Pinngortitaleriffimmi Nakkutilliisoq aamma Siunnersorti

Namminersorlutik Oqartussat

Nuuk
10-01-2019
Piffissaq atuuffissaa naassaaq: 01-02-2019
Suliffissamut ID normut: LJA-69500349
Suliassaqarfik: Allaffik & allaffissorneq
Attaveqarfissamut paasissutissat

Namminersorlutik Oqartussat

Kathrine Lund Olsen 
Kivioq 2
Oqarasuaat +299 36 12 00

Pinngortitaleriffimmi Nakkutilliisoq aamma Siunnersorti

Pinngortitaleriffik controlleritut sulineq nukittorsarusuppaa, taamaattumik allaffitsinnut Controllerimik misilittagalimmik aamma siunnersortimik pissarsiorpugut. Suliffik namminersorfiusuuvoq suliassallu assigiinngiiaarsinnaallutik, sulinikkut inuttullu unamminarsinnaasut.
Immikkoortortaqarfitsinnilu allaffiillu qanimut suleqatigiittuulluta, taamaammat suleqatissarsiorpugut piukkunnaateqartumik suliffeqarfitsinnut sulinermi pikkorissuseqartoq, suleqatigiinnermullu piginnaasaqarluartoq qiimasuussallunilu

Allaffimmi suleqatigiit suliassaat pingaarnerit:

  • Aningaasartuutinut misissueqqissaarneq aammalu suleriaatsinut nakkutilliineq.
  • Pinngortitaleriffimmi ulluinnarni naatsorsuuserivimmi ingerlatsisunut nakkutilliinerit
  • Missingersuutit naatsorsuutillu
  • Akiligassanik akuerisassanik misissuinerit aamma bogføriineq
  • Akissarsiat sulisunillu aqutsineq
  • Assigiinngitsunik akiligassiissusiortarnerit
  • Allatsitut atuuffiit (journalit, toqqortaasivik, oqarasuaat, ataatsimut allakkanut nakkartitsivik, sulisilluni angalanerit il.il.)
  • Aningaasanik karsimiittunik aqutsineq
  • Allaffissornermi periutsinik sunniuteqarluartunik ingerlaavartumik ineriartortitsinerit nutarterinerillu
    Allaffimmi allaffissornikkut suliassat tamaasa suliarineqarnissaannut ataatsimoortumik takunnissinnaallutillu ataqatigiissaarisinnaassaatit, ilaatigullu namminerisannik tigussaasunik akisusaaffeqarfeqassallutit.
    Atorfininninni maannakkut suliassanik agguataarnerit allannguuteqarsinnaapput, taamaalillutit suleqativillu piginnaasaasi pitsaanerpaamik atorneqarniassammata.
    Suliassat allat suleqatigiilluni suliarineqartarput
     
    Piginnaasarisatut kissaatigineqartut:
  • Merconomitut naleqquttumik ilinniagaqartuuvutit, HD, cand merc, assigisaanilluunniit akademiitut ilinniagaqartuussaatit, piumasaqaataanngilarli, piginnaasaqarnissaq kisimi apeqqutaammat.
  • Pisortat allaffeqarfiannit misilittagartooq, tassunga ilanngullugit aningaasaqarnermut sulisoqarnermullu tunngasunik.
  • Torersaartoq, ataatsimoortumik takunnissinnaasoq, peqqissaartoq akisussaassuseqarluartorlu
  • Suleqatiginnillaqqissoq attaveqaqatiginnilluartartorlu – illup iluani avataanilu.
  • Qarasaasialerinermik ilisimasaqarluartoq (Microsoft Office, inniminneeriaatsit aamma XAL)
  • Sullissiumassuseqarpasissoq
  • Ulluinnani allanngorartuni tamatigoortumik sulisinnaassuseqartoq
  • Suliaqarsinnaassuseqarluartoq
  • Marluinnik oqaasilik (kalaallisut danskisullu) ajornanngippallu aamma tuluttut.
  • Qiimasoq persuarsiorpalaanngitsorlu.
Neqeroorutigaavut:
  • Suleqatit suleqataalluartut
  • Namminersuutigalugu suliaqarnissamut akisussaaffeqarnissamullu periarfissat
  • Atorfiup imaarisaanik sunniuteqarnissamut periarfissaq
Atorfiup 2019-imi februarip ulluisa aallaqqaataaniit imaluunniit isumaqatigiissuteqartoqareerneratigut inuttalerneqarnissaa kissaatigineqarpoq.

Akissaatit atorfinitsitaanermilu atugassarititaasut
Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni isumaqatigiissutit atuuttut naapertorlugit akissaasersuisoqarlunilu atorfinitsitsinermi atugassaqartitsisoqassaaq, tassunga ilanngullugit atorfininnermi soraarnermilu angalanerit akilunneqartussaatitaassapput pequtillu assartorneqarnerat aamma akilerneqassallutik.
Sapaatit akunnerani nal. ak. 40-ni suliffiussaaq.
Siunnersortimut najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
 
Nakkutilliisumut Inissiaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Pinngortitaleriffimmi atorfik pillugu nittartakkatsinni uani annertunerusumik paasisaqarsinnaavutit, www.natur.gl, aamma allaffimmi pisortaq Kathrine Lund Olsen attaveqarfigalugu paasisaqar-nerusinnaavutit.
Qinnuteqaatit ilinniagarisimasatit aamma siusinnerusukkut suliffigisimasatit pillugit paassissutissartalerlugu aamma inaarutaasumik misilitsinnermit papilissat assilineqarnerannik ilallugu Pinngortitaleriffimmut nassiuguk. Qinnuteqaat imatut ilisarnaaserneqassaaq ” controller/konsulent” uungalu nassiunneqassalluni:
Grønlands Naturinstitut ”att. administrationschef”,
Pinngortitaleriffik, Boks 570, DK-3900 Nuuk.
 
Qinnuteqarnissamut killissarititaasoq 31. januar 2019.