Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Tullersortimik QUPANUK-mmut
Qeqqata Kommunika
Sisimiut
Ikkunneqarpoq: 12-06-2024
Piffissaq atuuffissaa naassaaq: 26-06-2024
Suliffissamut ID normut: LJA-85542003
Atorfeqarnermi atugassarititaasut: Tamakkiisoq
Suliassaqarfik: Peqqinnissaq
Igaffik, eqqiaaneq errorsinerlu kiisalu pedel biilertorlu ilanngullugit sullissinermut pisiniartarnemullu immikkoortortat immikkut akisussaaffigalugit Pisortamut tullersortitut atorfik.
Tullersortitut sullissinermut pisiniartarnermullu immikkut akisussaaffigai najugaqartunut 43-nut kiisalu innuttaasunut nerisassanik pajutsittartunut 20-25-nut nerisassiornermut akisussaasuusunut sulisunut tunniusimasunik arfinilinnik sulisoqassaatit aammalu eqqiaasunut pingasunut errorsisarfimmilu sulisunut marlunnut sungiussisimasunut akisusaaffeqarlutit kiisalu pedel-li pedel-lillu ikiortaa/biilertoq suleqagtigalugit pisiniartarnermut illumut aserfallatsaaliinermillu akisussaasuussallutit.
Utoqqaat angerlarsimaffiat ukiuni kingullerni annertuumik ineriartorfiunikuuvoq aammalu illit qitiusumik inissisimaffeqassaatit, tassani illit aqutsisut sulisullu sinneri peqatigalugit utoqqaat angerlarsimaffiannik ineriartortitsinerup ingerlateqqinneqarnissaani suleqataallutillu qitiusut ilagissallugit aammalu immikkoortup iluani suliassanik assigiinngitsorpassuarnik unammillernartunullu siuttuullutillu suliarinnissaatit.
Tullersortitut immikkut akisussaafigalugit sullissinermut pisiniartarnermullu tunngasut aaqqiissuteqarsinnaassaatit, aalajaatsuullutit, ersarissuullutit, siuttuullutit ilutigitillugulu kingulertuuttunut takunnissinnaassuseqassaatit. Suleqatinut, suleqatigisanut, najugaqartunut ilaqutaanullu tunngatillugu ammasuusutit, akuusutit akuersaartumillu periuseqarlutit, aammalu inuit assigiinngissutaanik inissaqartitsisuusutit. Sulisut suliffissaannik pilersaarusiornermik allaffissornermilu suliaqarnermik misilittagaqartutit pitsaasumillu attaveqaqatigiinnerup pingaaruteqarsusaanik paasinnittuusutit. Sulinermi kalaallisut qallunaatullu oqaatsit atorneqarput.
Akisussaaffiit suliassallu:
- Tamanik takunnissinnaassuseqarluni missingersuutinik aningaasaqarnermillu malitsitsinissamut kiisalu pilersaarusiorneq sulisunillu agguataarineq ilanngullugit utoqqaat angerlarsimaffiannik ulluinnarni ingerlatsinermut kiisalu suleqataasut akornanni sunniuteqartoqarnissaa ukkataralugu sulisut tamakkiisumik atorluarneqarnissaasa qulakkeerneqarnissaa ilanngullugu akisussaaqataaneq.
- Utoqqaat angerlarsimaffianik taassumalu sulisuinik ineriartortitsinermut kiisalu pisiaqartitsineq malillugu ilitsersuutinik periutsinillu pisariaqartunik suliaqarnermut akisussaaqataaneq.
- Neqeroorutinik pissarsiniarneq akinillu atugassarititaasunillu isumaqatiginninniarneq ilanngullugit akiligassiissutinik, pisianik atuiffilersuineq akuersissuteqarnerlu.
- Sulisunut pissutsit, akissarsialerivimmut nalunaarutiginninnerit, atorfinitsitsinerit soraarsitsinerillu, ilinniartitsinerit, ineriartortitsilluni oqaloqatiginninnerit.
