Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Attaveqaqatigiinermut Immikkoortortaqarfimmi silaannakkut angallannermut nalunaarasuartaatitigullu attaveqaqatigiinnermut allaffimmi sulisussamik

Namminersorlutik Oqartussat

Nuuk
11-05-2020
Piffissaq atuuffissaa naassaaq: 03-06-2020
Suliffissamut ID normut: LJA-80254337
Suliassaqarfik: Assartuussineq & ingerlasussanik piareersaaneq

Kalaallit Nunaanni attaveqaatit ineriartupiloorput – aammalu attaveqaqatiginnermut immikkoortortaqarfik ulappuffiuvoq.

Silaannakkut angallannermut nalunaarasuartaatitigullu attaveqaqatigiinnermut allaffimmi sulisussamik pissarsiorpugut. Allaffimmi silaannakkut angallannermi, angallassinermi nalunaarasuartaatitigullu attaveqaqatigiinnermi suliassat suliarineqarput.

Allaffik ulluinnarni ulappuffiuvoq, suliassallu assigiinngitsorpassuullutik. Matumani atorfik pissanganartoq, suliassaqarfimmi tamanit eqqumaffigineqartumi inissisimasoq pineqarpoq.

Atorfik pillugu nassuiaatit
Silannakkut angallannermut nalunaarasuartaatitigullu attaveqaqatigiinnermut allaffik attaveqaqatigiinnermut immikkoortortami, Ineqarnermut Attaveqaqatigiinnermullu Naalakkersuisoqarfimmi immikkoortortat sisamaasut ilaanni allaffiit marluusut aappaaniippoq.

Allaffik silaannakkut angallannermi, mittarfeqarnermi, angallassinermi nalunaarasuartaateqarnermilu pilersaarusiornermi, ataqatigiissaarinermi suliaqarnermilu suliassanut tamanut akisussaasuuvoq. Aamma attaveqaqatigiinnermut immikkoortortaqarfimmi misissueqqissaarnermi suleqatigiit, immikkoortortaqarfimmi allaffiit marluusut akornanni suliassat akimorlugit suliaqartut allaffimmiipput.

Allaffiup suliassai politikkikkut eqqumaffigineqartorujussuupput aammalu tamanit tusagassiortunillu soqutigineqarlutik. Aaqqiissutissat suleqataaffigisagut innuttaasut tamarmik ulluinnarni inuunerannut pingaaruteqartorujussuupput nunatsinnilu annertusaaffiusinnaasut tamakkiisumik piviusunngortinneqarnissaannut pingaaruteqarlutik.

Allaffimmi sulisutut politikkikkut sullissinerit suliassanillu suliaqarnerit, politikerit kalaallit attaveqaataat pillugit paasissutissiiviusumik tunngaveqarlutik aalajangiisinnaanissaannut qulakkeerisussat suliarissavatit.

Tamatuma peqatigisaanik allaffimmi attaveqaatit qanoq isikkoqarnissaat pilersaarusiorneqartarput, politikerinut inassuteqaatit suliarineqartarput inatsisiliallu toqqaannartumik toqqaannanngitsumilluunniit sunniuteqarfigineqartarlutik. Allaffimmi sulisutut silaannakkut susassaqarfiup akisussaaffiginerata tiguneqarsimannginnera, taamaattumillu suliassaqarfimmut inatsisiliornissamut piginnaasaqarneq Danmarkimiimmat eqqumaffigissavat. Namminersorlutit suliassaqarfiit pitsannguiffigineqarsinnaasut iluarsiivigineqarsinnaasullu ujartortassavatit, kiisalu nammineerlutit misissueqqissaareernikkut nalileereernikkullu aaqqiissutissanik siunnersuuteqartassallutit.
 
Suliassatit pingaartumik silaannakkut angallannermut angallassinermullu tunngasuussapput, aammalu suliassanik assigiinngitsunik amerlasuunik ataatsikkut ingerlatsisinnaassaatit, politikkikkut suliasaqarfimmi sulisinnaassaaatit aammalu aaqqissuussaanermi suliassaqarfiit akimorlugit sulisinnaassallutit. Suleqatigisanut suliassanut naleqquttumik ileqqorissaartumillu suleqateqarsinnaassaatit, kiisalu minnerunngitsumik iliuutsini aalajangersimasuni siunissamut ungasissumut isigisinnaassaatit suliaqarsinnaassallutillu.

Taakkununnga peqatigitillugu suliassanik ingerlatsinermut tunnganerusunik suliaqassaatit, soorlu timmisartuussinissamut akuersissuteqartoqarnissaanik qinnuteqaatinik suliaqarneq, angallassisunik suliaqartunik suleqateqarnermik ingerlatsiinnarnissaq, saaffiginnissutinut tusarniaanernullu akissuteqartarnerit, Kalaallit Nunaanni silaannakkut angallassinermut attuumassuteqartunut akissuteqartarnerit.
 

