Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Avannaata Kommunia søger Sekretariatschef

Avannaata Kommunia

Ilulissat
23-03-2021
Piffissaq atuuffissaa naassaaq: 13-04-2021
Suliffissamut ID normut: LJA-81865957
Suliassaqarfik: Allaffik & allaffissorneq, Aqutsineq

Avaannata Kommunia 1. maj 2021 aallarnerfingalugu isumaqatigiissuteqarnikkulluunniit nukittuumik piukkunnaatilimmillu allattoqarfimmi pisortassarsiorpoq. Atorfik Ilulissani qitiusumik allaffeqarfimmi inissisimavoq.

 

Allattoqarfimmi pisortatut politikkikkut aalajangikkat attanneqarsinnaasumik pitsaasumillu aaqqiissutinngortillugit iliuusinngortissinnaassavatit, aqutsisullu ilagalugit kommunimi ineriartornermut siuttooqataassallutit. Taassuma saniatigut borgmesterip kommunalbestyrelsillu allaffissornikkut ingerlaavartumik sullinneqarnerat akisussaaffigissavat.

 

Borgmesterip Allattoqarfiani allaffimmi pisortatut inussiarnersumik kikkunnik tamanik oqaloqateqarnikkut oqartussaassuseqarlutit annertuumillu ataatsimut isiginnissinnaassuseqarlutit atuuffimmi soqutigisaqaqatigiit aamma suleqatigisat eqimattat inuillu ataasiakkaat assigiinngitsorpassuusut ataatsimut atuuffigissavatit. Aaqqissuussaaneq akimorlugu tatiginnilluni attaveqaatit pilersissavatit, ajunngitsussaq anguniarlugu aaqqissuussaaneq unammillissavat suliassanullu pitsaasumik nutaaliornermillu takutitsissallutit.

 

Allattoqarfimmi atorfillit allat peqatigalugit ataqatigiisitsissaatit, patajaatsumik suliatigullu toqqammaveqarluartumik borgmestererput pisortaanerpullu suleqatigiinnermik nukittuumik toqqammavileeqataaffigissavatit.

 

Atorfiup imarisai:  

 

Suliassatit atuuffitillu tassaassapput:

  • Borgmesterimut, kommunalbestyrelsimut, pisortaanermut, politikerinut aqutsisunullu aalajangernissamut tunngaviusut pitsaasut qulakkeernissaat
  • Borgmesterip Allattoqarfiata aqutsisut suleqatigalugit politikkikkut qitiutitsinissaanik aamma politikki allattoqarfillu akimorlugit atuutsitsilernissamut pilersaarutit ineriartortinnissaasa qulakkeernissaat.
  • Borgmesterip allaffiani suliassat eqqortumik pingaarnersiorneqarnissaasa qulakkeernissaat.
  • Borgmesterimut sulianik qaffasissumik siunnersuinermillu qulakkeerineq, tassunga ilanngullugu borgmesterimut pilersaarutip atuutsilernissaa.
  • Sulinermi attaveqaatit aammalu sulinermi ataqatigiissaarisut akornanni ersarissumik sulinermi attuumassuteqarfigisat qulakkeernissaat.
  • Suliniutini aalajangersimasuni suliassaqarfinnik ataasiakkaanik ikorfartuineq.
  • Kommuni inoqarfiit suleqatigalugit ataqatigiinnermik ataatsimoorlunilu paasinninnermik siunertaqartumik qulakkeeriniarluni qanimut suleqateqarneq.
  • Politikkikkkut ataatsimiinnerit ataqatigiissarnissaat, tassunga ilanngullugit pisortaaneq qanimut suleqatigalugu ataatsimiititaliat akornanni suleqatigiinnerup nukittorsarnissaa.
  • Suliniutinik siulersuineq aamma aqutsineq, kiisalu isummat aalajangiussallu iliuuseqarnermut, isummanut atuutsinneqarsinnaasunngortinnerat ineriartortinnerallu.
  • Toqqortaatit- aamma Inunnik paasissutissanik suliarinnitaarneq pillugit inatsisit malittinneqarnissaasanik qulakkeerinninneq.

 

Ilisarnaatigisassatit

 

Piukkunnartoq eqqortoq imatut piginnaaneqarpoq:

  • Suliamut pineqartumut ingerlaqqittumik ilinniagaqarsimasoq
  • Politikikkut aaqqissuussaasumik siulersorneqartumi aqutsinermik sulinermillu  misilittagaqarneq
  • Misissueqqissaarinissamut piginnaasaqarluarneq
  • Suleqatikkuminarneq, ammasuuneq sungiussiasuunerlu.
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit
  • Suliniuteqarsinnaassuseqarluartoq, iliuuseqarsinnaassuseqarluartoq nammineersinnaassuseqartorlu
  • Allarpassuarnik suliaqaraluarlutit pisunut assigiinngitsunut malinnaalluarsinnaasutit
  • Inuttut tatitunissat
  • Aaqqissuussaanermi ineriartortuartumi allanngorartuartumilu politikkikkut aalajangernernik paasiuminaatsunik iliuusinngortitsisinnaasoq.

 

Neqeroorutigaagut.

 

Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq.    Inuttut sulinikkullu ineriartornissamut periarfissaqarluarpoq aamma atorfimmut suliffimmullu patajaatsumik sungiussiartornissat pingaartipparput. Tamakkununnga ilanngullugu aqutsisunik qanimut suleqateqarnissaq aamma suleqatinik ikorfartoqateqarnissaq kiisalu suliniuteqarnissap nutaaliornissallu inissaqartuarnissai anguniartuarparput.

 

Aningaasarsiat atorfinitsitaanermilu atugassarititaasut

 

Akissarsiat atorfeqarnermilu atugassarititaasut, atorfeqarnermi soraarnermilu angalanissamut pisattallu nassiunneqarnerannut sulisitsisumit akilerneqarsinnaatitaanermut malittarisassat uani ilaapput, taakkua Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.

 

Inimik atorfeqarnernut atasumik pisataqanngitsumik innersuunneqarnissarnut malittarisassat qaqugukkulluunniit atuuttut naapertorlugit periarfissaqarputit. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik.

 

Ini atorfeqarnerni innersuussaq suliunnaaruit qimattussaassavat. Sulisutut inissamik innersuunneqarnissaq sivisuumik utaqqinarsinnaavoq, taamaattumik inimik utaqqiisaagallartumik najugarisassamik atugassiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfiup inissiaataanut inissiisoqarallarsinnaalluni.

 

Qinnuteqartarneq:

 

Qinnuteqaat, aamma ilinniarsimasanik siusinnerusukkullu suliffigisimasanik, soraarummeersimanermut pappiaqqanik ilallugit il.il., ingerlanneqassaaq "Atorfik una qinnuteqarfigiuk" toorlugu

 

Atorfik pillugu paasissutissat sukumiinerusut ukununnga saaffiginninnikkut pissarsiarineqarsinnaapput: Nick Nielsen nick@avannaata.gl tlf. 38 76 05 immaqaluunniit mobil 55 05 75