Brugseni Ilulissat Delikatesse-mut aqutsisussarsiorpoq / søger Delikatesseleder

Kalaallit Nunaanni Brugseni

26-11-2024

Piffissaq atuuffissaa naassaaq: 10-12-2024

Suliffissamut ID normut: 331601252

Suliassaqarfik: Pisiniarfik & sullissineq

Ilinniagaq: Kok

Misilittakkat - Annertunerusumik: Fødevareproduktion, Stabil,

Oqaatsit:

Danskisut	Atuarneq/ oqalunneq
Tuluttut	Atuarneq/ oqalunneq
Kallaallisut	Atuarneq/ oqalunneq

Suleqatigiikkuutaanut pitsaasunut ilaalernissat soqutigigukku, atorfik ilinnut naleqquttoq inuttassarsiuupparput immikkoortortaqarfimmi pingasunik delikatessemi sulisulimmik taakkulu saniatigut aamma neqaarniat ittuat aammalu neqaarniaq suleqataassallutik. Kalaallit Nunaanni niuertarfiit annersaasa ilagaatigut, pisiniarfigullu susoqarfiujuaan-narlutillu inunnik qiimasunik ulikkaartuaannarlutik.

Aqutsisumik pissarsiorpugut nioqqutissat pitsaassusaannik qaffasitsitseqataalluarsinnaa-sumik aammalu delikatessep suliffigiuminartuunissaanik pilersitsisinnaasumik.

Taamaattumik pingaaruteqarpoq sulinermi atugassarititaasunik pitsaasunik immikkoortortaqarfiullu nuannersuunissaanik ulluinnarni ulapaarfinnilu pilersitsisinnaassasutit.

Aqutsisutut suliat saniisigut ulluinnaat allanngorartut peqataaffigilissavatit iggavimmi nillertunik kissartunillu nioqqutissiorneq suliffeqarfiillu kiffartuussatta sullinneqarnerat akisussaaqataaffigissallugu.

Tamakku soqutigisinnaagukkit tusarfiginissat qilanaaraaarput.

Suliassat:

• Delikatessemi aqutsineq
• Suliassanik pilersaarusiorneq agguaanerlu
• Ullormut nioqqutissiorneq immikkoortortamilu pisinianik sullissineq
• Ullut tamaasa pisiniarfimmik tunisinissamut piareeqqasumik pilerinarsarluakkamillu akisussaaqataaneq
• Tunngaviusumik inisseqasussanik piareersarluarsimasarnissaq, akit pisiassat ullui qaangiunneqanngitsut, neqeroorutit malillugit tunisassat piareeqqasut il.il.
• Nioqqutissanik inniminniineq, eqqiaaneq imminermullu nakkutiginninneq
• Atugassarititaasut pitsaasuunissaannik nuannersuunissaannillu qulakkeerinneqataaneq

Ilinnut naatsorsuutigaarput:

• Nerisassiornermut tunngasutigut tunuliaqutaqarnissat, pisiniarfeqarfimminngaanniit neriniartarfinninngaanniilluunniit
• Nutaamik isumassarsiorsinnaasutit immikkoortortamillu isumassarsiorluarfiusinnaasumik qulakkeerinnissinnaasutit, pisiniartartut pitsaanerpaanik toqqagassaqartittuarumallugit
• Kusanartumik pilerinarsarluakkamillu nillataartunik sassaallersinnaaneq
• Pilersaarusiorsinnaaneq ulluinnarnilu ingerlatsinermi siuttuusinnaaneq
• Inussiarnersuussaatit suleqatigiinnissamut kajumilersitsisoq pisiniarfeqarfimmi ulapaarfiusumi nuannersumilu iluarusussinnaasoq
• Iluatsitsilluarnissamut piumassusilik suleqatigiikkuutaanullu immikkoortortaqarfimmik qaffakkiartortuartussamik ingerlatsissallutit

Neqeroorutigaagut:

• Atorfik pissanganartoq pisinnaasarnik takutitsilluarfiusinnasoq
• Aqutsisutut piginnaasanik ineriartortitsiviusinnaasoq
• Sulisut pikkorissut akornanni suleqatigiilluarfiusoq
• Atorfeqartitaanikkut atugassarititaasut pitsaasut, atorfimmut atatillugu ineqartitaanissamik periarfissaqarsinnaalluni pequsersukkamik pequsersugaanngitsumilluunniit
• Atorfininnermi isumaqatigiissutsip naammassineqarnerani atorfininnermi soraarnermilu angalatinneqarnerup akilerneqarsinnaanera
• Piginnaasat aallaavigalugit akissarsiaqartitaaneq

Ilulissat pillugu

Ilulissat Kalaalli Nunaanni takornariaqarfiusunni illoqarfinni annersaavoq 4.500 missaa innuttaqarluni. Illoqarfiup ilisarnaatigai pinngortitarsuaq tupinnartoq taavalu iluliarsuit kusanarluinnartut. Sammisassat assigiinngitsut ukiunut assigiinngitsunut amerlapput. Illoqarfimmi eqeersimartumi pisiniarnissamut periarfissat, neriniartarfiit café-llu pitsaasut.  Ilulissat inissisimaffia piniarnissamut aalisarnermut umiartornissamullu periarfissaqartitsilluarpoq.

Suliffeqarfipput pillugu

Kalaallit Nunaanni Brugseni 600 miss. sulisoqarpoq pisiniarfinni 17-ni sineriatsinni illoqarfinni 8-ni agguataarneqarsimasuni.

Ilaasortarpassuatta naleqartitatut pilersitaannik tunngaveqarluta sulivugut. Kalaallit Nunaanni inuiaqatigiinnut, pinngortitamut sulisutsinnullu ersarittumik ineriartortitseqataarusuppugut. Aammattaaq kissaatigaarput atuisutta pisiniallu naligalugit oqaloqatigilluarsinnaallugillu pikkoriffigiuassallutigit. Pisiniartartugut iluanaarutinik tigussaasunik pisarput uagutsinnullu pisiniartarlutik ilaatigut pitsaasunik neqerooruteqartaratta, kisiannili aamma suliffeqarfitsinnik inuiaqatigiinnullu sunniuteqaqataasinnaagamik sumiiffimmi nunalu tamakkerlugu.

Kalaallit Nunaanni Brugseni 100%-mik kalaallinit pigineqartuuvoq ineriartortuartoq. Suliffeqarfiuvugut sulisutta sulinermikkut ineriartortinneqarnisaannik pingaartitsisoq. 2024 ”Great Place to Work”-imik allagartartaarnikuuvugut, pitsaasumik sulisutut atugassarititaasunik ilinnut qulakkeerinnittumik, sulinikkut piginnaasarnik ineriartortinneqartuarnissannillu periarfissaqartitsisumik.

Qinnuteqarfissatut kililiussaq:

Kingusinnerpaamik decembarip 10-at 2024.

Atorfinitsitsineq isumaqatigiissutigineqartoq malillugu pissaaq.

Qinnuteqaat nittartagarput www.brugseni.gl/job aqqutigalugu pissaaq (e-mail-ikkuunngitsoq)

Atorfimmut tungatillugu apeqqutissaqaruit attavissaq

Pisiniarfiup pisortaa Peter Haccou, oqa. +299 947701

Nittartagaq: www.brugseni.gl

Facebook: Kalaallit Nunaanni Brugseni