sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Namminersorlutik Oqartussat

Ulloq unnuarlu paaqqinnittarfimmut Inuusuttut Inaannut forstanderi

Namminersorlutik Oqartussat

Nuuk
Ikkunneqarpoq: 01-12-2022
Piffissaq atuuffissaa naassaaq: 12-12-2022
Suliffissamut ID normut: LJA-84304570
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Annertuumik sunniuteqarfiulluartumik ineriartorfiulluartumik allaanerusumillu pissarsinarluartumut atorfimmut soqutiginnissinnaavit, taava immaqa atorfik una ilinnut tulluartuuvoq.

Isumaginninnermut Aqutsisoqarfik pikkorissumik ilinniarluarsimasumillu sulisussarsiorpoq ulloq unnuarlu paaqqinnittarfimmi Inuusuttut Inaanni forstanderimik, 1. november 2022 aallarnerfigalugu isumaqatigiissuteqarnikkulluunniit sulilersussamik.

Suleriaaserput tassaavoq attaveqaqatigiinnermi akuersaartumik perorsaanermik attaveqarneq kiisalu meeqqanik sullissinermi Meeraaqqanut katsorsaanermik periuseqarluni sulineq.

Inuusuttut Inaat pingasunik namminersortunik immikkoortortaqarpoq 19-inillu inisimasoqarsinnaalluni.

Inuusuttut Inaat ukuninnga sulisoqartussatut naatsorsuussaavoq:  Pisortaq, pisortap tullersortaa, kontorfuldmægtigi aamma isumaginninnermi siunnersorti.  Asaasoq ataaseq, pedeli kiisalu umiatsiamik angallassisoq immikkoortunut pingasunut ataatsimut sullissisussat.

Ilaqutariinnut immikkoortortaq meeqqanut qulingiluanut inissaqartitsivoq.  Immikkoortortaq immikkoortortami aqutsisumik ataatsimik, perorsaasunik arfineq-marlunnik aamma isumaginninnermi ikiortimik ataatsimik sulisoqartussatut naatsorsuussaavoq.
Meeraaqqerivimmi meeqqanut meeraaqqanullu tallimanut inissaqarpoq. Immikkoortortaq immikkoortortami aqutsisumik ataatsimik, perorsaasunik sisamanik aamma isumaginninnermi ikiortimik ataatsimik sulisoqartussatut naatsorsuussaavoq.
Immikkoortortaq B-99 meeqqanut tallimanut inissaqartitsivoq.  Immikkoortortaq immikkoortortami aqutsisumik ataatsimik, perorsaasunik sisamanik aamma isumaginninnermi ikiortimik ataatsimik sulisoqartussatut naatsorsuussaavoq.

Neqeroorutigaavut:

  • Piginnaanngorsaaqqinnermi suleqatigiiaanik assigiinngitsorpassuarnik suleqateqarnissaq
  • Ingerlaatsinut nutaanut namminerlu ullup ingerlanerani sunniuteqarnissamut annertuumik sunniuteqarsinnaaneq
  • Suliffeqarfik ineriartortitsinermik ilinniartitsinermillu pingaartitsisoq
  • Perorsaanermut aqutsinermullu tunngasutigut sulinermi unammilligassat ineriartortitsinerlu
  • Isumaginninnermut Aqutsisoqarfimmik isumasioqateqarneq - pingaartumik ulloq unnuarlu paaqqinnittarfinnut tulleriiaarisartunullu immikkoortortaqarfimmik
  • Sulianut tunngasutigut isumasioqateqartarneq kiisalu pisortanik allanik isumasiuisarnermik aaqqissuussineq
  • Pisortat ukiumoortumik isumasioqatigiinneranni ataatsimeersuarnerannilu peqataasarneq

Naatsorsuutigaarput illit:
  • Perorsaasutut allatulluunniit isumaginninnermut/peqqissaanermut tunngasutigut ilinniagaqarsimanissat.
  • Uppernarsaatitalimmik aqutsisutut misilittagaqartutit suliassanillu agguaassisinnaasutit
  • Allaffissornikkut aningaasaqarnikullu aqutsinermik paasisimasaqassasutit
  • Suleqatigiinnermut pitsaasumut tunniutaqarsinnaassasutit
  • Qanilaartuullutillu kajumissaarillaqqissuussasutit patajaallutillu
  • Inuunermik pitsaasumik isiginnittaaseqassasutit akuersaartumillu isiginnittariaaseqarneq aallaavigalugu atassuteqarnernik pitsaasunik pilersitsisinnaasutit
  • Ajornanngippat kalaallisut/danskisut oqalussinnaassasutit
  • Ulloq unnuarlu paaqqinnittarfinnik namminersorlutik oqartussanit pigineqartunik allanik suleqatigiinnermut ilanngunnissamut piumassuseqartutit
  • Ulloq Unnuarlu paaqqinnittarfinnut inissiisarnermullu immikkoortortaqarfimmik qanilaartumik kinguneqartussamillu suleqateqarnissamut piareersimasutit
  • Iluaqutissanik sammisaqarusuttuussasutit, misiginneqataasinnaassuseqassasutit aammalu meeqqanut inuusuttunullu ulloq unnuarlu neqeroorutit iluini kiisalu inersimasunut annertuumik innarluutilinnut misilittagaqarluartuussasutit
  • inatsisilerinermik ilisimasaqassasutit

Paasissutissat amerlanerusut
Sapaatip akunneranut 40 tiimit suliffiussapput.
Atorfik pillugu paasissutissanik annertunerusunik pissarserusukkuit, tikilluaqqusaavutit attavigissallugu immikkoortoqarfimmi pisortaq Karina Ivalo Kleist, oqarasuaat +(299) 34 69 54 imaluunniit mail-ikkut; kaik@nanoq.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Qinnuteqarnissamut killigititaq:12.december 2022

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia