Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Attaveqaqatigiinnermut Immikkoortortaqarfimmi silaannakkut angallassinermut fuldmægtigi

Namminersorlutik Oqartussat

Nuuk
11-12-2019
Piffissaq atuuffissaa naassaaq: 16-01-2020
Suliffissamut ID normut: LJA-78115790
Suliassaqarfik: Allaffik & allaffissorneq

Kalaallit Nunaanni attaveqaqatigiinnermut tunngasut ineriartupiloorput – attaveqaqatigiinnermullu immikkoortortaqarfik ulappuffiuvoq.

Silaannakkut angallassinermut fuldmægtigimik, naalakkersuinikkut aalajangiisarnerit suliarineqartarnerinik ilisimasalimmik pissarsiorpugut. Attaveqaqatigiinnermut immikkoortortaqarfik ulluinnarni ulappuffiuvoq, assigiinngitsorpassuarnik suliassaqarfeqarluni.Matumani atorfik pissanganartoq, suliassaqarfimmi tamanit eqqumaffigineqartumi inissisimasoq pineqarpoq.

Atorfik pillugu nassuiaat
Attaveqaqatigiinnermut Immikkoortortaqarfik Ineqarnermut Attaveqaqatigiinnermullu Naalakkersuisoqarfimmi immikkoortortaqarfiit sisamaasut ilagaat.

Attaveqaqatigiinnermut immikkoortortaqarfiup ”nunamut, immamut silaannarmullu” tunngasut iluanni suliassanik pilersaarusiorneq, ataqatigiissaarineq suliaqarnerlu isumagisarai, taamaattumillu imarsiornermi, silaannakkut angallannermi, mittarfeqarnermi, umiarsualiveqarnermi, nalunaarasuartaateqarnermi aammalu nunakkut imaatigullu assartuussinermi suliassaqarfinnut akisussaasuulluni.

Attaveqaqatigiinnermut Immikkoortortaqarfimmi suliat politikkikkut eqqumaffigineqartorujussuupput, aammalu tamanit tusagassiorfinnillu soqutigineqarluni. Suliassat suleqataaffigisavut innuttaasut tamarmik ulluinnarni atugaannut pingaaruteqartorujussuupput, aammalu nunatsinni ineriartorfiusinnaasut piviusunngortinneqarnissaannut isumaqartorujussuullutik.

Attaveqaqatigiinnermut Immikkoortortaqarfimmi, naalakkersuinermik suliaqartut paasissutissiiviusunik tunngaveqarlutik kalaallit attaveqaqatigiinnerannut aalajangiisinnaanissaannut qulakkeeriffiusumik naalakkersuinermik suliaqartunik kiffartuussineq suliassanillu suliaqarneq suliassarissavatit.

Attaveqaqatigiinnermut Immikkoortortaqarfiik attaveqaqatigiinnerup qanoq isikkoqarnissaanik pilersaarusiornermut peqatigitillugu, politikerinut inassuteqaateqartartussaavoq aammalu inatsisiliornermut toqqaannartumik toqqaannanngitsumilluunniit sunniuteqaqataasartussaalluni. Silaannakkut angallassinermut fuldmægtigitut suliassaqarfiup tiguneqarsimannginnera, inatsisiliornermullu oqartussaaffiup Danmarkimiit tiguneqarsimannginnera ilisimaarisussaavat. Kiisalu namminersorlutit suliassaqarfiit pitsannguiffiusinnaasut naammassisaqarfiusinnaasullu ujartortassavatit, kiisalu nammineerlutit misissueqqissaartarnikkut naliliisarnikkullu aaqqiissutissanik siunnersuuteqarfigisassallugit.

Silaannakkut angallassinermut fuldmægtigitut suliassat assigiinngitsorpassuit ataatsikkut ingerlattassavatit, naalakkersuinikkut aammalu aaqqissuussaanerit akimorlugit suliaqartut akornanni sulissallutit, suleqatit sungiussisimasumik ataqqinnittumillu suleqatiginissaat isumagissallugu, kiisalu minnerunngitsumik aalajangersimasunik iliuuseqarnikkut siunissamut ungasissumut siunnerfiit takusinnaassallugit naammassisinnaassallugillu.

Tamatuma peqatigisaanik suliassat ingerlatsinermut tunnganerusut, soorlu timmisartuussinissamut akuersissutinik qinnuteqaatinik suliaqartarneq, saaffiginnissutinut akissuteqartarneq aamma tusarniaanernut, Kalaallit Nunaanni silaannakkut angallassinermut attuumassutilinnut akissuteqartarneq isumagissavatit.
 

