sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Asiaq

Uuttortaasoq / Landmåler

Asiaq

Nuuk
Ikkunneqarpoq: 03-05-2021
Piffissaq atuuffissaa naassaaq: 18-05-2021
Suliffissamut ID normut: 330628351
Atorfeqarnermi atugassarititaasut: Tamakkiisoq
Suliassaqarfik: Ingeniøri & pinngortitalerineq
Atorfiup taaguutaa: Landmåler
Ilinniagaq:
Misilittakkat - Annertunerusumik: Landmåling
Oqaatsit:
Danskisut Atuarneq/ oqalunneq/ allanneq
Tuluttut Atuarneq/ oqalunneq/ allanneq

Landmåler og GIS-entusiast til job i Grønland

Asiaq, Greenland Survey Nunamut nakkutilliisumik GIS-imut soqutiginnittumik suliassanut assigiinngitsunut suliaqarsinnaasumik pissarsiorpoq.

 

Suliassatit assigiinngitsuussapput taakkualu GIS-imi suliassanut nunamillu nakkutiginninnermut attuumassapput. Assersuutigalugu punktinik rasterinillu katersisoqartassaaq misissuisoqartassallunilu, paasissutissanik suliaqarneq automatisererneqassaaq, paasissutissanik atuisullu takusinnaasaannik ineriartortitsisoqarlunilu pitsanngorsaasoqassaaq, 3D-mik takussutissiortoqassaaq, GNSS totalstationilu atorlugit nunamik tekniskimik nalunaarsuisoqassaaq, tigulaariffiit pitsanngorsarneqarlutillu aaqqissunneqassapput geologiskimik isumanik nutaanik atuutsitsilertoqassaaq minnerunngitsumillu Asiami atortuni atorneqartuni hardwarenik softwarenillu aserfallatsaaliisoqarlunilu atuisoqassaaq.

 

Atorfik tunngaviusumik Nuummi inissisimavoq, aasalli ingerlanerani illoqarfiit, nunaqarfiit Kalaallit Nunaatalu pinngortitaani angalaartoqaartarsinnaalluni. Piffissap ilaani inuilaami tupermi unnuisinnaaneq peqqutaalluni timikkut nalinginnaasumik peqqissuseqartariaqarputit. Pingaaruteqarpoq Kalaallit Nunaanni avatangiisit geografilu pillugit teoretiskimik pissutsinullu atuuttunut ilisimanninnissat.

 

Piginnaanissatit: Nunamik nakkutilliisutut ilinniarsimasuuvutit ilinniarnivillu saniatigut imaluunniit ilinniarninni GIS-imik atorneqarsinnaasunik atuilluarusullutillu inerisaarusussimavutit, piginaanitillu innuiaqatigiinnut iluaqutaatikkusullugit – ESRI-mi avatangiisinut attuumasinnaapput. Python atorlugu programmerisinnaavutit FME-milu atorlugu paasissutissat ingerlaarnerinik atuisinnaallutit. Issittumi nunanik nalunaarsuisinnaavutit teoretiskimillu sumiiffiit assigiinngisitaarnissaannut (eqqortuunissaannullu) ilisimasaqarlutit. Taakkualu saniatigut sapiissuseqarputit suliassanullu nutaanut aallartitsinissannut piareersimallutit.

 

Asiami pingaartinneqarpoq ilinniakkamik naammasseqqammernissat kiisalu inuttut Geodatami Nunamillu nalunaarsuinermi immikkoortortaqarfimmi peqataasinnaalluassasutit, immikkoortortaqarfik maanna arfineq-marlunnik sulisoqarpoq. Suliffeqarfimmi sulisut assigiinngisitaartuuuput nunat kulturillu assigiinngisitaartut tunuliaqutarineqarput. Immikkoortortaqarfimmi ingerlalluartumi nammineersinnaassusilimmi sulilissaatit.

 

Asiaq Namminersorlutik Oqartussat ataanni suliffeqarfiuvoq namminersortitaq Kalaallit Nunaannilu avatangiisit tigussaasut pillugit paasissutissanut centeritut, ilisimasaqarfittut piginnaasaqarfittullu pingaarutilimmik – suliffeqarfinnut, oqartussaqarfinnjut, ilisimatusartunut inuiaqatigiinnullu inissisimavoq. Paasissutissaatigut pilersaarusiornermi, nunaatit atorneqarnissaannut aqutsinermi, upalungaarsimaniarnermi, aatsitassarsiornissamut ilisimatusarnermi pinngortitamillu illersuiniarnermi kiisalu sanaartortoqarnissaanut pilersaarusiornermi atorneqartarput. Suliffik Nuummi inissisimavoq, sulisut ilisimasaqarluartut isumassarsiorluarfiusinnaasut sulisuupput taakkualu tunngaviusumik eqaatsumik, ammasumik assigiinngisitaarfiusumilu suleqatigiittarput.

Atugassarititaasut

Atorfininneq Namminersorlutik Oqartussani allaffissornikkut pisortanut kattuffiullu attuumassuteqarfigisap akornanni isumaqatigiissutaasimasut naapertorlugit inissisimapput. Atorfinittussamut inissaqartitsisoqanngilaq. Atorfinittorli sulisut inaataanni najugaqareersimaguni, inini paariinnarsinnaavaa. Atorfik atorfinitsitaanermut attuumassuteqarmat, atorfik qimanneqarpat inigisaq aamma qimanneqassaaq. Juulip aallaqqaataa 2021 imaluunniit isumaqatigiissusiornikkut atorfinittoqassaaq.

 

Paasissutissat sukumiinerusut

Atorfik pillugu paasisaqarnerorusukkuit suliaqarfimmi aqutsisoq John Kamper oqarasuaammut +299 34 88 79-imut saaffigineqarsinnaavoq. www.asiaq.gl atorlugu aamma paasissutissanik ujartuisoqarsinnaavoq.

 

Qinnuteqaat ”GIS Landinspektør”-imik nalunaaqutserneqassaaq CV kiisalu soraarummeernermit uppernarsaatit ilanngullugit nassiunneqassapput. Qinnuteqaat uunga mailimut nassiunneqassaaq: asiaq@asiaq.gl - kingusinnerpaamillu maajip 18-iat 2021 Asiamut tunniunneqassalluni.

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat
Nuuk