sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Uumasut Nakorsaqarfik Inuussutissalerinermullu Oqartussaaffik Uumasut nakorsaattut Qaqortumi atorfinittussamik pissarsiorput.

Namminersorlutik Oqartussat

Nuuk
Ikkunneqarpoq: 19-10-2021
Piffissaq atuuffissaa naassaaq: 19-11-2021
Suliffissamut ID normut: LJA-82840342
Atorfeqarnermi atugassarititaasut: Tamakkiisoq
Suliassaqarfik: Aalisarneq & fabrikki

Kalaallit Nunaanni Uumasut Nakorsaqarfik Inuussutissalerinermullu Oqartussaaffik Uumasut nakorsaattut atorfinittussamik pissarsiorput.
 
Uumasut nakorsaattut piginnaasatit tamakkiisumik atortarusuppigit, suliassanillu assigiinngitsunik anguniagaqarfiusumik nammineerlutillu sulisarusuppit - taamaappat Kujataanni pinngortitami kusanarluinnartumi atorfimmik pissanganartumik unamminartumillu neqeroorfigisinnaavatsigit.
 
Atorfik pillugu:
Kalaallit Nunaanni Uumasut Nakorsaqarfik Inuussutissalerinermullu Oqartussaaffik (UNIO) Kalaallit Nunaat tamakkerlugu uumasunut nakorsaqarnermut inuussutissalerinermullu tunngasut akisussaaffigai. Kujataani Uumasut nakorsaattut uumasunut nakorsaqarnermut tunngasut suliassat soorlu savaatilinnik siunnersuinerit, nakorsiartitsinerit, uumasuutilinnut tikeraartarnerit aamma savaatinik nersutaatinillu nakkutilliisarnerit pingaarutilittut suliassaapput taakkulu nakorsiartitsisartutut misilittagaqarnermik namminersorsinnaanermillu pisariaqartitsipput.
Kujataani uumasuutilinnik nakkutilliinermut pissusissamisoortumik aamma suliassartarivai toqoraanermi misissuinerit toqoraavimmilu inuussutissalerivinnilu allani nakkutilliisarnerit. Tamanna ukiassariartulernerani ukialerneranilu pigajunnerusarpoq.
Taakku suliassat ingerlatitassat isumaginiarlugit angalajumaneq angalasinnaanerlu ilimagineqarpoq.
Uumasut nakorsaattut aamma ilamigineqarpoq UNIO-mi nalinginnaasumik suliffiit peqataaffigisassagitit aamma UNIO-p allatut ingerlanneqarsinnaaneranut siunissarlu ungasinnerusoq eqqarsaatigalugu ineriartortinneqarnissaanut peqataassasutit.
 
UNIO-mi maannakkorpiaq ataatsimik Uumasut Nakorsaaneqarpoq, uumasut nakorsaat sisamat kiisalu nakkutilliisartunillu inuussutissalerinermut sulianik misilittagaqartumik marlunnik sulisoqarpoq.
Aaqqissugaaneq eqqarsaatigalugu Kalaallit Nunaanni sumiiffinni assigiinngitsuni pingasuni agguarneqarluta inissisimavugut atorfigiligassallu Qaqortumi inissisimavoq. Uumasut Nakorsaqarfia Inuussutissalerinermullu Oqartussaaffimmi Uumasut Nakorsaanermut Nuummi inissisimasumi ulluinnarni attaveqartassaatit.
UNIO-mi sulisut allat Nuummi Ilulissanilu inissisimapput pingaarnertullu suliassaraat naalakkersuisumik innuttaasunillu sullissineq, nakkutilliiartortarnerit, uumasunik illersuinerillu nakkutiginninnerit aammalu oqartussatut suliassat allat soorlu killeqarfinni nakkutilliinerit.
 
Suliffiup saniatigut uumasut nakorsaattut namminersortutut sulisinnaanissaq periarfissaavoq.
 
Ilinnut tunngasut:
Uumasut nakorsaatut (Cand.med.vet) ilinniagaqarsimassaatit Qallunaat Nunaanniillu piginnaatitaaffeqassallutit.
 
Suliffik nuannaralugu suliffigisinnaassagukku makku iluaqutaapput:

  • tamakkiisumik isiginnissinnaassuseqarnissat, aaqqissuussamik sulisinnaassuseqarnissat suliassannillu pilersaarusiorluarsinnaassuseqarnissat.
  • suleqatinik, innuttaasunik, oqartussanik allanik soqutigisaqartunillu suleqateqarluarsinnaassuseqarnissat.
  • nammineerluni sulisinnaassuseqarnermik nuannarisaqassaatit pisuni ilungersunartorsiorfiusuni eqqarsarluarsinnaassuseqassallutillu.
  • Nakorsiartarfimmi toqoraavimmilu suliaqarnermik misilittagaqassaatit.
  • Oqartussat aqutsiveqarfiani ajornanngippallu inuussutissalerinermik uumasut nakorsaqarnermilluunniit suliaqarnermik misilittagaqassaatit. 
  • Arlalinnik oqaaseqartuussaatit. Allaffimmi ulluinnarni sulinermi danskisut oqaatsit atorneqarput annikitsumillu tuluit oqaasii atorneqartarlutik. Kalaallisut oqalussinnaallutillu allassinnaaguit iluaqutassaaq.
 
Neriuppugut qiimasuussasutit immikkoortortaqarfimmilu immitsinnut ungasilluta suliffigisatsinni taamaattorli immitsinnut pisariaqartitsiffiusumi suliassallu naammassineqarnissaat anguniarlugu suleqatigiiffiusartumi persuarsiorfiunngitsumik nuannersumillu oqaluffiusartumi sulisinnaassuseqassasutit.