  • Danskit kalaallillu suliassaqarfimmut politikkiisa inatsisaasalu akornanni oqimaaqatigiissitsinissaq paasisimaaraat, aammalu aaqqiissutissanik eqqortunik nassaarsinnaallutit.
  • Ilisimasat pisariusut pissarsiaqarfigisinnaanissaat piginnaaneqarfigaat, aammalu oqaatsit paasiuminartut atorlugit apeqqutit pisariusut ingerlateqqissinnaallugit.
  • Namminersorlutit sulisinnaavutit, kisiannili aamma qaqugukkut immikkoortortaqarfimmi suleqatitit suleqatigisinnaallugit, kiisalu teknikkikkut pisariusunik suliaqarsinnaallutit ilisimannillutillu ilisimaaraat.
  • Ataatsimut isigalugu silaannakkut angallassinermut suliassanik misilittagaqarputit ilisimaarinnillutilluunniit, tassungalu ilanngullugu silaannakkut angallassineq suliassaqarfiillu attuumassuteqartut, tamannali piumasaqaataanngilaq.

Atorfimmi ilinnut piginnaasannullu annertuunik piumasaqarfigineqartarneq misigisassavat. Sulianut annertuumik piginnaaneqarnerup saniatigut inuttut arlalinnut piginnaaneqarnissat naatsorsuutigaarput, tassungalu ilanngullugu mikisualunnut paasinnissinnaanerup, suliassanik naammassinninniarnermi annertuumik namminersornermik akuutitsinermi, aammalu ataatsimoorluni anguniagaqarnerup suleqatigiinnerullu akuleriillutik iluaqutissartaannik takunnissinnaanerup akornanni oqimaaqatigiissitsisinnaassallutit.
Ileqqorissaarlutit pingaartorsiornak qungujulaarlutillu ulloq suliffik ingerlatassagit.

Pingaarnerpaatut  nunatta attaveqaqatigiinnerup tungaasigut suliaqarnitsinni allannguinissamut tapersiilluarnissamullu piumassuseqassutit. Ulluinnaat ulapaarfiusut, suliassanik paasisimaarinniffigisinnaasatit isumassarsiannillu piviusunngortitsivigisinnaasatit iluarisarpatit.

Neqeroorutigaavut
Suliat avatangiisini ulapaarfiusuni suliatigullu unammillernartuni ingerlanneqarput, tassanilu sulinermik nuannarisaqarneq akisussaaffeqarnerlu angusanik pitsaasunik, tulluusimaarutigisinnaasatsinnik inerneqartarput.

Ataatsimooqatigiinneq pitsaasuuvoq pingaartorsiorfiunanilu, aammalu ulluinnaat amerlanertigut ulapaarfiusut isumagissaarnermik sunnersimaneqartarput. Suliffeqarfiuvugut inissaqartitsiviulluartoq, suleqatigiit nuannersumik ataatsimoorfigisaat aammalu sulinerup iluani ilaqutariittullu inuunerup ataqatigiinnissaannik ataqqinniffiusoq.

Tusarfiginissat qilanaaraarput, aammalu Kalaallit Nunaanni naalakkersuisuni sulineq, attaveqaqatigiinnermut immikkoortortaqarfiup suliai sullivippullu pitsaasoq pillugit paasissutissanik tunniussinissamut piareersimavugut.

www.naalakkersuisut.gl aqqutigalugu Kalaallit Nunaanni Namminersorlutik Oqartussani sulineq pillugu isumassarsiorsinnaavutit paasisaqarsinnaallutillu.
 

Aningaasarsiatigut atorfinitsitaanermilu atugassarititaasut
Atorfik fuldmægtigitut imaluunniit AC-fuldmægtigitut inuttassarsiuunneqarpoq. Kalaallit Nunaanni Namminersorlutik Oqartussat aamma kattuffiup isumaqatiginninniarsinnaatitaaffiusup ilaasortaaffigisap akornanni isumaqatigiissutit naapertorlugit atorfinitsitsisoqassaaq.

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Ulloq atorfiniffissaq
1. marts 2020, isumaqatigiissuteqarnikkulluunniit.

Piffissaq suliffissaq
Sapaatip akunneranut nal. ak. 40-t

Ulloq qinnuteqarnissamut killigititaq
15. januar 2019

Ulloq atorfinitsitsinissamut atatillugu oqaloqatiginniffiusussaq
Sap. ak. 4 aamma 5

Soqutiginnippit?
Apeqqutissaqaruit allaffimmi pisortaq Baldur av Skarði, baos@nanoq.gl, tlf: +299 34 69 59-imut attaveqarfigisinnaavat.