Sanarfinermi Avatangiisinullu Immikkoortortaqarfimmi – Nakkutilliinermi oqartussanut sullissisoq / Sagsbehandler til Tilsynsmyndigheden i Forvaltning for Anlæg og Miljø

Kommuneqarfik Sermersooq

Nuuk

29-11-2023

Piffissaq atuuffissaa naassaaq: 19-12-2023

Suliffissamut ID normut: 331583988

Suliassaqarfik: Allat

Misilittakkat - Annertunerusumik: Engageret, Selvstændig, Stabil, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Kommuneqarfik Sermersooq, Nakkutilliinermi oqartussat pikkorissumik tunniusimasumillu sullissisumik pissarsiorput ulloq 01-02-2024 sulilertussaq imaluunniit taassumap kingorna piaarnerpaamik.

Sanarfinermut Avatangiisinullu Immikkoortortaqarfik – Nakkutilliinermi Oqartussat suliarisarpaat biilinut nummmerpladeqanngitsunut akuersissutinik suliaqarneq, angallatinut tunngasut aammalu container-it taakkununngalu akuersissutinik nakkutilliineq. Immikkoortortaqarfik massakkuugallartoq marlunnik sulisoqarpoq. Suliffik tamakkiisumik suliffiuvoq immikkoortortami aqutsisoq qaninnertut pisortarissavat.

Suliffiup imarisaa:

Suleqatigilerusutarput tassaavoq – misilittagalik – sullissisoq, suliakkiissutit ataani taaneqartunut suliarinnissinnaasoq:

·Nunaminertamik atuisinnaanermut qinnuteqaatinik suliaqarneq

·Suliamut attuumassuteqartunik tusarniaaneq aalajangiinerlu

·Akuersissutinik tunniussanik nakkutilliineq

·Biiinik, angallatinik aammalu container-inik illoqarfimmi nakkutilliinermi ujartuineq, taakkunanngalu inatsisit naapertorlugit suleriutillu malillugit saqqummiussineq

·Suliat allat suliakkiissutineqarsinnaasut

Suliat siuliini taaneqartut immikkoortortaqarfimmi suleqatit peqatigalugit taamatullu ingerlattivimmi suleqatit peqatigalugit naammasineqartassapput.

Naatsorsuutigaarput:

·Suliamut attuumassuteqartunut tunngasumik ilinniagaqassaatit soorlu allaffissornikkut imaluunniit teknikkimut sammivilivimmik ilinniagaqarneq

·Allattariarsornikkut oqaatitigullu attaveqaqatigiisinnaanermut piginnaasaqarnersat kalaallisut qallunaatullu

·Innuttaasunut sukumiisumik toqqaannartumillu attaveqaqatigiissinnaaneq

Taakku saniatigut pingaartipparput:

·Nammineersinnaassuseqarnissat angusaqarusuttuullutillu

·Aalajaatsuusaatit pitsaassutsimik anguniagalik takunnillaqqissuullutillu

·Inuttut nukittuujussaatit inissaqartitsisinnaasoq

·Ataatsimut sulinermik nuannarisaqartuussaatit tamakkiisumik eqqarsarsinnaasoq taamatullu ingerlatsivik suliffeqarfillu akimorlugu

·Ullut allanngorarfiulluartuni akuusinnaanissat, ulapaarfiusoq inuppalaassuseq aqqutigalugu kivitseqatigiilluta

·Suliat arlalippassuit ataatsikkut aallussinnaallugit - tamakkiisumik isiginninneq pigiinnarlugu

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

·Qamutinut angallannermik allagartamik piumasaqaatitalimmik peqassaatit

Neqeroorutigaagut:
Suliffik unammillernartortalik illit nammineq ilusilersuiffigeqataaffigisinnaasat suliffeqarfimmi ineriartorfiusumi allanngoriartortumi nammineq akisussaassuseqarlutit. Pingaartipparput suleqatissatsinnut pitsaasumik suliffimmut aammalu suliffeqarfimmut ilinniartitsinissaq suleqatigiillu ajunngitsumik atugaqarnissaat pisortanut qanimut attaveqaateqarnikkut, taamatullu nammineq alloriaataasinnaasunut nutaaliorusussutsimullu inissaqartitsisut. Sanarfinermi Avatangiisinullu immikkoortortaqarfimmi oqaloqatigiinneq, suleqatigiillu imminnut ataqatigiilluarnissaat aammalu innuttaasunut attaveqarluarnissaq pingaartitaraagut.

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Vilhelm Lynge Hard, oqarasuaat +299 36 76 42 imaluunniit e-mail: vilh@sermersooq.gl

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:
Atorfininnermut atatillugu inissiamik innersuussisoqarsinnaanngilaq.

Qinnuteqaat:
Qinnuteqaat qulequtserlugu Atorfiup ilisarnaataa 1087-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.