Aningaasarsiaqartitaanermi atorfeqartitaanermilu atugassarititaasut
Akissarsiat atorfinitsitaanermullu tunngasut, taakkununnga ilaallutik atorfinikkiartorluni soraarnermilu angalanissanut pequtinillu nuussinermut tunngasut atorfininnerup nalaani Namminersornerullutik Oqartussat kattuffiullu ilaasortaaffigisap isumaqatiginninniarsinnaatitaasup akornanni isumaqatigiissutit malillugit aalajangerneqassapput.
Qinnuteqartunut tjenestemanditut atorfeqareersunut tjenestemanditut atorfinitsitsisoqarsinnaassaaq. Kalaallit Nunaanni Namminersornerullutik Oqartussani kommuninilu tjenestemandit pillugit Inatsisartut inatsisaat nr. 21, 18. december 2003-meersooq naapertorlugu tjenestemanditut atorfinitsitsisoqassaaq.
Piffissaq suliffiusussaq sapaatip akunneranut nalunaaquttap akunnerinik 40-nik sivisussuseqarpoq. 

Ineqarneq
Maleruagassat qaqugukkulluunniit atuuttut malillugu sulisunut inissiamut pequtilersorneqanngitsumut atorfimmut innersuussisoqarsinnaavoq.  Inissiamut innersuunneqartumut maleruagassat qaqugukkulluunniit atuuttut malillugit ineqarnermut akilimmik qularnaveeqqutinillu akiliisoqassaaq.  Inigisap qanoq pisoqaatiginera, piginnittoqarnikkut pissutsit il. apeqqutaatillugit ineqarnermut akiliut aamma inissiap pitsaassusia assigiinngisitaarsinnaavoq. Sulisunut inissiaq atorfeqarnerup taamaatinnerani qimanneqassaaq. Ataavartumik sulisunut inissiamut utaqqisoqarsinnaavoq, taamaattumik utaqqiisaasumik illusimatitsisoqarsinnaalluni, tassunga ilanngullugu aamma ataatsimut ineqarfinni mikinerusuni imaluunniit hotelini inissiani.

Paasissutissat allat
Atorfik pillugu sukumiinerusumik paasisaqarusukkuit Uumasut Nakorsaanermut Egill Steingrimsson oqarasuaat +299 34 53 23 / +299 53 06 86 imaluunniit allagaqarlutit uunga uumasut@nanoq.gl attaviginissaanut tikilluaqqusaavutit. Eqqaamajuk Nunatta Danmarkillu akornanni akunnernik sisamanik nikingassuteqarmat.
Kalaallit Nunaanni pinngortitarsuaq alutornarluinnartuuvoq silamilu nammineerluni sammisassarsiornissamut periarfissaqarluarluni. Qaqortoq 3.100-nik miss. innuttaqartoq Kalaallit Nunaanni illoqarfiit annersaasa tallimaraat Kommune Kujallermilu illoqarfiit annersaralugu.
Nunatta Kujataa inngigissunik qaqqalik, uunartunik puilasulik qorsooqqissunillu narsalik avannaaniit allaaneruvoq. Silaa nunatta sinneraniit issaasanneruvoq aasakkullu qalipaatigissorsuulluni tamannalu pisuttuartunut aqqutissiarpassuit ajunngeqisut angalaarfigalugit ilorrisimaarutigineqarluarsinnaavoq.
Kalaallit Nunaat Namminersorlutillu Oqartussat pillugit annertunerusumik paasisaqarusukkuit, ugguuna atuarsinnaavatit: Kalaallit Nunaanni kalaallit oqaasii pingaarnersaapput. Kissaatigineqarpat piffissap suliffiusussatut aalajangigaareersup isumaqatigiissutaasimasup iluani kalaallisut ilinniartitsinissaq neqeroorutigineqarsinnaavoq.

Qinnuteqaat
Qinnuteqaat naalakkersuisoqarfiup tigoreersimassavaa kingusinnerpaamik ulloq 18. november 2021.
Atorfinitsitsinissamut oqaloqatiginninnissat ataavartumik ingerlanneqassapput attaveqaatit atorneqarsinnaallutik taamatullu atorfinitsitsineq ataavartumik pisinnaalluni.
Piaartumik atorfinittoqassaaq.
Qinnuteqaammut ilinniakkanut uppernarsaatit attuumassuteqartut nuutsinneri ilanngullugit kiisalu siusinnerusukkut suliffigisimasanit oqaaseqaatit qinnutigineqassapput ataani iserfigisassakkut nassiunneqassapput.
"Atorfik maanna qinnuteqarfigiuk"
 
Kalaallit Nunaanni Namminersorlutik Oqartussat pillugit nalinginnaasumik paasissutissat.
Kalaallit Nunaanni Namminersorneq ulloq 21. juni 2009-mi atuutilerpoq. Namminersorlutik Oqartussat tassaapput Qitiusumik Allattoqarfik (QA), 650-it missaanik sulisulik naalakkersuisoqarfinnut qulingiluanut aqutsisoqarfinnullu arlalinnut agguataarsimasoq. Katilluta inuit 2500-t sinnerlugit Namminersorlutik Oqartussanut atassuteqarpugut.
Qitiusumik Allattoqarfimmi suliassarput pingaarnerpaaq tassaavoq, Naalakkersuisut (Naalakkersuisoqarfiit) aalajangernissaannut tutsuiginartumik tunngavissinnissaat aalajangikkallu piviusunngortinnissaat. Suliniuteqarfinnut tunngasutigut pingaartigaarlugu salliutitaq tassa, pisortat sullissineranni innuttaasunik qanimut suleqateqarnissap sanarfinerani, innuttatsinnut 56.000-iusunut tamanut annguttussamik siuttuunissarput.
 

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia