Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Perorsaasut

Namminersorlutik Oqartussat

Qaqortoq
28-10-2019
Piffissaq atuuffissaa naassaaq: 19-11-2019
Suliffissamut ID normut: LJA-76868359
Suliassaqarfik: Atuartitsineq & Meeqqerineq

Inuusuttut Inaat, Qaqortumut perorsaasussarsiorneq
Perorsaasunik pimoorussisunik Namminersorlutik Oqartussat ulloq unnuarlu angerlarsimaffiutaanni sulerusuttunik pissarsiorpugut.
Piaarnerpaamik imaluunniit isumaqatigiissuteqarneq aallaavigalugu atorfinitsitsisoqartassaaq.
Meeqqanut immikkoortortamut perorsaasunik sulisussarsiorpugut, immikkoortortaq illoqarfiup kuuata eqqaani illorsuarmiippoq. Immikkoortortaq meeqqanut arfinilinnut, 0-niit 14-inut ukiulinnut najugarineqarsinnaasutut akuerisaavoq. Immikkoortortami sulissineq meeqqat isumassuerpalaartumik avatangiisilimmi ineriartornissaannik periarfissiisumi ingerlanneqarpoq, inersimasunit sinaakkusiisinnaassulinnik erseqqissumillu pissusilersortunik sullinneqarlutik. Atassuteqaqatigeeriaatsit attaveqartarnerillu pillugit sullissineq pingaartinneqarpoq.


Sanatorievej B 17-imi Immikkoortortami inimiittumut perorsaasunik sulisussarsiorpugut, tassani maannakkorpiaq meeraaqqanik Qulingiluanik inissisimasoqarpoq.

Immikkoortortami sulissineq meeqqat isumassuerpalaartumik avatangiisilimmi ineriartornissaannik periarfissiisumi ingerlanneqarpoq, inersimasunit sinaakkusiisinnaassulinnik erseqqissumillu pissusilersortunik sullinneqarlutik. Atassuteqaqatigeeriaatsit attaveqartarnerillu pillugit sullissineq pingaartinneqarpoq.


Naalungiarsunnut meeqqanullu immikkoortortamut Sanatorievej B 17-imi illumi qiitiusoqarfimmi qalianiittumut perorsaasunik sulisussarsiorpugut. Immikkoortortaq meeqqanut sisamanut, 0-niit 10-nut ukiulinnut najugarineqarsinnaasutut akuerisaavoq. Immikkoortortami sullissineq meeqqat isumassuerpalaartumik avatangiiseqartumi ineriartornissaannik periarfissiisumik ingerlanneqarpoq, inersimasunit sinaakkusiisinnaassusilinnik erseqqissumillu pissusilersortunik sullinneqarlutik. Atassuteqaqatigeeriaatsit attaveqartarnerillu pillugit sullissineq pingaartinneqarpoq.



Neqeroorutigisinnaavagut

  • Suliaqarfiit assigiinngissitaartut
  • Suliffeqarfik pissanganartoq, ineriartortuartoq.
  • Pikkorissartitsinerni peqataanissamut periarfissaqarneq
  • Oqilisaanneqarluni oqaloqatigineqarneq
Naatsorsuutigaarput
  • Perorsaasutut ilinniagaqartuusutit
  • Nammineersinnaassuseqarlutit sulisinnaasutit, tamatumunngalu ilutigalugu illugiimmik pisussaassuseqarpalaartumik suleqatinik aammalu aqutsisunik suleqateqarsinnaassuseqartutit
Meeqqanut/ilaqutariinnut toqqissisimanartumik ineriartorsinnaanermullu sinaakkusiisunik sullissinerup iluani pilersitseqataanissamut piumassuseqartuusutit
  • Piffissani nikingasuni, akunnerit naanerini aammalu pinngortitamut asiatarnerni sulisarnissaq piareersimaffigigitit
Atorfinnut tamarmiusunut piumasaqaataavoq qinnuteqartut tamarmik perorsaasutut ilinniagaqarsimanissaat aammalu ulloq unnuarlu angerlarsimaffinni sullissinermik misilittaqagartuunissaat.

Akissarsiat atorfeqarnermullu tunngasut
Akissarsiat atorfeqarnermullu atugassarititaasut, ilanngullugit atorfininnermi suliunnaarnermilu angalanerni pisatallu assartorneqarnerini akiliunneqarluni nuussinnaatitaanernut tunngasut Namminersorlutik Oqartussat Kattuffiullu isumaqatigiinniussisinnaasutut piginnaatitaaffeqartup akornini isumaqatigiissutit naapertorlugit suliarineqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Ineqarnermut akiliutit aamma inissiat pitsaassusaat inissiap pisoqaassusaa aammalu inissianik piginnittut aallaavigalugit assigiinngissitaarsinnaapput. Atorfimmut atatillugu inigisaq atorfeqarnerup unitsinnerani qimanneqassaaq. Atorfimmut atatillugu ini aalajangersimasumik najugarilivigassamut nuussinnaaneq utaqqinarsinnaavoq, taamaattoqartillugu utaqqiisigalugu inissiivimmiinnissaq pisariaqarsinnaavoq, tamatumani aamma najugaqatigiiffinni minnerusuni imaluunniit akunnittarfiup inissiaataani najugaqarallartitsisoqaratarsinnaalluni.
 Atorfinnut tunngatillugu paasisaqarnerorusukkuit attaveqarfigisinnaavat; Pisortaq Sara Tessing, oqarasuaat +299 642117 lok 1, email: sate.inaat@nanoq.gl




Qinnuteqarnissamut ulloq killigititaq tassaavoq 18. November 2019 
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.