sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ulloq unnuarluarlu paaqqinnittarfimmut Projekt Kaassassummi siulersorti

Namminersorlutik Oqartussat

Nuuk
Ikkunneqarpoq: 13-04-2021
Piffissaq atuuffissaa naassaaq: 05-05-2021
Suliffissamut ID normut: LJA-81954099
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Nuummi nukappiaqqanut/inuusuttuaqqanut 12-init 18-inut ukiulinnut suliniummik Kaassassummik aqutsisuuneq
Allaanerusumik, ineriartorfiusumik aammalu annertuumik sunniuteqarluni pissarsiffiulluartumik suliffeqarnissat soqutigaajuk, taamaassimappat una suliffik ilinnut immaqa soqutiginarsinnaavoq?
Socialstyrelsimi ulloq unnuarlu paaqqinnittarfinnut immikkoortortaq Nuummi suliniummik Kaassassummik aqutsisuunermik pissarsiorpoq 15. maj 2021-mi tamatumaluunniit kingorna sapinngisamik piaartumik sulilersussamik.
Kaassassuk suliniutaavoq ilaatigut nukappiaqqanut/inuusuttuaqqanut 12-init 18-inut ukiulinnut annertuumik sumiginnagaasimasunut aammalu inooqataanikkut immikkut pissusilersuuteqartunut atornerluinermillu ajornartorsiuteqartunut immikkut aaqqissuussamik katsorsaanermik ilalik.
Kaassassummi anguniarneqarpoq sullinniakkat inooqataanikkut piginnaasaannik pitsanngorsaanissaq, tassungalu ilanngullugu inuusuttuaqqat nammineq naleqassutsimik misigisimanerannik aammalu inooqataanikkut attaveqarfinnik ataatsimoorsinnaanermillu annertusaaffigineqarnissaat. Tamatuma saniatigut inuusuttuaqqat inuttut ineriartornerat pingaartillugu sammineqassaaq.
Anguniarneqartoq tassaavoq inuusuttuaqqap perorsarneqarnissaa avatangiiserisaalu tunngavigalugit isumaginninnikkut perorsaanermik immikkuullarissumik suliffeqarfiliornissaq. ”Community psychology” aamma ”Adventure Therapy” perorsaanikkut suleriaatsinut pingaarutilittut atorneqarput, tamatumani pinngortitaq timersornerlu timip inerikkiartortinneqarnerani pingaarnertut ilaatinneqarlutik.
Suliniummik aqutsisuunertut suliniutip ineriartortinnissaani annertusarneqarnissaanilu immikkorluinnaq atuuffeqassaatit.
Neqeroorutigaavut:
-  Suliniummik ingerlaavartumik ineriartortitsinissamut annertusaanissamullu periarfissaqarneq
 - Suleriaatsinik namminerlu ulluinnarni sulinermut annertuumik sunniuteqarsinnaaneq
-  Suliffeqarfik inuttut suliatigullu ineriartornissamik pingaartitsisoq
 - Perorsaanermik aqutsinermillu suliaqarnermi unammilligassat ineriartortitsinerillu
Kissaatigaarput:
-  Meeqqanut inunnullu pitsaasumik isiginnittaaseqartuusutit
-  Sullinniakkanik suliniutillu assigisaannik misilittagaqartuusutit
-  Inatsisinik attuumassuteqartunik ilisimasaqartuusutit
-  Akuersaartumik suleriaaseqarneq aallaavigalugu attaveqartitsilersinnaassuseqarluartutit
-  Aqutsinermik misilittagaqartutit suleqatigiissitanillu aqutsisutut atuussinnaasutit
-  Perorsaanermik suliaqarnermi akisussaaffimmik tiguserusussuseqartutit siuttoorusuttutillu
-  Suliniummik aqutsisoqatigiinnik qanimut pissarsiviulluartumillu suleqateqarnissamut aammalu piffissat ilaanni suliniummik aqutsisup peqannginnerani suliniummik aqutsisuugallarnissamut piareersimasutit

-   Qimerluuisinnaasutit pilersitserusussuseqartutillu
-   Suliniut anguniakkallu qitiutillugit sulisinnaassuseqartutit
-   Ammasumik ersarissumillu sulinissamut piareersimasutit
-   Allaffissornikkut suliaqarnermik ilisimasaqarluartutit
Tamakku saniatigut danskisut kalaallisullu allassinnaallutillu oqalussinnaanissat kissaatigaarput.
Paasissutissat annertunerusut
Sapaatip akunneranut piffissaq suliffiusoq 40 tiiminik sivisussuseqarpoq.
Atorfik pillugu annertunerusumik paasisaqarusukkuit Suliniummik aqutsisumut Jan Erik Pedersen telefon +(299) 54 15 11 imaluunniit mailikkut; jaep@nanoq.gl, saaffiginninnissannut tikilluaqqusaavutit
Akissarsiat atorfinitsinneqarnermilu atugassarititaasut
Akissarsiat atorfinitsinneqarnermilu atugassarititaasut, tassungalu ilanngullugit atorfinikkiartorluni atorfeqarunnaarnermilu angalanermut pisattallu nuunneqarnerinut akiliunneqarsinnaatitaaneq Namminersorlutik Oqartussat pineqartullu kattuffiata isumaqatiginninniarsinnaatitaasup akornanni isumaqatigiissut piffissami atorfinitsinneqarnermi atuuttoq naapertorlugu pissapput
Qinnuteqaat
Qinnuteqaammut ilanngunneqassapput ilinniarsimanermut uppernarsaatit attuumassutillit kiisalu siusinnerusukkut atorfigisimasanut attavissat, ulloq unnuarlu immikkoortortap attavissanut taakkununnga attaveqarsinnaaneranut akuersissut ilanngullugu. Aammattaaq qinnuteqaatip suliarineqarneranut atatillugu meeqqanik pinerliisimannginnermut uppernarsaammik piniartoqassaaq.
Qinnuteqarnissamut killiliunneqarpoq ulloq 04. maj 2021
Atorfinitsinneqarnissamut atatillugu oqaloqateqarnerit sapaatip akunnerani 18-imi ingerlanneqarnissaat naatsorsuutigineqarpoq.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia