Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Qeqqata Kommunia

Kivitsisa allatseqarfimmi pisortassarsiorpoq / Sekretariatschef til Kivitsisa

Qeqqata Kommunia

25-07-2024
Piffissaq atuuffissaa naassaaq: 15-08-2024
Suliffissamut ID normut: 331600034
Suliassaqarfik: Allaffik & allaffissorneq, Aqutsineq, Atuartitsineq & Meeqqerineq, Meeqqat & inuusuttut
Ilinniagaq: ,
Misilittakkat - Annertunerusumik: Kommunikation, ,
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

Kivitsisa allatseqarfimmi pisortassarsiorpoq


Kommunit ataatsimut peqatigiiffiani – Kivitsisa – allatseqarfimmi pisortassarsiorpugut.


Atorfik aaqqissuussaanikkut Kommunit ataatsimut peqatigiiffianni – Kivitsisami siulersuisuniippoq, aammalu sulisunut akisussaaffik tigummineqarluni allatseqarfimmilu aqutsisut  marlunnik sulisoqarput suliniummullu sulisoqartarluniUkiuni arfinilinni Kivitsisap suliniutigisimasai maanna naammassineqareersut sumiiffimmi pigiliunneqarnissaat allatseqarfimmi pisortap qulakkeertussaavai. Kommunit tamaasa, Ilinniartitaanermut Aqutsisoqarfiup ilinniartitsisunngorniarfiullu suleqatiginerisigut meeqqat atuarfianni ilikkakkat qaffasissusaat pitsanngorsarneqassasoq, iPadit tamanut agguarneqassasut, meeqqat atuarfiini alimasissumit atuartitsineq pitsanngorsarneqassasoq kiisalu atuartitsinermi atortut digitaliusut pitsanngorsarneqarnissaat Kivitsisami siunertarineqarpoq.


Suliassat akisussaaffiillu:

  • Allatseqarfimmi ulluinnarni aqutsineq
  • Kivitsisami siulersuisut aamma naatsorsuusiortuusartoq kiisalu kukkunersiuisoq suleqatigalugit missingersuutinik ataavartumik aqutsineq
  • Siulersuisuni ataatsimiinnissat piareersarneqarneri
  • Siulersuisut suleqatigalugit Kivitsisami perorsaanikkut siunertarisamik tikkuussineq
  • Kivitsisami teknikkikkut aaqqiissutissat pillugit teknikkikkut akisussaasoq suliffullu avataani suliarinnittut ataavartumik siunersiueqatigineqarneri
  • Kivitsisa pillugu suliffiup iluani soqutiginnittunut aamma kalaallit nunaanni ajornanngippallu nunani tamalaani tusagassiortunut attaveqaqateqarneq
  • Kommunit ataasiakkaat siunnersorneri
  • Siulersuisut akuersissuteqarnissaat siunertaralugu suliaqartussanik il. il. toqqaasoqarnissaanik siunnersuineq
  • Suliarinnittunik assigiinngitsunik suleqateqarneq
  • Nunarput tamakkerlugu kommunit atuarfiini digitalimik ilinniartitaanikkut suliniutit eqqarsaatigalugit inerisaaneq, ataqatigiissaarineq siunersiueqatigiinnerlu, matumani alimasissumit atuartitsineq, ikiortit il. il.
  • Kommunit soqutigisaqaqatigiillu allat akimorlugit perorsaanikkut suliniutinik piginnaasanillu siuarsaanernik ineriartortitsineq ataqatigiissaarinerlu, matumani Ilinniartitsinermut Ilisimatusarfik aamma Ilinniartitaanermut Aqutsisoqarfik ilanngullugit
  • Kommunit (Kivitsisa), Ilinniartitsinermut Ilisimatusarfiup, Ilinniartitaanermut Aqutsisoqarfiup, Naalakkersuisoqarfiup aamma Kivitsisap suleqatigisartagai allat akornanni qanimut suleqatigiittoqarnissaa ataqatigiissaarisoqarnissaalu isumagalugit


Piginnaasat piginnaaneqarfiillu:

  • Perorsaanerup, ilinniartitsinerup, tusagassiornerup attaveqaqatigiinnerullu iluini attuumassuteqartumik ilinniagaqarsimanissaq
  • Digitali atorlugu ilinniartitsinermik misilittagaqarnissaq
  • Programminik aamma/imaluunniit sulianut ataqatigiissaarisuunermik misilittagaqarnissaq
  • Marluinnik oqaaseqartuunissaq kalaallisut qallunaatullu ajornanngippallu tuluttut
  • Attaveqaqatigiinnermik piginnaasaqarluartuunissaq


Neqeroorutigisinnaavagut

  • Atorfik pissanganartoq unammillernartulik allanngueqataanissamut periarfissaqarluartoq
  • Inuttut suliatigullu ineriartornissamut periarfissat pitsaasut
  • Suliffimmi avatangiisit tamatigoortut isumassarsiorfiulluartullu

Akissarsiat atorfininnermilu atugassarititaasut

Atorfinitsitsinissaq pitinnagu atorfininnermi sumiiffissaq isumaqatigiissutigineqarsinnaavoq. Akissarsiat atorfeqartitaanermilu atugassarititaasut, akiliunneqarluni angalaneq pequtinillu assartuineq ilanngullugit, Naalakersuisut aamma isumaqatigiissuteqarfigineqartut kiisalu Kalaallit Nunaanni Namminersorlutik Oqartussat Kommunillu ataanni allaffissornermut pisortanut akissarsiaqartitaanermut atorfinitsitaanermullu atugassarititaasut pillugit isumaqatigiissutaat sukkulluunniit atuuttut naapertorlugit inissinneqassapput.

Atorfik pissanganarsoraajuk? Maanna qinnuteqarsinnaavutit Nunattalu siunissaanik ilusilersueqataallutit.

Piaartumik isumaqatigiissuteqarnikkulluunniit atorfinittoqassaaq.


Atorfik pillugu paasissutissat sukumiinerusut Qeqqata Kommuniani Aningaasaqarnermut Ilinniartitaanermullu Pisortaanermut aammalu Kivitsisami siulersuisuni siulittaasoq Malene Brobergimut oqarasuaat (+299) 86 73 80, email: berg@qeqqata.gl-imut saaffiginninnikkut pissarsiarineqarsinnaapput


Qinnuteqaat ilinniarsimanermut uppernarsaatit assilinerinik, oqaaseqaatinik, imminut ilisaritinnermik, pinerluuteqarsimannginnermut uppernarsaammik attaveqarfissanillu ilalik nassiunneqassaaq.