Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik Ilinniartitaanermut immikkoortortaqarfimmut AC-fuldmægtigimik / Immikkut siunnersortimik pissarsiorpoq

Namminersorlutik Oqartussat

Nuuk
29-07-2021
Piffissaq atuuffissaa naassaaq: 24-08-2021
Suliffissamut ID normut: LJA-82453304
Suliassaqarfik: Allaffik & allaffissorneq

Ilinniartitaanermut tunngasunik aallutaqarusuppit? Kisitsisinik, aningaasaqarnermut missingersuutinillu tunngasunik suliaqallaqqissuuvit aammalu ilinniartitseriaatsitsinnik pitsaanerusunngortitsinissamut suliaqaqataarusuppit.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi Ilinniarnertuunngorniarfimmi suleqatigiinnut pikkorissumik nutaamik suleqatitaassarsiorput

Ilakkuminarlutit suleqatigiinnermik aallutaqassaatit, politikkikkut aaqqissuussamik sulinermik misilittagaqarsinnaallutit, missingersuinermi aningaasaqarnermillu sulinermik pikkoriffeqarlutit, tunngaviusumillu kisitsisilerinermik suliaqarnermik nuannarisaqarlutit.


Ulloq atorfiniffissaq tassaavoq oktobarip aallaqqaataa isumaqatigiissuteqarnikkulluunniit.

Atorfik pillugu

Ilinniartitaanermut, Kultureqarnermut Ilageeqarnermullu Naalakkersuisoqarfik ilinniarnertuunngorniarnermut suliaqartunut ilanngussaatit, suleqatigiit maanna pingasut tassani sulisarput. Ilinniarnertuunngorniarneq (GUX) allanngoriartuinnaavippoq. Ineriartornerlu taanna ilinniarnertuunngorniarfiit sisamaasut susassaqartullu allat qanimut suleqatigalugit pivoq. Suleqatigiinni suliat suliarineqartartut nikerartarput, tassaasinnaallutillu ingerlatsinermi suliassat, ineriartortitsineq, sullissineq aammalu inatsisinik atulersitsineq.

Naalakkersuisoqrfik taamaammat siumut isigisumik suliassaqarfiup ingerlatiinnarnissaa qulakkeerniarlugu suleriaatsinillu atortunillu inerisaaqataasinnaasumik suleqatissarsiorpoq ilinniarnertuunngorniarfinnut suleqatinillu tunngasunik piorsaasussamik.

Pingaarnertut akisussaaffeqartumik suliassatit makkuussapput:
 

  • Ilinniarfeqarfinni ulluinnarni allaffissorneq ingerlatsinerlu
  • Ilinniarnertuungorniarfinnut qitiusumik ilinniartitseqqitsisarnertigut suliniutinik ataqatigiissaarisarnerit piareersaasarnerillu
  • Ilinniarfimmut immikkoortortami susassaqartut tamaasa peqataatillugit aningaasaqarnermut inatsimmik suliaqarnermi ataqatigiissaaraluni suleriaatsinillu ineriartortitsilluni.
  • Ilinniarnertuunngorniarnermut tunngasut pillugit suleqatigiit suliffiup iluani missingersuutinut tunngatillugu sulianik ingerlatsinernik ineriartortitsisarneq ataqatigiissaarisarnerlu
  • Ilinniartitaanermik ingerlaavartumik nalilersuinermut peqataasarneq
  • UWC-mi (united world colleges) ilinniarnermi tapiissutinut tunngatillugu Naalakkersuisoqarfiup suliassaanik ataqatigiissaarinermik qulakkeerinninneq
  • Naalakkersuisunik kiffartuussinermut tunngatillugu sulianik qulakkeerinneqataaneq
  • Ilinniarnermut atatillugu Ad hoc-imi suliassat

Kissaatigaarput, illit:
  • Kanditateqarfigalugu aningaasaqarnermut suliaqarnermut tunngasunik ilinniagalik, ass.  cand.oecon, cand.polit eller cand.merc, assigisaaluunniit
  • Politikkimut tunngasuni aaqqissugaasumi suliaqarnermik misilittagaqarneq
  • ilinniarnertuunngorniarfinnik ilinniartitaanermullu tunngasut tamaasa ataatsimut isigalugit ilisimasaqassasutit
  • inuiaqatigiit kalaallit pillugit sukumiisumik ilisimasaqassasutit
  • aningaasaqarnermik naatsorsueqqissaarnermilu suliaqartarnermik ilisimasaqarluartutit
  • nammineq sulisinnaassasutit aaqqissorluakkamillu suleriaaseqassasutit
  • sulianik ilungersunartunik ataqatigiissitsisinnaasutit
  • Suliassanik piffissaliussat eqqorlugit tunniussisartuussasutit
  • Suleqatigiinnernik oqaloqatigiinnernillu pingaartitsisuussasutit

Aningaasarsiaqartitaanermi atorfeqartitaanermilu atugassarititaasut:
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfik immikkut ittumik siunnersortitut inissiffissamik periarfissalerlugu inissiffissalerlugu inuttassarsiorneqarpoq. Immikkut ittumik siunnersortitut inissiffissalerlugu neqeroorutigineqarsinnaavoq, qinnuteqartoq eqqortunik uppernarsarneqarsinnaasunik piginnaasaqarpat.

Sap.  akunneranut 40 tiimit suliffiusassapput


Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Paasissutissat sukumiinerusut
Atorfik pillugu paasisaqarnerorusukkuit, Immikkoortortaqarfimmi pisortaq Dorthe Bidstrup +299 34 57 23 attavigiuk imaluunniit uunga mailimik allagit dbip@nanoq.gl.

Namminersorlutik Oqartussat pillugit annertunerusumik paasissutissat, www.naalakkersuisut.gl aqqutigalugu takukkit


Qinnuteqarneq
Qinnuteqarnissamut killissaritinneqarpoq ulloq  24/8 - 2021