sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Viceskoleinspektør til Nanortalik skole

Kommune Kujalleq

Nanortalik
Ikkunneqarpoq: 31-08-2021
Piffissaq atuuffissaa naassaaq: 21-09-2021
Suliffissamut ID normut: LJA-82593946
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Aqutsineq, Atuartitsineq & Meeqqerineq, Allaffik & allaffissorneq

Nanortallip Atuarfia atuarfiup pisortaata tullersortissaanik

ALLAGARSIUTEQQITAQ:

 

Atuarfiup pisortaata tullersortaatut atorfik inuttassarsiuunneqarpoq ukiuni aalajangersimasuni atorfeqartussamik pissarsiorpoq, oktobarip ulluisa aallaqqaataat 2021 aallarnerfigalugu imaluunniit isumaqatigiissuteqarnikkulluunniit.

 

Kommune Kujalleq, Nanortallip Atuarfiani sulisut, atuartut minnerunngitsumillu angajoqqaat  aqutsisut allat atuarfiullu sulisui allat peqatigalugit atuarfimmik kivitsisinnaasumik, perorsaanerup aamma inerititaqarsinnaanerup tungaatigut siuariariartortitsisinnaasumik, aalajangersimasumik siumullu isigisumik pisortap tullersortissaanik pissarsiorput.

 

Nanortallip atuarfia pillugu paasissutissat

  • Atuartut 170-it missaanniipput.
  • Ilinniartitsisutut atorfiit 28-nut amerlassusiligaapput.
  • Atuarfik immikkoortortaqarfinnut pingasunut agguarsimavoq.
  • Ilinniartitsisut suleqatigiilluartartuupput suleqatinullu nutaanut tikilluaqqusisuullutik.
  • Inersuarmik angisuumik ilinniartitsisut atuartullu katersuuffigisinnaasaannik peqarpoq.
  • Init atuartitsiviusut tamarmik smartboardeqarput.
  • Atuartut tamarmik atuartitsinermi atorneqartartunik iPadseqarput.
  • Ilinniartitsisut Lærerintra atorluartarpaat angajoqqaanullu Forældreintra atulersinneqarsimalluni.
  • Atuarfik atuartut angusaannik qaffassaaniarluni pilersaarusiulerpoq.

 

 

Atuarfiup tullersortaanik atorfinitsitserusuppugut:

  • Aqutsinissamik, siunnersuinissamik, ilitsersuinissamik aamma nakkutilliinissamik piginnaasaqartumik
  • Aningaasaqarnermut paasisimasaqartumik missingersuutinillu annertuunik suliaqarsinnaassasumik
  • Anguniakkanik malinnaasumik aamma aaqqissuussinerup iluani eqimattat assigiingitsut ataqqillugit qaffasinnerusumiittunik appasinnerusumiittunillu suleqateqarsinnaassasumik.
  • Atuartut angerlarsimaffianni sulisut peqatigalugit atuartut angerlarsiamffiannik aqutsisinnaassuseqartumik.

 

Pingaartipparput:

 

  • Ilinniartitsisunik, suleqatinik aamma qullersarisannik suleqatiginnilluarsinnaanissat
  • Pisortatut inissisimaninnut tassanilu akisussaaffimmut paasinnissinnaanissat.
  • Attaveqartarninni allattariarsornikkut oqaluttariarsornikkullu ersarissuusarnissat.
  • Ulluinnarni sulininni ulapaarsinnaanissannut sapertuunnginnissat
  • Sulisitsisunnut tunniusimanissat
  • Kalaallisut qallunaatullu oqaatsinik atuilluarsinnaanissat, aqutsinissalli pingaaruteqarnerpaassaaq.  

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Piumasaqaatit uku naammassisinnaasorigukkit qinnuteqaasiussaatit.

 

Atuarfiup pisortaata tullersortaata qullersaa qaninneq tassaavoq Kommune Kujallermi Atuarfeqarnermut Meeqqeriveqarnermut Nutaaliornermullu Ingerlatsiviup pisortaa Nanortalimmi kommunip allaffeqarfiani inissisimasoq.

 

Atorfinitsitaanermi atugassarititaasut:

Atorfininnermi tunngaviusumik isumaqatigiissut IMAK-ip iluani atorfeqartut pillugit Naalakkersuisut aamma IMAK-ip akornanni tunngaviusumik isumaqatigiissut 28. oktober 1998-imeersoq,  Kalaallit Nunaanni meeqqat atuarfiini ilinniartitsisut allallu pillugit isumaqatigiissut (IMAK) 27. august 2014-imeersoq aamma ukiuni aalajangersimasuni atorfeqarneq pillugu isumaqatigiissut 16. februar 2007-imeersoq.

 

Ukiuni aalajangrsimasuni atorfinitsinneqarnermi isumaqatigiissutip kinguneraa atorfeqalerernermi qaammatit 12-t qaangiutereernerini inatsisit atuuttut najoqqutaralugit atorfinitsinneqartoq taasumalu ilaqutai akiliunneqarlutik feeriarsinnaammata. Tamatuma saniatigut soraarnermi ukiumut 18.000 koruunit 1991-imi killigitinneqartut najoqqutaralugit tunniunneqassapput, taakkulu kontumut matoqqasumut ikineqassapput. Soraarnermi aningaasat immikkoortinneqartut soraarnerup kingorna tunniunneqassapput.

 

Kalaallit Nunaanni meeqqat atuarfiini ilinniartitsisut allallu pillugit isumaqatigiissut (IMAK) najoqqutaralugu atorfinitsitsisoqassaaq, § 7 akissarsiat nikerarfiat 36 najoqqutaralugu immikkut ukiumut 60.940,00 koruuninik immikkut tapeqartitsinikkut.

 

Atorfimmut tunngatillugu inissaqartitsisoqassaaq, taanna maleruagassat atuuttut naapertorlugit akilerneqartassaaq. Inissamullu utaqqineq pisinnaavoq. Utaqqinermi kommune utaqqiisaasumik ineqartitsisinnaavoq, maleruagassallu atuuttut naapertorlugit akiliisoqartassaaq.

 

Ersarinnerusumik paasissutissat pissarsiarineqarsinnaapput uunga saaffiginninnikkut: Vivi Kleist toqq. oqar. +299 61 40 10 imaluunniit mailikkut: vikl@kujalleq.gl

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit kommunip nittartagaatigut tunniunneqariissapput kingusinnerpaamik septembarip ulluisa 21-iat 2021  imaluunniit uunga nassiunneqassallutik:

 

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia