Kalaallit Nunaanni Aalisarsinnaanermik Akuersissutinik Nakkutilliisoqarfik aalisarnermik nakkutilliisutut ilinniartussarsiorpoq

Namminersorlutik Oqartussat

Nuuk
20-06-2019
Piffissaq atuuffissaa naassaaq: 21-07-2019
Suliffissamut ID normut: LJA-74167008
Suliassaqarfik: Aalisarneq & fabrikki
Attaveqarfissamut paasissutissat

Namminersorlutik Oqartussat

Niels J. Laursen 
Imaneq 4
Oqarasuaat +299 34 53 79



Suliffissamik ujaasivit, allanngorartumik misigisaqarfiusumik, angalaffiusumik nunatsinnilu aalisarnermi qanimut malinnaaffiginissaanut periarfissiisumik.

Kalaallit Nunaanni inuutissarsiutini pingaarnerpaamut peqataarusuppit nakkutilliineq ukkataralugu?

Atorfinitsitaanermut ilaatillugu aalisarnermik nakkutilliisutut ilinniagaqassaatit. Ukiuni marlunni ingerlanneqartarpoq atuagarsorneq suliffimmilu sungiusarneq paarlakaanneqartarlutik. Ilinniagaqarnerup ingerlanerani sammisat arlallit allattarissanik soraarummeernernilluunniit naggaserneqassapput. Ilinniarneq tamarmi soraarummeernermik naggaserneqassaaq, tassani takinerusumik allattariarsornertaqassalluni.

Atorfik
Ilinniartuuneq naammassereerpat aalisarnermik nakkutilliisutut sulinermi pingaarnertut aalisarnermi inatsisit aalajangersakkallu eqquutsinneqarnersut nakkutigineqassapput. Imartatsinni aalisarnermik nunamilu nakkutilliineq tassani pineqarput. Aalisarnermik nakkutilliisup suliassaani pingaarutilik tassaavoq aalajangersakkanik aalisarnermut tunngasut pillugit ilitsersuussinissaq. Nalunaarusianik allakkiorneq allaffimmilu suliassat allat aamma sulinermut ilaapput. Aalisarnermik ingerlataqartunut aalisarnermut nakkutilliisoq arlalinnik sullissilluni suliassaqarpoq.
Sulineq nikerartarpoq sulinermullu pilersaarusiat, qaammatit ataasiakkaarlugit suliarineqartartut, malillugit ingerlasarluni. Ullup unnuallu ingerlanerani sukkulluunniit sapaatillu akunnerata ulluini tamani sulisarnissat piareersimaffigissavat.

Illit
Naatsorsuutigaarput illit

  • inuutissarsiummik imaluunniit allamik assersuunneqarsinnaasumik ilinniagaqartutit minnerpaamillu ukiuni marlunni misilittagaqartutit
  • qarasaasialerinermik sulerusuttutit sungiusimallugulu taamatullu qarasaasialerinermik ingerlatsisinnaasutit
  • danskisut piginnaasaqarluartutit allattariarsornermi oqalunnermilu erseqqarissumik paasiuminartumillu oqaasiliorsinnaasutit
  • allaffissornermi suliassanik ingerlataqarusuttutit
  • tamanik misissuisinnaasutit namminerlu aalajangiisinnaasutit
  • timikkut piginnaasaqarluartutit
  • ingerlatsisinnaanermut allagartaqartutit (Suussutsit B)
  • pillagaasimanngitsutut allagartaqartutit
Ilanngullugu pingaartipparput, sullissinissamut piareeqqasutit, ikiuerusussuseqartutit ullullu ingerlanerini qiimasuullutit sulisinnaasutit. Aaqqissuulluakkamik sulisinnaasariaqarputit suliassallu pitsaasumik ingerlannissaat piffissarlu eqqorlugu tunniussisinnaasariaqarlutit. Aamma pingaartipparput pisariaqartillugu saniatigut sulisinnaanissat.

Qinnuteqartumut misilitsinnissaq
Qinnuteqarfissaq qaangiutereerpat, qinnuteqartunit toqqaassaagut, Nuummi ulluni 23 – 25 juli ingerlanneqassallutik, danskisut oqaasiliorluni misilitsinneq kukkunersiornerlu, isumaliuutigeqqaarlugu misilitsinneq, inuttut piginnaasaqarnermik misilitsinneq suleqatigiinnerlu pillugu misilitsinneq.
Kalaallit Nunaanni Aalisarsinnaanermik Akuersissutinik Nakkutilliisoqarfik kikkut tamarmik soqutiginnittut inuttut tunuliaquttat apeqqutaatinnagit atorfimmut qinnuteqarnissaannik kaammattuivoq.

Akissarsiat atorfeqarnermilu pissutsit
Akissarsianut atorfeqarnermilu atugassarititat, atorfininnermi soraarnermilu angalanissamut pisinnaatitaaneq pequtit assartorneqarnissaat ilanngullugu, atorfinitsitaanerup nalaani Kalaallit Nunaanni Namminersorlutik Oqartussat kattuffiullu isumaqatigiinninniarsinnaatitaasup akornanni isumaqatigiissut atuuttoq naapertorlugu.
 
Akissarsiat atorfeqarnermilu pissutsit
Akissarsianut atorfeqarnermilu atugassarititat, atorfininnermi soraarnermilu angalanissamut pisinnaatitaaneq pequtit assartorneqarnissaat ilanngullugu, atorfinitsitaanerup nalaani Kalaallit Nunaanni Namminersorlutik Oqartussat kattuffiullu isumaqatigiinninniarsinnaatitaasup akornanni isumaqatigiissut atuuttoq naapertorlugu.
Najugaq
Atorfimmut atatillugu inissaqartitsisoqanngilaq. Qinnuteqartoq Namminersorlutik Oqartussani atorfeqarnermut atatillugu inissaqartinneqarsimaguni, atorfeqarnermut atatillugu inigisaq tigummiinnarneqarsinnaavoq. Atorfimmut atatillugu inigisaq atorfeqartitaanermut atavoq, atorfeqarnerlu unitsinneqarpat inigisaq qimanneqassalluni.