  • Ilisimasassanik pisariusunik pissarsisinnaavutit aammalu ajornartorsiutit pisariusut oqaatsit paasiuminartut atorlugit ingerlateqqissinnaallugit.
  • Ilinniartitaanikkut tunuliaquttatit qitiutinneqanngillat. Kisiannili misilittagaqarnissat kiisalu allaffimmi suliassaqarfinnut soqutiginninnissat pisariaqarpoq.
  • Danskit kalaallillu suliassaqarfimmut politikkiisa inatsisaasalu akornanni oqimaaqatigiissitsisinnaaneq paasisimaarissavat, aammalu aaqqiissutissanik eqqortunik nassaarniarnermi suleqataasinnaassallutit.
  • Namminersorlutit sulisinnaavutit, kisiannili aamma qanoq ilillutit immikkoortortaqarfimmi suleqatinnik allanik suleqateqartarnissaq ilisimaarissavat, kiisalu najoqqutassanik teknikkikkut pisariusunik suliaqarnissamut pikkorissuussaatit paasisimaarinnissallutillu.
  • Ataatsimut isigalugu silaannakkut angallannermit misilittagaqassaatit ilisimaarinnissallutilluunniit, tassungalu silaannakkut angallannermi suliassaqarfik suliassaqarfiilluunniit assingusut ilaatinneqarput, tamannali piumasaqaataanngilaq.
  • Politikkikkut aqunneqartumik suliffeqarfimmi sulinermik misilittagaqartuussaatit

Atorfimmi ilinnut piginnaasaqarfinnullu annertuumik piumaffigineqartarneq misigisassavat. Suliatigut qaffasissunik iginnaasaqarnerup saniatigut inuttut piginnaasanik arlalinnik, taakkununngalu immikkoortut akornanni oqimaaqatigiissinnaanissamik paasisimaarinnissinnaaneq ilanngullugu peqassasutit, suliassanik suliaqarnermi annertuumik namminersorsinnaanermi iluaqutissanik aammalu ataatsimoortumik anguniagassanik suleqatigiinnissamillu ataatsimoortitsisarnerup iluaqutissanik takunnissinnaassasutit naatsorsuutigaarput.

Pingaarnertut kalaallit attaveqaataannik suliaqarnitsinni allannguinissamut tapersiilluarnissamullu piumassuseqassaatit. Ulluinnaat ulapaarfiusut iluarisimaartarpatit, tassanilu suliassanik paasisimaarinnissinnaassaatit isumassarsiatillu timitalersinnaassallugit.

Neqeroorutigaavut
Sulineq avatangiisit ulapaarfiusut suliatigullu unammillerfiusut atorlugit ingerlanneqartarpoq, tassanilu sulianik nuannarinninneq akisussaaffeqarnerlu angusassanut pitsaasunut, tulluusimaarutigisinnaasatsinnut ilaapput.

Sulisut akornanni pissuseqarneq pitsaasuuvoq pingaartorsiorfiunanilu, aammalu ulluinnarni sulineq, amerlanertigut ulappuffiusoq isumagissaarfiuvoq. Suliffeqarfiuvugut inissaqartitsiviulluartoq, suleqatigiit akornanni ataatsimoorfiusoq aammalu sulinerup ilaqutariittullu inuunerup ataqatigiinnissaannik ataqqinniffiusoq.

Tusarfiginissat qilanaaraarput, aammalu Kalaallit Nunaanni naalakkersuisuni sulineq, attaveqaqatigiinnermut immikkoortortaqarfiup suliai aammalu suliffeqarfipput iluarisimaarnartoq pillugu paasissutissiinissamut piareersimavugut.

Namminersorlutik Oqartussani sulineq pillugu uani isumassarsiorsinnaavutit paasisaqarsinnaallutillu: www.naalakkersuisut.gl.
 
Aningaasarsiatigut atorfinitsitaanermilu atugassarititaasut
Atorfik fuldmægtigitut imaluunniit AC-fuldmægtigitut inuttassarsiorneqarpoq. Atorfinitsitsinissaq Namminersorlutik Oqartussat kattuffiullu ilaasortaaffigisap isumaqatiginninniarsinnaatitaasup akornanni isumaqatigiissutit naapertorlugit pissaaq.

Aalajangersimasumik nalileereernermi qinnuteqartumik naleqquttumik, ukiuni arlalinni misilittagaqartumik atorfinitsitsinermi immikkut ittuumik siunnersortinut atugassarititaasut malinneqassapput.

Atorfimmi sulisunut inissiamik innersuussisoqassanngilaq. Qinnuteqartoq Namminersorlutik Oqartussani atorfeqarnini tunngavigalugu sulisunut inissiami najugaqareersimappat, sulisunut inissiamut innersuunneqarsinnaatitaaneq pigiinnarneqassaaq. Sulisunut inissiaq Namminersorlutik Oqartussani atorfeqarnermut atasuuvoq, aammalu atorfeqarnerup atorunnaarnerani qimanneqartussaalluni.

Ulloq atorfiniffissaq
1. juli 2020 isumaqatigiissuteqarnikkulluunniit.

Piffissaq suliffiusussaq
Sapaatit akunnerannut nalunaaquttap akunneri 40-t.

Ulloq qinnuteqarnissamut killissarititaasoq
2. juni 2019.

Ulloq atorfinitsitsinissamut atatillugu oqaloqateqarfiusoq
Oqaloqatiginninnerit nalilersorneqaatigalutik ingerlanneqartassapput.

Soqutiginnippit?
Apeqqutissaqaruit allaffimmi pisortaq Jonas Smed Sørensen, oqarasuaat: +299 34 52 53-imut attaveqarfigisinnaavat.