Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Råstofskolen - Greenland School of Minerals & Petroleum

Namminersorlutik Oqartussat

Sisimiut
01-05-2019
Piffissaq atuuffissaa naassaaq: 01-08-2019
Suliffissamut ID normut: LJA-72958961
Suliassaqarfik: Ingeniøri & pinngortitalerineq

Anlægsingeniør aamma mineingeniør Sisimiuni ilinniartitsisussanik 

Aatsitassalerinermik Ilinniarfik Sisimiuniitooq faglærerimik pissarsiorpoq, taanna sanaartornerup iluani aamma qaarusummi suliassanut ilinniartitsisassaaq.

Aatsitassalerinermik Ilinniarfimmi atuartitsineq
Uatsinni ilinniartitsisunngorniaruit taava inersimasut inuusuttullu ilinniarnerat soqutigisarissavat. Ilinniarfiup qullersai suleqatitillu suleqatigilluassavatit taamattaarlu piginnaasatit ilinniartunut avitseqatigisassallugit, taamaasillutit taakku suliaminnut atatillugu pikkorissartuarnerat takussutissatut uuttortaatigisinnaassallugu.
Aatsitassalerinermik Ilinniarfik ikiorluassavat taamaasillutillu teknologimiut tunngasuni atuartitsinermilu ineriartorneq qaarusummi sanaartornerullu iluani ingerlatsisunut sallersaallutit peqataassallutit.

Uatsinnut pingaarnerpaajuvoq ilinniarluarsimasuunissat piginnaassatillu piumassuseqarlutit ingerlateqqinnissaannut piginnaasaqartutit.

Nutaanik ilinniaqqinnissamut periarfissinneqassaatit, soorlu teknologiimut tunngasunut nutaalianut, assersuutigalugu dronet, sajukulaartitsisarlunilu uutortaanernut (vibrationsmålinger) aamma qaarusummi isumannaallisaanernut tunngasunut.

Aatsitassalerinermik Ilinniarfimmi ilinniartitsisutut instruktøritut ilinniarnissamut periarfissinneqassaatit tassa faginut immikkoortunut assigiinngitsunut. Ilinniarnerit nunarsuarmi suleqativut Nunatsinniittut nunanilu allaniittut suleqatigalugit pissaaq.

Nunarsuarmioqataanermi piginnaasaqarneq misigissuseqarnerlu taamattaarlu inuusuttunik suleqateqarusunneq soorunami piginnaasatut pingaarnertut atuartitsinermi inissisimapput.

Naatsorsuutigaarput:

  • Anlægs- imaluunniit mineingeniøritut atuagarsorlutit sulillutillu misilittagaqartutit sanaartornerup iluaniit imaluunniit ingeniøritut siunnersuisoqarfimmi sulisimallutit.
  • Projektiliornerit misilittagaqarfigivatit, taakkunanilu maskiinarsuit sullivinni atortakkat qillerutillu misilittagaqarfigalugit..
  • Minnerpaamik ukiut pingasut sulereersimassaatit.
  • Tuluttut oqaatsitigut sunniuneqarluarsasutit.
  • Allaffissornerup tungaatigut ilisimaqassasutit.

Sulianut atatillugu makku paasisimasaqarluarfigissagitit:
  • IT-værktøjer suliannut attuumasutillit
  • Isumannaallisaanermut tunngasut.
  • Nunap qaani iluanilu qaartiterinerit.
  • Qaqqanik isumannaallisaaneq (Bjergsikring)
  • Aqqusinniorneq sanaartorfigiuminarsaanerlu
  • Nakkutilliineq aamma pitsaassusilerineq
  • Numani uuttortaanerit
  • Projektinik pilersaarusiorneq nalunaarsuusiornerlu
Aatsitassalerinermik Ilinniarfik - Råstofskolen – KTI immikkoortortaqarfia

Aatsitassalerinermik Ilinniarfik  Teknikimik Ilinniarfiup ilagaa, Nunatsinni marlunni assigiinngitsuni inissisimavoq: Nuummi Sisimiunilu. Katillugit 650 miss.ilinniartoqarpoq, aamma sulisut 150-it missaanniipput.
Atuarfik sisamanik immikkoortoqarpoq:
  • Saviminilerinermik Ilinniarfik, Nuuk              
  • Sanaartornermik Ilinniarfik, Sisimiut        
  • Aatsitassalerinermut Ilinniarfik, Sisimiut
  • Ilinniarnertuunngorniarfik (GUX), Sisimiut
Taakku saniatigut KTI-p Danmarks Tekniske Universitet (DTU) ARCTIC DTU Campus Sisimiut ingerlanneqarnera suleqatigaa.
Aatsitassalerinermut Ilinniarfiup pikkorissarnerit allagartartaarfiusartut neqeroorutigisarpai, anguniagaraalu taakku inuussutissarsiornerup iluani nunarsuarmi sumiluunniit atorsinnaasatut neqeroorutigissallugit.

Aatsitassalerinermut Ilinniarfiup misileraaffingaatsiarsuaq misileraaffigisarpaa, tassani atuarfiup maskiinaatai atortussaataalu, angissusissamissut angitigisut, misilerartarlugit, taamattaarlu suliassat (projektit) assigiinngitsut.

Piumassuseqarlutillu piginnaasaqarpit taava nunami tupinnartorsuarmi assigiinngitsorpassuarnullu periarfissalimmi Aatsitassalerinermik Ilinniarfimmi qaffasissumik ilinniartitsineq peqataaffigilersinnaavat, atorfissaqartippatsigit.

Atorfeqarneq: Tamakkiisoq – ukiuni marlunni sivisussusilik, isumaqatigiinnikkut sivitsorneqarsinnavoq

Ulloq qinnuteqarfissap kingulleq 31.07.2019 – Qinnuteqaatit ingerlaavartumik suliarissavagut..

Atorfik pillugu annertunerusumik paasisaqarusukkuit taava ilinniartitaanermi qullersaq  Uddannelseschef Hans Hinrichsen, telefon +299 58 45 60 - e-mail hahi@kti.gl imaluunniit Inspektør Curtis Chapman, telefon +299 867638 – cuch@kti.gl attavigisinnaavatit.



Nittartagarput alakkaruk uani  www.kti.gl

Illoqarfiup nittartagaa uani takusinnaavat: www.qeqqata.gl 

Kalaallit Nunaat pillugu paasisaqarusukkuit uani atuarsinnaavutit www.naalakkersuisut.gl. 
 


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.