- Illumik aserfallatsaaliineq, aserfallatsaaliilluni suliassat pillugit kommunip Teknikkeqarnermut immikkoortortaanut kiisalu entreprenørinut sanasunullu attaveqarneq, illup iluani/avataanilu suleqatigisanik ineriartortitsineq paarinninnerlu.
- Sulisunut pitsaasunik suliffimmi timikkut eqqarsartaatsikkullu sulisullu ingelalluarnissaannik avatangiiseqartitsinissamik pingaartitsineq.
- Suleqatikkuminartoq allanngornissamut ineriartornissamullu piumassusilik aalajangiisinnaassuseqartorlu kiisalu suliffigisamut eqaatsuullunilu tatiginnittoq.
- Sulinngiffeqarnissanik sulisunillu pilersaarusiorneq
- Pisortaasup sulinnginnerani/sulinngiffeqarnerani paarlattaaneq
Naatsorsuutigineqartut:
- Aningaasaqarnermik aqutsinermut pitsaasumik qarasaasiaqarnerullu iluani pitsaasunik piginnaasaqarluni aqutsinermik misilittagaqartuusutit
- Atorfimmut tulluuttunik ilinniaqaqarsimaneq sulinikkullu atorfimmut tulluuttumik misilittagaqarsimaneq.
Neqeroorutigigaagut:
Ilisarititsineq pitsaasoq, ataasinngornermiit tallimanngornermut 8-16 suliffiusoq
Utoqqaat angerlarsimaffiat Qupanummi atugarissaarneq inuunerissaarnerlu pingaartippagut. Utoqqaat angerlarsimaffiat QUPANUK pillugu annertunerusumik uani https://www.qeqqata.gl/emner/borger/familie_pleje_omsorg/aeldre/plejehjem_qupanuk?sc_lang=da atuagaqarsinnaavutit.
Pinerliisimannginnermut uppernarsaatit:
Atorfik una pinerluuteqarsimannginnermut uppernarsaammik inatsisitigut paasiniaanissamut pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerluuteqarsimannginnermik allagartaq politiinit tigoreernerata kingorna.
Akissarsiat atorfeqartitaanermullu atugassarititaasut:
Akissarsiat atorfeqarnermullu atugassarititaasut, Naalakkersuisut aammalu Atorfillit Kattufiat/AK isumaqatigiissutaanni Kalaallit Nunaanni Namminersorlutik Oqartussat Kalaallit Nunaannilu Kommunini atorfilittut suliaqarnermut isumaqatigiissutaat naapertorlugu immikkoortortami aqutsisutut akissarsiaqartitsisoqassaaq, imaluunniit ilinniagarisimasap isumaqatigiissutaa malillugu. Ukioq allortarlugu ilinnut ilaqutannullu akiliunneqarluni sulinngiffimmi angalaneq.
Qaammatini pingasuni misiligummik atorfinitsitsisoqassaaq.
Ineqarneq
Atorfimmut tunngatillugu inissamik pisatsersugaanngitsumik inissaqartitsisoqarsinnaavoq. Malittarisassat atuuttut naapertorlugit inigisamut qularnaveeqqummullu akiliisoqartassaaq. Sisimiuni najugaqariinngikkuit, ilinnut ilaqutannullu pequtinik assartuussineq angalanerlu akilerneqassapput.
Atugarissaarneq aamma Peqqissuseq
Qeqqata kommuniani sulisut illoqarfiup timigissartarfiani akeqanngitsumik atuinissamut neqerorfigitittarput.
Atorfiniffissaq ulloq 1. august 2024 imaluunniit isumaqatigiissuteqarnikkut.
Atorfik pillugu paasissutissat annertunerusut Peter Mattaaq oqarasuaat: 86 73 50, e-mail: pema@qeqqata.gl atorlugit pissarsiarineqarsinnaapput