinnuteqartut pisortat ingerlatsiviiniit, aammalu inatsisinik aammalu atortorissaarutitigut tunngassutilinnik misilittagallit pingaartinneqarnerussapput.

 

Atorfiit allattoqarfimmi inissisimasuuvoq.  Nutserisoqarfik ulluinnarni aqunneqarpoq nutserisuunermiit, allattoqarnermut pisortamut atasuusumiit.

 

Sulisumut naleqquttumut atorfimmi suliassat pissanganartut amerlaqaat, atorfillu tigussagaani eqaatsuusariaqarpoq, suliffimmi politikkimik suliaqarfiusumi sulisinnaasariaqarluni, eqqissisimasariaqarluni aammalu uisanartoqalersillugu paatsiveerunnaveersaartariaqarluni. Pingaartorsiorfiunngitsumi atorfeqalernissaq neqeroorutigineqarpoq.

 

Aningaasarsiatigut atorfinitsitaanermilu atugassarititaasut isumaqatigiissut atuuttoq naapertorlugu pissapput.

 

Inissannik tunineqarsinnaavutit, malittarisassat atuuttut naapertorlugit ineqarnermut akiliut allallu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik. Sivisuumik utaqqisoqarsinnaavoq.

 

Paasissutissat annertunerusut pissarsiarineqarsinnaapput isumaginninnermut pisortaagallartumut Arnaaraq Dorph, oqarasuut 64 53 52 imaluunniit e-mail ardo@kujalleq.gl

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik februaarip ulluisa 15-iat 2021 nittartagarput aqqutigalugu imaluunniit uunga:

nassiunneqassalluni:

 

Kommune Kujalleq

Sulisoqarnermut allaffik

Postbox 514

3920 Qaqortoq

job@kujalleq.gl

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Suliffeqarfimmit ataatsimit suliffissat allat