sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Utoqqarnut isumassuiffik Ippiarsuk aqutsisumik pissarsiorpoq

Kommuneqarfik Sermersooq

Nuuk
Ikkunneqarpoq: 13-06-2024
Piffissaq atuuffissaa naassaaq: 21-06-2024
Suliffissamut ID normut: LJA-85543571
Atorfeqarnermi atugassarititaasut: Tamakkiisoq
Suliassaqarfik: Allat


Kommuneqarfik Sermersooq utoqqarnut isumassuiffik Ippiarsuk immikkoortortani aqutsisunik pissarsiorpoq



Suliffik ulloq naallugu suliffiuvoq sapaatip akunneranut 40 tiimiuvoq.


Neriuutigaarput ineriartortsitsineq peqataaffigerusussagit aammalu Ippiarsummik suleqateqarnerup aallunneqarnissaanut kajumissuseqartuussasutit. Suleqatit pitsaasut pimoorussisullu atorfissaqartippagut, utoqqarnik ilaqutaasunillu ataatsimoorluni suleqateqarluarnissamut kajumissuseqartut.

Utoqqarnut isumassuiffik Ippiarsuk-mi afdelingit pingasuupput: Immikkoortortaq”Kammiut” 10-11-nik inissaqartitsivoq, immikkoortortaq ”Arriitsut” 12-inut inissalik aammalu immikkoortortaq ”Tikitaq” puigortunngortunut 10-11-inut inissalik immikkoortortaraarput. Illorsuup iluaniipputtaa immikkoortortaq “Pakkutaq” inuusunnerusunut innarluutilinnut immikkoortortaqarfeqarpugut (Taakku toqqaanartumik uagutsinnut attuumassuteqanngillat, tassa socialpsykiatri ataani immikkoortortaqarfiummat) qitiusumillu ataatsimoorussaqarfeqarpugut ulluunerani paaqqutarinniffimmut orniguttarfilik/qitiusoqarfilik/kantine kiosk-italik/errorsisarfilik allaffeqarfittalillu. Inuusunnerusunut immikkoortortaqarfik aqunneqarnermigut allamut atavoq, taamaakkaluartoq illoqatigiinnerput peqqutigalugu ataatsimoorfeqarpugut.

Ippiarsuk utoqqarnut isumaffiutigaluni sammisassaqartitsiviuvoq pinngortitarsuarmi avatagiiserissaarluni inissisimavoq, bussinullu qanittuaqqami inissisimalluni.

Utoqqarnut isumassuiffik aammalu sammisassaqartitsivimmi sungiusarneq, sammisaqarneq atuisunik ataatsimooqateqarneq atuisunut avataaneersunut aammalu najugalinnut periarfissaapput.

Ippiarsuk ineriartornerup nalaani inissisimavoq, kissaatigaarpullu ukkatarissallugit suliffimmi nuannaarneq, aalajaanneq immikkoortortallu akimorlugit ataqatigiilluarneq, isumaqaratta qulequttat pineqartut ineqartunut toqqaannartumik sunniuteqartut. Taamaattumik kissaatigaarput susassaqaqatigiittut qanimut suleqatigiinneq, nutaaliorneq avatagiisitigullu ineriartuutaasumik najugaqartunut iluaqutaasumik sulineq ingerlanneqassasoq.

Utoqqarnut isumassuiffik kiisalu paaqqutarinninnerup ineriartortuarnissaanik salliutitsisoqarfiusumi suleqatigiit iluamik ingerlasut peqatigalugit utoqqarnik najugaqartunik suleqateqartussanik Peqqinnissamut assistentinik suleqatissatsinnik pissarsiorpugut. Utoqqarnik sullissinermi, ilaatigut aamma puigortunngorsimasunik ilalinnik, sullissinermi paasinnissinnaaneq naammagittarsinnaaneq piumasaqaataasut ilagaat aammalu timikkut tarnikkullu nukittunissaq pisariaqarluni, taamaattumik suleqatinik tamakkunatigut misilittagalinnik soqutiginnilluinnartunik immikkorluinnarlu sulerususseqartunik atorfissaqartitsivugut.


Naatsorsuutigaarput:


· Peqqissaanermut assistentitut assigisaanilluunnii ilinniagaqarsimasutit

· Ilinniakkat akimorlugit suleqatigiinnermut piginnaasaqarluartuunissat ajornanngippallu peqqinnissamut tunngasutigut aqutsinermut tunuliaqutaqarnissat

· Akisussaassuseqartutit

· Pigaartuusarnerit nikerartut peqataaffigisarsinnaagitit

· marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

· Oqartussaasoqarfinnut assigiinngitsunik sulialiannut suleqateqarluarsinnaasutit.

· Sungiussiasuusutit akuersaartuullutillu

· Utoqqarnik sullissinissamut kajumiisuseqartuullutillu soqutiginnittuusutit. Paaqqutarinninnerup/peqqissaanerup inerisarnissaanut uppernarsaasiornermullu suleqataarusussuseqarnissat

· Ilinniartitsinermi peqataarusunnissat, ilinniartunullu sulinermik sungiusaasuunissat

· Avatangiisinik pitsaasunik, isumassarsiullaqqissutsimik, isumassarsititsisinnaanermik inerisarfiusunillu pilersitseqataanissat

 


Neqoroorutigaagut:


· Illumut, suleqatinut atorfillu pillugit pitsaasumik paasissutissinneqarnissaq

· Puigortunngorsimasut pillugit sulianik nammineerlutit ingerlatsisinnaanerit pillugu tatigineqarneq

· Piginnaasatit aallaavigalugit akisussaaffilerneqarneq

· Ilinniakkat akimorlugit sulisinnaaneq aammalu ineqartut sulisulluu peqatigalugit suliassat misigisassallu pissanganartut

· Suliffeqarfimmi ataqqinninneq, akisussaaqataaneq, ilikkagassanullu tunngasut qitiutinneqartut



Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pisortaq Lone Ellingsgaard Isaksen, oqarasuaat +299 366174 imaluunniit e-mail: loei@sermersooq.gl



Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.



Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.



Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.



Qinnuteqaat:

Qinnuteqaat qulequtserlugu Atorfiup ilisarnaataa 599-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.



Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.


Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia