Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aasiaat søger socialhjælper/barnehjælper til Vuggestuen Váva

Kommune Qeqertalik

Aasiaat
21-10-2020
Piffissaq atuuffissaa naassaaq: 26-11-2020
Suliffissamut ID normut: LJA-81294973
Suliassaqarfik: Allat

Isumaginninnermi ikiortitut / meeqqanik paarsisartutut atorfik inuttassarsiugaq

 

Kommune Qeqertalik, Aasiaat, meeraaqqerivik ”Vaava” isumaginninnermi ikiortimik / meeqqanik paarsisartumik  1 december 2020 imaluunniit isumaqatigiissuteqarnikkut atorfinittussamik pissarsiorpoq.

Meeraaqqerivimmi pissutsit:

Meeraaqqerivimmi atorfik tamakkiisumik suliffiuvoq sap.ak. nal.ak. 40-t. Meeraaqqerivik meeraaqqanut 36-nut inissaqartitsivoq.

Meeraaqqeriviup ammasarfigai ataasinngornermiit tallimanngornermut 06.30 – 17.00. Arfininngornikkut matoqqasarpoq.

Meeraaqqerivinni ingerlatsineq INUIT Immikkoortortaqarfiup ataani inissisimavoq. Arne S. Reimer-lu ataqatingiissaarisuuvoq.

Qinnuteqartussamut piumasaqaatit:

Isumaginninnermi ikiortitut ilinniagaqarsimasuunissaq, akisussaassuseqarluartoq, suliumassuseqarluartoq suliffimmullu tunniusimalluartoq, suliffimmut ilisimasaqarluartoq, ulapaarfiusumi eqqissisimasumik ingerlatsisinnaasoq, suleqatigiuminartuusoq, akuersaartoq aalajaatsorlu. Timikkut tarnikkullu peqqissuuneq, paaqqinnittarfiup anguniagai iliuuserisassatullu pilersaarutai kiisalu malittarisassat assigiinngitsut Kommune Qeqertalimmut atuuttut naapertorlugit sulinissamut piareeqqasoq.

Qinnuteqartut kalaallisut qallunaatullu oqalussinnaasut piumaneqarnerussapput.

 

Sulinerup iluani ilinniaqqinnissanut assigiinngitsunut peqataatinneqartassaatit.

 

Akissarsiat atorfeqarnermilu atugassat:

Atorfinitsitsineq Kalaallit Nunaanni Naalakkersuisut SIK-llu akornanni isumaqatigiissutit atuuttut tunngavigalugit pissaaq. Aamma atorfinitsitsineq isumaqatigiissut ilinniagaq apeqqutaalluni atuuttoq tunngavigalugu pisinnaalluni.

 Atorfinnut tunngasunik erseqqinnerusumik paasisaqarusukkuit ”Vaava”-mi pisortamut Laila S. Samuelsen oqarasuaat 89 47 93 sianernikkut paasiniaasoqarsinnaavoq.

Suliffimmut atatillugu

inissaqartitsisoqanngilaq.

 

Pisortatigoortumik pillagaasimannginnerup allagartaa aammalu meeqqanut allagartaq naammaginartumik naammassisimagaanni atorfinitsinneqarneq pisarpoq, taakkua atorfinitsinneqartussamut neqeroorfigineqartumit akuersissummik pereernikkut sulisitsisumit rigspolitinut piniarneqartarput.

 

Qinnuteqaatit, ilinniarsimanermut uppernarsaatit, siusinnerusukkullu sulisimanermut uppernarsaatit ilanngullugit qinnuteqarfissap ullua qaangiutinnagu nassiunneqqassapput.