Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kontorfuldmægtig til Qeqqani MISI

Qeqqata Kommunika

Sisimiut
16-06-2021
Piffissaq atuuffissaa naassaaq: 07-07-2021
Suliffissamut ID normut: LJA-82261243
Suliassaqarfik: Allat

Qeqqani MISI susassaqarfiuvoq siunnersuillunilu aqqutissiuisartoq, meeqqanut inuusuttunullu 0 - 18 ukiulinnut sullissisuusoq angajoqqaat, atuarfiit meeqqeriviillu suleqatigalugit.

 

Meeqqat inuusuttullu atugarissaarnissamut, ineriartornissamut ilikkagaqartarnissamullu periarfissaannik qaffassaanissaq suliatsinnut siunertaavoq.

 

Qeqqani MISI akimortumik suleqatigiiffiuvoq ukuninnga inuttaqartoq tarnip pissusaanik ilisimasallit, perorsaanikkut tarnikkullu siunnersortit, oqallorissaasoq kiisalu allaffimmi ikiortaaneq. Taakku atugassarititaasunut Sisimiuni immikkoortortami Maniitsumilu immikkoortortami taakkununngalu nunaqarfiit attuumassuteqartunut arfinilinnut agguataagaapput.

Pisariaqarfiani annertulaartumik angalasoqartarsinnaavoq.

 

Qeqqani MISI allaffimmi fuldmægtigimik ima piginnaasalimmik pissarsiorpoq:

  • Allaffimmi suliassat pingaarnerit akisussaaffigalugit
  • Missingersuutinik siunnersuutinut aammalu Qeqqani MISI’p ingerlatsinermi naatsorsuutai ataavartumik tamakkiisumik takusinnaanissaat akisussaaffigalugu
  • Nammineerluni sulisinnaasoq, suliamik aallartitsisinnaasoq, ineriartortitsinissamik pingaartitsisoq minnerunngitsumillu suleqateqarluarsinnaasoq inunnillu allanik akuersaartuulluni isiginnittariaasilik
  • Suliat pillugit tulleriiaarnerit aammalu suliat pillugt ataatsimiinnerit akisussaaffigalugit
  • MISI-mut innersuutit tamaasa aammalu oqarasuaat akisussaaffigalugu
  • Kalaallisut qallunaatullu annikitsumik oqaluttaasinnaalluni
  • Qeqqata Kommuniani meeqqanik inuusuttunillu sullissinermi anguniagalimmik ineriartortitseqataaneq.
  • Aalajangersimasumik periuseqarluni aammalu inunnut paasissutissat mianernartut inississortarlugit

Neqeroorutit:

  • Suliffik sapaatip akunneranut akunnerni 40-ni suliffiulluni uummaarissoq ammasorlu.
  • Suliffik allanngorartoq pissanganartorlu sunneeqataaffigisinnaasat
  • Suliffik assigiinngitsunik unamminartulik inuttullu ineriartorfigisinnaasat
  • Suliffik pitsaasoq sulianut ilisimasanik pingaartitsisoq

 

Qinnuteqartoq eqqortoq tassaavoq:

  • Allaffissornermut ilinniarsimasuusutit qarasaasialerinermullu ilisimasaqarluassasutit
  • MISI-mut atuisunut meeqqanut, inuusuttunut, ilaqutariinnut aammalu sulianik ilisimasalinnut sullissinissamik pingaartitsisuusutit
  • Suliffimmi suliassanut tunngatillugu eqaatsuuneq
  • Marluinnik oqaasilik – kalaallisut/qallunaatullu
  • Tatitooq, suliassallu assigiinngitsorpassuit eqqarsaatigalugit nammineerluni eqaatsumillu sulisinnaasoq

Akissarsiat sulinermilu atugassarititaasut:

Naalakkersuisut S.I.K-llu akornanni isumaqatigiissutit qaqugukkulluunniit atuuttut naapertorlugit akissarsiat atorfinitsitaanermilu atugassarititaasut inissinneqassapput.

Inissaqartitsisoqarsinnaavoq malittarisassallu atuuttut naapertorlugit akiliuteqartoqartassalluni.

 

Meeqqanik pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

 

Piaartumik isumaqatigiissuteqarnikkulluunniit atorfinitsitsisoqassaaq.

Atorfik pillugu paasissutissat sukumiinerusut Atuarfimmi tarnip pissusaanik immikkut ilisimasalik Marianne L. Olsen, oqarasuaat (+299) 38 12 40 email: olsm@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik nassiunneqassapput.