Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kalaallit Nunaanni Brugseni

Nuummi Sullissivimmi Sulisoqarnermut Attaveqatigiinnermullu immikkoortortami suleqatissarsiorpugut / Vi søger en medarbejder til HR og Kommunikation i Servicekontoret i Nuuk

Kalaallit Nunaanni Brugseni

Nuuk
28-07-2021
Piffissaq atuuffissaa naassaaq: 20-08-2021
Suliffissamut ID normut: 330758499
Suliassaqarfik: Allaffik & allaffissorneq
Misilittakkat - Annertunerusumik: Ansættelseskontrakter
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

Ilinniartunik sullissineq, piukkunnaatilinnik inerisaaneq, sulilernermi soraarnermilu piutsinik suliaqarneq aammalu aqutsisunik inerisaaq attaveqatigiinnermi suliassanik akullugit soqutigisaraagit suliarissallugit? Taava immaqa illit suleqatissaraatsigit.

 

Kalaallit Nunaanni Brugseni suliffeqarfiuvoq ineriartorfiulluartoq. Ukiuni malittuinnarni pingasuni, 2019-imiit 2021-mut, ”Great Place to Work”-itut uppernarsaaserneqarpugut tamannalu sulisut suliatsigut piginnaasaannik pingaartitsiffiusunik ineriartornissamullu periarfissaqarfiusunik suliffimmi avatangiiserneqarnissaannik qulakkeerutaavoq.

 

Tamatuma saniatigut Kalaallit Nunaanni Brugseni Kalaallit Nunaanni nerisassanik nioqquteqarnermi siuttuuvoq illoqarfinnilu arfineq-pingasuni pisiniarfinni 17-ini 550-it missaanniittunik sulisoqarluni.

 

 

Suliffik akisussaaffigisassallu

Sulisoqarnermut Attaveqatigiinnermullu immikkoortortatsinni nutaajusumi pikkorissumik suleqatissarsiorpugut sinerissami sulisorpassuatsinnut pikkorissunut sullissinitsinni ineriartortitsininnilu peqataasussamik. Sulisoqarnermut immikkoortortaq Attaveqatigiinnermullu immikkoortortaq kattutitikkusuppavut ataatsimik akisussaasumik pisortaqalersillugit, sulisuvut ilaasortavullu qitiutillugit periusissatut suliniutinik naammassinnilluarnerullutalu atuutilersitsilluarneruniassagatta.

 

Suliffimmit assingusumit misilittagaqareersimassaatit, akisussaaffinnillu taakkuni aallussisimassaguit qujanaq. Peqataassaatit suliffeqarfiup HR-mik Kommunikationimillu pullavissaanik ilusilersueqataanermi. Suleqatigiinni 4-ni ingerlatsivinni marluusuni  aallutatsinni peqataassaatit.

 

Nuummi allaffimmi sullissivimmi, pisiniarfiutinik tamanik qitiusumik aqutsiviullunilu pisortaqarfiusumi, atorfinissaatit. Sullissivik peqatigiiffiup immikkoortuisa tamarmik pisariaqartitaannik sullissisarpoq saniatigullu aamma pisiniarfinnik siunersuisarluni pisiniarfinni suliaqarfiit tamarmik ulluinnarni ingerlalluartarniassammata. Taamaattumik pisiniarfinnut tikeraarnernut, ilinniakkanik nittarsaanernut, pikkorissartitsinernut il.il. tunngatillugu angalasarnissat naatsorsuutigissavat.

 

Sulisoqarnermut Attaveqatigiinnermullu immikkoortortat saniatigut Sullissivimmiipput Aningaasaqarnermut, Nioqqutinut Nassiussuinermullu, Tuniniaanermut Pilerisaarinermullu immikkoortortat. Immikkoortortani assigiinngitsuni sulisuusugut katilluta 21-uvugut.

 

 

Immikkoortortap suliassai pingaarnerit makkuupput

  • Ingerlatsinermi suliassat, sulisussarsiornerit, inerisaanermut suliinnarnissamullu tunngasut, aammalu ataveqaassutissanik pilersitsiortorneq aqqutit assigiinngitsut aqqutigalugit siammartigassanik

  • Suliffeqarfiup iluani ilinniakkanik pikkorissarnernillu naammassinninneq malittarinnittarnerlu

  • Ilinniakkanik suliffeqarfinnillu nittarsaassinerni peqataaneq taakkuninngalu pilersaarusiorneq

  • Naammagisimaarinninnermik suliffeqarfinnillu ingerlaavartumik misissuisitsisarneq

  • Suliffeqarfiup iluani avataanilu HR pillugu saqquminerulersitsineq 

 

Naatsorsuutigaarput illit…

  • Sulisoqarnermik attaveqatigiinnermilu misilittagaqarninnik uppernarsaasinnaaneq

  • Sulisoqarnermut Attaveqatigiinnermullu immikkoortortat pingaartilluarneqarnissaannut sunniisinnaassuseqarneq

  • Isumassarsiullaqqissuusutit arlalinnillu ataatsikkut suliaqallaqqittuusutit

  • Alapernaatsuusutit apeqqusiillaqqillutillu

  • Sullissiumatuusutit

 

Ilinnut neqeroorutigaavut

  • Suliffeqarfimmi angisuumi sulisorpassualimmi ineriartortitsilluarnissamut periarfissaqarneq

  • Suliffik namminersungaatsiarluni suliffiusinnaasoq ikioqatigiilluartartunik suleqateqarluni

  • Sullissivimmi avatangiisit ineriartornartut

  • Suliaqarfinni assigiinngitsuniittunik piginnaasaqarluartunik pikkorissunillu suleqateqarneq

  • Piginnaasat naapertorlugit akissarsiaqarneq aamma tikinnermi aallarnermilu pigisat nuunnerannik akiliunneqarnissamut pisariaqartitarlu naapertorlugu inissaqartinneqarnissamut periarfissaqarneq

 

Nuuk pillugu

Nuuk Kalaallit Nunaanni illoqarfiit pingaarnersaraat 19.000-ingajannillu inoqarluni. Illoqarfik ilaqutariinnut neqeroorutissaqarluarpoq kiisalu meeqqanut meeqqat atuarfiini atuartunut periarfissaqarluarluni. Illoqarfimmi sammisassaqarluarpoq pisiniarnissamut, caféliarnissamut filmeriarnissamut nalugiarnissamullu periarfissaqarluarluni. Kalaallit Nunaata sineriaani allanisulli Nuuk pinngortitarsuarmit alianaatsumit avatangerneqaqqavoq sisorarnissamut, piniarnissamut, aalisarnissamut angalaarnissamullu periarfissaqarluarluni..

 

Paasissutissat amerlanerusut

Qinnuteqarnissamut killigititaq: Aggustip 20-at 2021

Ingerlaavartumik oqaloqateqartoqartassaaq.

Sulilerfissaq: Septemberip aallaqqaataa, isumaqatigiissutigineqartorluunniit naapertorlugu.

 

Qinnuteqaatit nassiunneqassapput nittartakkatsigut: www.brugseni.gl/job (e-mailikkuunngitsoq).

 

Atorfik pillugu apeqqutissaqaruit attavigiuk