Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kalaallit Nunaanni Brugseni

Brugseni Nuuk neqaarniatut ilinniarsimasumik pissarsiorpoq / Brugseni Nuuk søger slagtersvend

Kalaallit Nunaanni Brugseni

Nuuk
10-10-2019
Piffissaq atuuffissaa naassaaq: 10-11-2019
Suliffissamut ID normut: 330104678
Suliassaqarfik: Allat, Pisiniarfik & sullissineq
Misilittakkat - Annertunerusumik: Slagter, generelt, Arbejder hos slagter
Oqaatsit:
Danskisut Atuarneq/ oqalunneq

Neqaarniamik pitsaassutsimik ilisimaarinnittumik pissarsiorpugut sullissilluarnissamik pingaartitsisumik suliaminillu ilisimaarinnilluartumik. Neqaarniarfimmik pølseliorfimmillu angisuumik kusanartuutitsinermut malunnartitsiniaanermullu akisussaaqataassaatit. Pisiniat pitsaanerpaanik qinigassaqarnissaat sullilluarneqarnissaallu pilerinartunillu kusanartunillu nutaanik pisiassaqarnissaat sulissutigisassavat.

 

Tamalaanik suliaqarfiusumik ulluinnaqassaatit, suliassatillu pingaarnerpaat tassaassapput neqinik ooqanngitsunik agguineq, pitsanngorsaaneq, nioqqutissiorneq eqqiluisaarnerlu aningaasatigullu iluanaaruteqarnerulernissamik siuarsaaqataaneq.

 

Brugseni Nuuk ukiumut 300 mio. kr. sinnerlugit kaaviiaartitaqartarpoq nerisassanik atortussanillu assigiinngitsorpassuarnik nioqquteqarfiulluni. Pisiniarfik 160-inik sulisoqarpoq, neqaarniarfimmi qulinik, taakkualu tassaapput neqaarniarfimmi aqutsisoq, tullersorti ataaseq, neqaarniat tallimat, ilinniartut marluk poortuisartorlu ataaseq. Immikkoortortamit iggavik immikkoortortallu allat qanimut suleqatigineqarput illoqarfimmilu pisiniarfinnut allanut pingasunut pisiassanik aatsisarlutik.

 

Kalaallit Nunaanni Brugseni sinerissami illoqarfinni arfineq pingasuni pisiniarfinni 17-ini 500-t missaanniittunik sulisoqarpoq. Pingaartitat pitsaalluinnartut ilaasortatsinnit tusindilippassuarnit aalajangersarneqartut tunngavigalugit sulivugut. Kalaallit Nunaanni – inuiaqatigiinnut, avatangiisinut sulisutsinnullu – malunnartumik iluaqutaarusunnerput kajumississutigalugu sulivugut. Tamanna ilutigalugu pisinianut attaveqarluartuarusuppugut. Pisiniartartuvut malunnartunik iluaqutissarsisarput uagutsinnullu niueriartortarlutik ilaatigut pitsaasunik neqerooruteqartaratta, aammali suliffeqarfimmut inuiaqatigiinnullu sunniuteqaqataasinnaagamik, namminneq illoqarfimminni nunalu tamakkerlugu.

 

Kalaallit Nunaanni Brugseni suliffeqarfiuvoq 100 %-imik Nunatsinnit pigineqartoq ineriartorluarfiusorlu. Suliffeqarfittut pingaartipparput sulisutta piginnaasaminnik ineriartortitsinissaat. 2019-imi ”Great Place to Work”-itut uppernarsaaserneqarpugut, tamannalu sungiussisimannilluarfiusunik sulinermi avatangiiseqarnissannut qulakkeerutaavoq illillu suliakkut piginnaasannik pingaartitsiffiussalluni ineriartornissamullu periarfissaqassallutit.

 

Illit piginnaasatit
Neqaarniatut ilinniarsimasuuvutit
Pitsaassutsimik ilisimaarinnipputit akisussaassuseqarlutillu
Assut eqqiluisaartuuvutit
Inuttut ammasuuvutit suleqatiginnilluarsinnaallutillu qiimasuullutillu
Iluatsilluarnissamut piumassuseqarputit suleqateqassallutillu
Pisinianik aggersunik sullissilluartarputit

 

Ilinnut neqeroorutigisinnaavavut
Suliassamut pikkoriffiginninnerit takutissinnaavat ineriartortitsisinnaallutillu
Suliffik soqutiginarlunilu ineriartorfiusoq nuannersunik suleqateqarfissaasoq pisiniarfimmi pisiassat pitsaassusiinik pisinianillu sullissilluarnissamik pingaartitsiffiusumi
Nioqqutissanik nalinginnaasunik Nunatsinneersunillu suliaqarsinnaassaatit
Immikkoortortaq nutartigaq pisiniartitsivittalik
Piginnaasat naapertorlugit akissarsiat ilaatigut feriefrirejse, ilaatigut atorfimmut atasumik sulisunut inissiamik neqeroorfigineqarsinnaassallutit ilaatigullu atorfininnermut atatillugu suliffimmillu tunuarnermut atatillugu angalanerit, pigisat nassiunnerinut tunngasut aaqqiivigineqassapput isumaqatigiissusiortoqarneratigut
Sulisutut pitsaasunik akikilliliivigineqarsinnaaneq

 

Qinnuteqarnissamut killigititaq
Novembarip 10-at 2019.
Ingerlaavartumik oqaloqateqartassaagut.
Isumaqatigiissutigineqartoq naapertorlugu atorfinittoqassaaq.
Qinnuteqaatit nassiunenqassapput nittartakkatsigut: www.brugseni.gl/job (e-mailikkuunngitsoq).

 

Nuuk
Nuuk Kalaallit Nunaanni illoqarfiit pingaarnersaraat 18.000-t missaanniittunik inoqarluni. Illoqarfik ilaqutariinnut neqeroorutissaqarluarpoq kiisalu meeqqanut meeqqat atuarfiini atuartunut periarfissaqarluarluni. Illoqarfimmi sammisassaqarluarpoq pisiniarnissamut, caféliarnissamut filmeriarnissamut nalugiarnissamullu periarfissaqarluarluni. Kalaallit Nunaata sineriaani allanisulli Nuuk pinngortitarsuarmit alianaatsumit avatangerneqaqqavoq piniarnissamut, aalisarnissamut angalaarnissamullu periarfissaqarluarluni.

 

Atorfik pillugu apeqqutissaqaruit attavigiuk
Neqaarniarfimmi aqutsisoq Casper Petersen, tlf. +299 34 98 16, mail 07650S@brugseni.gl
Nittartagaq: www.brugseni.gl
Facebook: Kalaallit Nunaanni Brugseni

 

Suliffik sumiiffia
Aqqusinersuaq 2
3900 Nuuk
Grønland

 

Ulloq qinnuteqarfissaq kingulleq:
10. novemberi 2019