Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Namminersorlutik Oqartussani Illuutinik Ingerlatsivik illuutinik ilisimasaqarluartumik sulisussarsiorpoq

Namminersorlutik Oqartussat

Nuuk
18-07-2019
Piffissaq atuuffissaa naassaaq: 16-08-2019
Suliffissamut ID normut: LJA-74483129
Suliassaqarfik: Assassorluni sulineq & sanaartorneq

Namminersorlutik Oqartussani Illuutinik Ingerlatsivik illuutinik ilisimasaqarluartumik sulisussarsiorpoq

Qitiusumik allaffeqarfiup illutaasa ingerlanneqarnerannut aserfallatsaalineqarnerannullu akisussaasuullutit suleqatigiit piumassuseqarluartut ilagerusuppigit? Taava Illuutinik Ingerlatsinermut Sullissinermullu Allaffik pikkorissumik sullissiumatuumillu sulisussarsiorpoq.
Suliassanut tunngatillugu
Illuutinik ingerlatsivimmi, Nuummi allaffiit illutaannik 23-nik, Namminersorlutik Oqartussat qitiusumik allaffeqarfiinit atorneqartuni, ulluinnarni ingerlatsinermik aserfallatsaaliinermillu suliaqarfiusumi, sulilissaatit.
Illit suliassatit assigiinngitsorpassuussapput, pingaarnertulli suliassarissavatit illuutit aserfallatsaaliorneqarnissaat aamma illuutinik assigiinngitsunik ingerlatsinermi suliassat. Aalajangersimanerusumik suliassat makku taaneqarsinnaapput:

  • Maskiinanik atortunillu innaallagiatortunik aserfallatsaaliuineq pitsanngorsaajuarnerlu
  • Teknikimut illuutinullu tunngatillugu aserfallatsaaliinissamut pilersaarutip pilersaarusiorneqarnera atuutsinneqalerneralu
  • Ikuallattoornissamut isumannaallisaanermullu tunngatillugu pilersaarusiorneq aserfallatsaaliinerlu
  • Sanaartortussanik isumaqatigiissusiorneq neqeroortitsinerlu.
  • Illuutini nukimmik atuinerup pitsanngorsarneqarnera
  • Sammisat illuutinut tunngasut pillugit suleqatigiissitanut suliaqaqatigiinnullu peqataaneq  ilaatigut neqeroortitsisarnermut sulianik ilisimasalittut ilanngussisarnermut atatillugu.
  • Siunnersuinikkut siunnersuuteqarnikkullu ikiuunneq.
  • Namminersorlutik Oqartussani immikkoortortanut allanut attaveqarneq oqaloqateqartarnerlu.
  • Allaffissornikkut suliassat aalajangersimasut.
Neqeroorutigaavut.
Allaffimmi pissanganartunik suliassalimmi suliallu eqqarsaatigalugit unammilligassaqarfiulluartumi suliffeqarnissat, ulluinnarnilu sulianik ingerlatsisarnermut sunniuteqarnissamut periarfissaqartumi. Suleqatigiinneq inussiarnersumik ingerlasoq, ulluinnarnilu ulapaarfioqisumi sulineq qiimasumik ingerlanneqartoq, aammali ulluinnarni sulinerup ilaqutaqarnerullu imminnut ataqatigiinneranik ataqqinniffiusoq. Allaffik Aningaasaqarnermut- Sulisoqarnermullu Aqutsisoqarfimmi inissisimavoq tassanilu allaffimmi pisortaq sulisullu aqqaneq marluk sulipput, taakkunannga sulisut arfinillit Namminersorlutik Oqartussat nerisarfianni sulisuullutik.
Sapaatip akunneranut akunnerit 40-t suliffiusarput. Ikuallattoqarneranut annertuunillu aserortoqarneranut atatillugu piffissap suliffiusartup nalinginnaasup avataatigut sulisoqartarsinnaavoq.
Atorfiniffissaq 1. september imaluunniit isumaqatigiissuteqarnikkut.
Ilinnut tunngasut
Sanaartornermi teknikeritut tunuliaqutaqarputit, assersuutigalugu sanaartornermi konstruktøritut, sanaartoriaatsimi ilisimasalittut, ingeniøritut imaluunniit teknikkimut attuumassutilimmik allamik ilinniagaqarputit, immaqalu sanasutut tunuliaqutaqarlutit. Illuutit ajoqutigisinnaasaat, tassunga ilanngullugit oquit, inip iluani silaannaq assigisaallu pillugit tunngaviusumik ilisimasaqarnissaq iluaqutaassaaq. Namminersorlutit sulisinnaavutit, sungiussiallutit sullissiumatullutillu. Suleqatigiuminartuuvutit ilaatigullu ulluinnarni ulapaarfiusartumi malinnaasinnaallutit, isumassarsiallu malillugit iliuuseqarsinnaallutit. Iluaqutaassaaq kalaallisut, qallunaatut tuluttullu oqalussinnaassaguit.
Attaveqarfissaq qinnuteqarnerlu
Atorfik pillugu apeqqutissaqaruit, tikilluaqquneqarputit saaffigissallugu allaffiup pisortaa Ella Lynge uani ely@nanoq.gl imaluunniit +299 34 66 65. Qinnuteqaatinik mailikkut tigusisoqartanngilaq.
Qinnuteqarfissaq kingulleq tassaavoq tallimanngorneq 16. august 2019. Ingerlaavartumik oqaloqatiginnittoqartassaaq. Atorfik ugguuna ujarneqassaaq www.naalakkersuisut.gl kiisalu Atorfiit.
Akissarsiat atorfininnermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa. Atorfimmut atatillugu ini atorfeqarnermut tunngavoq atorfeqarnerullu taamaatinneqarnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mailikkut qinnuteqaatinik tigusineq ajorpugut.

Naalakkersuisut pillugit
 Suliassanik unammillernartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq.
Suliamut tunngatillugu sulisutut piginnaasaqarnissaq, pissutsinut misissueqqissaarneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit ataatsimoortumillu takunnissinnaanerit pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikikkut aalajangikkat piviusunngortinnissaat.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.