Turismeassistent / Tourism assistant / Takornarialerinermi ikiorti
Ikkunneqarpoq: 18-03-2023
Piffissaq atuuffissaa naassaaq: 15-04-2023
Suliffissamut ID normut: 331495325
Atorfeqarnermi atugassarititaasut: Tamakkiisoq
Suliassaqarfik: Takornariaqarneq
Atorfiup taaguutaa:
Misilittakkat - Annertunerusumik: Administration
Oqaatsit:
| Tuluttut |
Atuarneq/ oqalunneq/ allanneq |
Takornarialerinermi ikiorti
Nuummi takornarialerinermi tuniniaanermilu ikiortinngorusuppit?
Nunarsuarmit sullissatta emailikkut oqarasuaatikkullu sullissisinnaasumik ujarlerpugut, angalavissanillu aamma paasissutissanik ataavartumik nittartakkatsinnut ikkussisinnaasumik.
Suliffeqarfipput taama ateqaraluartoq, takornarianik angallassisussamik pissarsiunngilagut, allaffitsinnili allaffissornermik suliaqartussamik ujarlerluta. Wordpress imaluunniit Wix sungiusimagukkit, nittarsaassinermilu allannissamik sungiusimasaqaruit pitsaassaaq.
Imaassinnaavoq takornarialerinermi misilittagaqartutit, tamannali piumasaqaataanngilaq.
Allaffitsinni tuluttut oqalulluttalu allattarpugut, sullissavullu amerlanerit tuluttut oqaluttuupput, taamaattumik tuluit oqaasiinut pikkorittumik pisariaqartitsivugut. Kalaallisut danskisullu oqaluttaruit ajunngilaq, tamannali piumasaqaataanngilaq.
Suliffik siunissami periarfissaqarpoq, suliffeqarfimmi Kalaallit Nunaanni takornarialerinerup ineriartornera malillugu ineriartorpoq.
Niuernermut aqutsisutsinnut qinnuteqaat nassiuguk:
Inesa Matuliauskaite: inesa@guidetogreenland.com
Qinnuteqarnissamut killigititaq: martsip naanerani. Majimi sulilernissat naatsorsuutigaarput.
Tusarfiginissat qilanaaralugu!
Guide to Greenland pillugu
Guide to Greenland Kalaallit Nunaat tamakkerlugu takornariaqarnermi neqeroorutigineqartunut niuerfiuvoq, ullullu tamaasa angalatitsiviit nunatsinniittut, nunarsuarmilu sullissavut attaveqaqatigisarpavut.
Kalaallit Nunaanni takornariaqarnermi neqeroorutigineqartut nunarsuarmi takornarianut tuniniarnissaannut ikiuinissarput siunertaraarput.
Instagrammimi Greenland Today aamma Guide to Greenland 400.000-nit amerlanerusunik malitseqarput.
Ukiumut angalasut 200.000-nit amerlanerusut guidetogreenland.com aqqutigalugu angalanissat misigisassarsiorfissallu misissortarpaat.