Upernavimmi imertaatinik aquttoq

Imermik pilersuinermut formandimit ilitsersuutit najoqqutaralugit, kiisalu immikkoortoqarfiit sinnerinik isumaqatigiissutit malillugit imermik pajuttaammut aquttup suliassat isumagisarpai.

Usisaatip ingerlanneranut aserfallatsaaliorneranullu imermik pajuttaammut aquttoq akisussaaffeqarpoq, imeqarfimmut formandimik isumasioqatiginnilluni pisortat piumasaqaataasa malinnissaat qularnaassallugit.

Akisussaaffeqarfiit:

• Imermik pilersuineq.
• Usisaammut inissiisarfik.
• Imermik pajuttaat.
• Sapaatip akunnikkaarluni pigaartuusarnermik paarlaassisarluni nalinginnartut suliffiusup avataani ingerlanneqartartumik aggeqquneqartartutut pigaartuusarnissaq.
• Ikiortaalluni sullissisoq paarlaassisinnaavoq, tamannalu pineqartumik isumaqatigiissuteqarnikkut, aammalu imeqarfiup pisortaanut nalunaaruteqarnikkut pisarpoq.
• Imeqarfimmi pigaartoq qatserisartoqarfik tamatuminnga qinnuiginnikkaangat ulloq unnuarlu qaqugukkulluunniit ikuallannermi qatserisarfimmik ikiuisassaaq.
• Nalliuttorsuarni sulisoqartassaaq, taamaallaat pineqarnatik 25. decembari, aamma 1. januaari (nalliuttorsuarni imermik pilersuineq naammassigaanni soraartoqartarpoq).

Sulisuusoq suleqatigiit iluanni suleqatigiinnitsialak pilersinniarlugu suliaqarfigisaminik peqataaqataavoq.

Suliassat:

• Imermik pajuttaatip atorsinnaassusianik nakkutiginnittuarneq, ajoqutaasumik imaluunniit amigaataasumik paasisaqarnermi erniinnaartumik imeqarfiup formandianut ajoqutaasumik nalunaaruteqartarneq.
• Aasakkut ukiup affaani sapaatip akunnikkaartumik imermik pajuttaatip tankianik saliineq, ukiuuneratalu nalaani ukiup affaani qaammatikkaartumik.
• Imermik pajuttaatip aquttarfianik saliineq, aammalu tallimanngornerit tamaasa orsersuisarneq, taamaalilluni pajuttaat ataasinngornikkut ullaarnganiit piareersimassammat.
• Imermik pajuttaammut imermik immersuisarnerit.
• Atuisartut tankiannut imermik pilersuineq.
• Isumannaatsumik pissuseqartumik imermik pajuttaatip atuisartunut ingerlattarnissaa, pissutsit malillugit biilertoqassaaq.
• Nukissiorfiit pilersuinermut piumassaqaatai najoqqutaralugit imermik pilersuinermik pisinnaatitsinngitsunik nioqquteqarfigisani ivertitani ajoqutaasunik nalunaaruteqartarneq.
• Imermik pilersuisoqannginnermut tunngavigisamik ilaqartumik nioqquteqarfigisamut paasissutissiinermut allakkat tunniunneqassapput.
• Imermik pissarsisimanngitsunik nioqquteqarfigisanik aqutsisinnaaniarluni allaffimmi nivinngaasarfik atorneqassaaq.
• Imeqarfimmi formandi ajoquteqarnermut nalunaarut pillugu aamma ilisimatinneqassaaq.

Ilinni suut perusutaraagut?

• Suleqatikkuminartoq.
• Usisaammik ingerlatsisinnaanermut allagartalik.
• Imermik pajuttaatip aserfallatsaaliugarineranik ilisimasalik.
• Imermik pajuttuillunilu pilersuuteqarnermut Nukissiorfiit pilersuinissamut piumasaqaataanik iternga tikillugu ilisimasalik.

Akissaatitigut atorfeqartitaanermilu atugassarititaasut:

Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.

Atorfimmut atatillugu inissamik innersuussisoqarsinnaanngilaq

Atorfimmut atatillugu inimik Namminersornerullutik oqartussat ataani peqaruit, tamanna atasiinnarnissaanut pisinnaavoq.

Atorfininneq qaammatini pingasuni misiliutitaqarpoq

Suliassat akisussaaffigisassarlu pillugit annerusumik paasisaqarusukkaanni suleqatigiinni aqutsisoq Aggo Kristensen (+299) 248150

Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: Sulisoqarnermut immikkoortortaq (+299) 34 95 00

Nukissiorfiit pillugit

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tamanna pillugu annertunerusumik atuarit uani www.nukissiorfiit.gl.