sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ulloq unnuarlu angerlarsimaffik Ivaneq Nuummiittoq pisortassarsiorpoq

Namminersorlutik Oqartussat

Nuuk
Ikkunneqarpoq: 21-09-2020
Piffissaq atuuffissaa naassaaq: 13-10-2020
Suliffissamut ID normut: LJA-81140182
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Ulloq- unnuarlu kiisalu Inuttassarsiuussinermut Immikkoortortaqarfik, Pitsaaliuinermut Isumaginninnermut Tunngasunik Aqutsisoqarfimmiittoq, Angerlarsimaffik Ivaneq pisortassarsiorpoq, 1. november 2020 imaluunniit piaartumik atorfinittussamik pissarsiorpoq.
 
Ivaneq ulloq unnuarlu meeqqanut inuusuttuaqqanullu 0-niit 18 tikillugit ukiulinnut angerlarsimaffiuvoq. Angerlarsimaffik meeqqat inuusuttuaqqanullu 28-inut inissaateqarpoq, taakkulu immikkoortortanut tallimanut agguataagaapput, assigiinngiiaartunillu taakku unamminartortaqarlutik. 
 
Sullitat tassaapput meeqqat inuusuttuaqqallu sumiginnakkat, anguniakkallu annersarivaa peqataaneq, aaqqissuussaaneq, ullormullu sinaakkusersuineq toqqissisimanerlu. Taakkulu anguniarlugit perorsaaniarnikkut suliniutinik annertuunik piumasaqaateqartarput, ulluinnarni pisariaqartitat assigiinngitsorpassuit anguniarneqartarmata.
 
Angerlarsimaffik Ivanep perorsaaniarnikkut anguniagai 
Angerlarsimaffik Ivanermi sulisarpugut atassuteqaateqarluni perorsaariaaseq toqqammavigalugu, tamannalu pisarpoq inersimasoq sullissisoq meerarlu ukkatarineqartarluni naapinnermi. 
Inunnik allanik atassuteqaraangatta, imminut paasinninneq ineriartortittarparput, imminut naleqassuserput kiisalu imminut tatigineq ineriartortinneqartarmat. Atassuteqaateqarnikkut akuerisaanermik tunniussisinnaasarpugut tigusisarlutalu. Taamaattumik atassuteqaateqarneq aamma ataasiakkaat ilinniarnerani qitiusarpoq.
 
Angerlarsimaffik Ivanermi perorsaariaaseq inersimasup suliassaraa. Inersimasup ineriartortitsinera, attaveqarniarnera meeqqamullu sullissinera qitiutinneqarput. Taamaattumik uku toqqammavigalugit sulisarpugut:
 
Meeqqamut toqqissisimaffeqarneq isumanaatsoq  – toqqammaviusumik perorsaariaaseq kiisalu toqqammavittut aappaattut perorsaariaaseq
Aaqqissuussaaneq siumungaarlu isiginninneq – ullormut aaliangersimasumik aaqqissuinerit immikkoortortanut tamanut 
Ullut tamaasa aalajaatsuuneq  – meeqqat tamarmik ukiuminnut naleqquttumik ullut tamaasa sammisassaqartinneqassapput
Ingerlalluarnissamut ataatsimoorussamik isiginnittaaseq – Immikkoortortanut tamanut inuuniarnermut malitassat
 
Atorfimmut tunngasut

Neqeroorutigaagut:

  • Assigiinngiiaartunik piginnaasaqartunik aqutsisunik suleqateqarnissamut periarfissaqarneq
  • Suleriaatsinik nutaanik sunniuteqarluarsinnaaneq kiisalu nammineq ullup ingerlanissaanik 
  • Suliffeqarfik ineriartornermik ilinniartitaanermillu pingaartitsisoq
  • Perorsaanikkut- aqutsinermilu unammillernartunik suliaqarneq ineriartornerlu
  • Ulloq unnuarlu- kiisalu Inuttassarsiuussinermik Immikkootortaqarfik aqutsisuusoq peqatigalugu isummanik siunnersuutinik il.il. avitseqatigiinneq
  • Sulianut tunngatillugu avitseqatigiinneq kiisalu pisortaqatinik allanik peqateqarluni tapersersoqatigiinneq
  • Pisortat forstanderit ataatsimeersuarnerini ukiumoortumik ingerlanneqarnerani peqataaneq
Kissaatigaarput illit:
  • Perorsaasutut ilinniagaqarsimanissat imaluunniit isumaginninnermut tunngasumik naleqquttumik ilinniagaqarsimanissat
  • Sullitanut tunngasunik ilisimasqarnissat misilittagaqarnissallu
  • Inatsisinik tunngasunik ilisimasaqarnissat 
  • Allaffissornikkut aningaasaqarnermullu aqutsinermik misilittagaqarnissat ilisimasaqarnissallu
  • Pitsaasumik inuunermut isiginnittaaseqartuunissat kiisalu ineriartuutaasumik pitsaasumik attaveqalersitsisinnaasutit
  • Anguniagaqarusullutit takorluugaqarlutillu sulerusussuseqarnissat
  • Aqutsinermik misilittagaqarnissat suliassanillu agguaassisinnaasutit
  • Namminersorlutik Oqartussat ulloq unnuarlu angerlarsimaffiutaani allanik suleqateqarusussuseqarsinnaasutit
  • Ulloq- unnuarlu kiisalu Inuttassarsiuussinermut Immikkoortortaqarfik qanimut suleqatigalugu pitsaasumik ineriartuutaasumillu suleqateqarusussuseqarnissat
  • Ulloq unnuarlu meeqqanik inuusuttuaqqanillu sullissinermik misilittagaqartutit

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutit allat
Atorfimmut tunngasunik paasisaqarnerorusukkuit , ulloq- unnuarlu kiisalu inuttassarsiuussinermut Immikkoortortaqarfiup pisortamut tullersortaasoq attavigissallugu tikilluaqqusaavutit uunga Karina Ivalo Kleist, E-mail: kaik@nanoq.gl oqarasuaat +299 34 69 54

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Vvs Firmaet A/S
Tuning Incoming Agency Greenland
Tasiilaq
Tuning Incoming Agency Greenland
Tasiilaq
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen