Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Maskinarsuarnik iluarsaasartutut Aasianni ilinniartussarsiorpugut / Vi Søger Entreprenørmaskinmekaniker elev i Aasiaat
Royal Arctic Line
Aasiaat
30-05-2022
Piffissaq atuuffissaa naassaaq: 31-05-2022
Suliffissamut ID normut: 331127392
Suliassaqarfik: Assartuussineq & ingerlasussanik piareersaaneq
Ilinniagaq: Entreprenørmaskinemekaniker
Misilittakkat - Annertunerusumik: Bilsyn, Mekanikerarbejde,
Oqaatsit:
| Danskisut |
Atuarneq/ oqalunneq |
| Kallaallisut |
Atuarneq/ oqalunneq |
Maskinarsuarnik iluarsaasartutut Aasianni ilinniartussarsiorpugut.
Maskiinarsuarnik aserfallatsaaliuinissamut iluarsaassinissamullu periarfissiisumik ilinnialernissannik takorluugaqarpit? Suleqatit nuannersut suleqatigalugit ulluinnaat unammilligassallit ulapaarfiusullu peqataaffigilerusuppigit, aammalu Royal Arctic Linemi suliffeqarfittut pissanganartumik ineriartorfiusumi peqataarusuppit? Taamaappat pissanganartumik ilinniarfissaqartippatsigit. Royal Arctic Linep nunarput niueqatigiuminarnerulersippaa - tamannalu aatsaat iluatsissinnaavarput maskiinaativut, soorlu truckit kranillu angallattakkat, assersuutigalugu umiarsuarnik usilersuinermut usingiaanermullu atortakkagut ingerlalluarsinnaappata. Taamaammat maskiinarsuarnik iluarsaasartut suliffeqarfiup ulluinnarni ingerlanneqarnerani pingaarutilimmik inissisimapput. Suliassatit pingaarnerit makkuussapput:
Maskiinarsuarnik iluarsaasartut maskiinanik ajoqutilinnik iluarsaasarput, ulluinnarnilu aserfallatsaaliuinermik suliaqartarlutik. Aserfallatsaaliuinermi suliassat ilaatigut tassaapput maskiinanik misissuineq, saliineq uuliaterinerlu, maskiinallu ajortinnissaa pinaveersaartinniarlugu maskiinap atortuinik assigiinngitsunik aaqqissuussineq.
Maskiinat ilarpassui qarasaasiamit nakkutigisaasarput, taamaammat atortorissaarutit assigiinngitsut, soorlu pneumatiskit, hydrauliskit innaallagissamullu tunngasut aamma ilisimasaqarfigillualissavatit. Taamaammat iluaqutaassaaq, piumasaqaataananili, tuluit oqaasiinik atuilluarsinnaaguit, atortorissaarutit suliarinissaannut atuakkat ilitsersuutit ilarpassui tuluttut allaqqammata.
Maskiinarsuarnik soqutigisaqartuussaatit, qanoq suliaaneri qanorlu ingerlasarnerini pillugit. Ilinniarnerit mekanikerit suliarisartagaannik ’nalinginnaasunik’ systemillu teknikkitaannik aamma imaqassaaq.
Qinnuteqartumut naatsorsuutigisavut:
- Alapernaatsuussaatit, aalajaatsuullutit nutaanillu sammisaqarusuttuullutit
- Maskiinanik qarasaasiatigullu systeminik elektroniskiusunik soqutigisaqassaatit
- Meeqqat atuarfianni soraarummeersimanermut uppernarsaateqassaatit allatulluunniit isissutaasinnaasunik soraarummeersimanermut uppernarsaateqarlutit, dansk, matematik tuluillu oqaasii minnerpaamik E-mik angusaqarfigalugit
- Ilinniarnerup aallartinnerani 18-ileereersimassaatit.
Ilinniarneq Saviminilerinermik Ilinniarfimmi atuarnermik Aasiannilu umiarsuaatileqatigiiffiup sullivianiinnermik paarlakaaffiussaaq. Ukiup ilinniarfiup siulliup kingorna ilinniarfimmiittarnerit Danmarkimi Erhvervsskolerne Aarsimi ingerlanneqartassapput, taamaattumillu danskit oqaasii atorlugit ilinniarnermik ingerlatsisinnaanissat piumasaqaataavoq.
Maskiinarsuarnik iluarsaasartunngorniarneq ukiunik sisamanik sivisussuseqarpoq.
Maskiinarsuarnik iluarsaasartutut, ilinniarnertuunngorniarfimmi soraarummeersimanermut uppernarsaateqaruit produktionsteknologitut, maskinmesteritut diplomingeniøritulluunniit ilinniaqqissinnaavutit.
Neqeroorutigaavut
Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi ilinniartunngorneq. Suliffeqarfimmi ilinniarfigiligassami aqutsineq, sulisunillu ineriartortitsineq pikkorissaanerlu ukkatarineqarput. Lærlinginut ilinniartunullu isumaqatigiissutit atuuttut malillugit akissarsiaqartitsisoqassaaq.
Paasissutissat allat
Sullivimmi aqutsisoq Tina L. Olsen oqarasuaat +299 89 49 39 attavigineratigut paasiniaasoqarsinnaavoq.
Ilinniartitaaneq ilinnialernissamullu piumasaqaatit pillugit paasisaqarnerorusukkuit Saviminilerinermik Ilinniarfiup nittartagaa www.kti.gl alakkartersinnaavat imaluunniit Royal Arctic Linep Sulisoqarnermut immikkoortortaqarfia attaveqarfigalugu, personale@ral.gl.
Qinnuteqarnissamut piffissaliussamut killigititaavoq ulloq 01-05-2022
Qinnuteqartunik oqaloqateqarneq sapinngisamik piaarnerpaamik ingerlanneqassasoq naatsorsuutigineqarpoq.