sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Tullersorti Qatanngutigiit Nanortalik

Kommune Kujalleq

Ikkunneqarpoq: 24-01-2022
Piffissaq atuuffissaa naassaaq: 14-02-2022
Suliffissamut ID normut: LJA-83277129
Atorfeqarnermi atugassarititaasut: Tamakkiisoq
Suliassaqarfik: Allat

Meeraaqqerivik ”Qatanngutigiit” meeraaqqanut 20-nut naatsorsuussaavoq 0-3 ukiulinnut.

Sulisoqarpoq katillugit 9-nik, taakkua iluanni pisortaq inissisimalluni. “Qatanngutigiit” ammasarpoq nal: 06:45– 16:30 tungaanut. Suliffik Ataasinngornermiit tallimanngornermut ammasarpoq nalliuttuni weekendtinilu matoqqasarluni, Atuarfeqarnermut, Meeqqeriveqarnermut Nutaaliornermullu Ingerlatsivik ataaniilluni.

Nanortalimmi meeqqeriviit pingasuupput, pisortaasullu suleqatigiilluartuupput pisariaqartitarlu naapertorlugu ikioqatigiinnermik pingaartitsisuullutik.

Nanortalik illoqarfiuvoq eqqissisimasoq alutornartoq, ukiup ingerlanerani assigiinngitsunik sammisaqartitsiffiusarluni.

Illit ”Qatanngutigiit”-nni makkua akisussaaffigissavatit akisussaaffigissavatit:

  • Illup ingerlarnganik sutigut tamatigut nakkutiginninneq, taassuma iluani allaffissorneq
  • Illup siunertaanik malitsitsiniartoq
  • Inatsisartut inatsisaat nr 16, 3. dec 2012-meersoq pillugu suliniuteqarneq
  • Angajoqqaanik suleqateqarnermi eqqummaarissuuneq
  • Perorsaanilerinermik nakkutiginninneq, nutarsaajuarneq
  • Suleqatikkuminartoq, tarnikkut timikkullu nukittooq
  • Killiliisinnaasoq
  • Suleqatinik ataatsimoortitsisinnaasoq
  • Ajornartorsiutinik qaangiinissamik aqqutissiuisinnaasoq
  • Ulapaarfimmi ataatsikkoorussisinnaasoq
  • Aqutsinermik misilittagaqartoq
  • Meeqqanut asannittoq tunniussimasorlu

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

Perorsaasut kattuffiat aammalu Kalaallit Nunaanni Naalakkersuisut akornanni isumaqatigiissutit naapertorlugit akissarsiaqartitsisoqassaaq.

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

Annertunerusumik paasisaqarusukkuit uunga saaffiginnissinnaavutit Meeraaqqeriviup pisortaa Viviane P. Geisler qatanngutigiit@kujalleq.gl imaluunniit telefon 38 17 72.

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik februaarip ulluisa 14-iat 2022 nittartagarput aqqutigalugu nassiunneqassalluni.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat