Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Sanaartornermut Immikkoortortaqarfimmi AC-fuldmægtigi

Namminersorlutik Oqartussat

Nuuk
29-07-2021
Piffissaq atuuffissaa naassaaq: 24-08-2021
Suliffissamut ID normut: LJA-82454629
Suliassaqarfik: Allaffik & allaffissorneq

Sanaartornermut Immikkoortortaqarfik ulluinnarni ulapaarfiuvoq, assigiinngitsorpassuarnik suliassaqarfiulluni, taamaattumillu AC-fuldmægtigimik pikkorissumik tunniusimasumillu pissarsiorpugut. Matumani immikkoortortaqarfimmi atorfik arlalinnik akisussaaffeqarfiusoq, tamanit aammalu politikkikkut eqqumaffigineqartoq pineqarpoq.

Sanaartornermut Immikkoortortaqarfimmi Qitiusumik Sanaartornermi Oqartussaasut, Namminersorlutik Oqartussat sanatitsissutut inissisimanerat, Namminersorlutik Oqartussat sillimmasiissutaannik aqutsineq, Namminersorlutik oqartussat illuutaannik pisinerit tunisinerillu, kiisalu ineqarnermut aningaasaliissutinik aqutsineq isumagineqarput ingerlanneqarlutillu. Taamatuttaaq immikkoortortaqarfimmi Naalakkersuisoqarfiup aningaasaqarnermik sulisunillu aqutsineri, kiisalu Namminersorlutik Oqartussat Sanaartugassanut Iluarsagassanullu Aningaasaateqarfiata aqunneqarnera isumagineqarput.

Tassalu immikkoortortaqarfimmi suliassat amerlasuujupput, aaqqiissutissallu suleqataaffigisagut inuiaqatigiinnut, aammalu nunatta ineriartornerani tamarmiusumi suliassarpassuit suliniuterpassuillu ineriartortitsiviusut piviusunngortinneqarnissaannut pingaaruteqarput.

Suliassatit pingaartumik immikkoortortaqarfimmi suliassaqarfinni tamarmiusuni najoqqutassanik politikkikkut suliassanik suliaqarnermut tunngasuussapput. Kiisalu qaammarsaaviusumik tunngaveqarluni politikkikkut kiffartuussinissaq anguniarlugu suliassanik suliaqaqqinnissamut tunngavissanik suliaqartassaatit. Taamatuttaaq immikkoortortaqarfimmi aaqqiissutissat digitaliusut pillugit suliaqartassaatit, taakkununngalu pingaartumik taakku pillugit isumaqatigiissusiaasut malinnaaffigineqarnissaat ilaatinneqarpoq.

Aamma suliassaqarfiit pitsannguiffiusinnaasut piorsaaviusinnaasullu nassaarisinnaassavatit, kiisalu misissueqqissaareernikkut nalileereernikkullu nammineerlutit aaqqiissutissanik siunnersuuteqarsinnaassallutit.

Suliassatit suliassaalersunut aammalu immikkoortortaqarfimmi suliassaqarfiit assigiinngitsut akornanni siunissamut ungasissumut suliassanut agguarneqassapput. Sulianik amerlasuunik ataatsikkut isumagisaqartassaatit, aaqqissuussaanermi immikkoortut akimorlugit sulisinnaassallutit.

Qinnuteqartoq piukkunnaatilik
Qinnuteqartoq piukkunnaatilik ilinniagartuutut attuumassutilimmik ilinniagaqarsimassaaq, soorlu cand.scient.pol., cand.scient.adm., cand.mag., cand.oecon. assigisaaluunniit.

  • Tulleriiaarilluinnarlutit sulisinnaavutit ilisimasassanillu katersuisinnaallutit, aammalu ajornartorsiutit oqaatsit paasiuminartut atorlugit ingerlateqqissinnaassavatit. Attaveqaqatigiinnermi piginnaanitit pingaartinneqartorujussuussapput.
  • Suleqateqarnissat siunnerfigissavat, misissueqqissaarsinnaassuseqassaatit sulininnilu angusarusussuseqassaatit.
  • Pimoorussisuussaatit – akisussaaffimmik tigusinissamut suliniuteqarnissamullu kajumissuseqassaatit piginnaaneqassallutillu.
  • Suleqateqarneq piginnaaneqarfigissavat, annerpaamilli namminersorsinnaassaatit aammalu sanaartukkat immikkoortuini tamani pitsaassutsimik siumukarnissamillu qulakkeerisinnaassallutit.
  • Namminersorlutit sulisinnaassaatit, kisiannili aamma immikkoortortaqarfimmi suleqatitit allat qanoq iliorlutit suleqatigisinnaanerlugit ilisimaarissavat, aammalu najoqqutassat teknikkikkut pisariusut pikkoriffigissallugit.
  • Ataatsimut isigalugu pisortat aqutsivianni sulineq misilittagaqarfigissavat, kisiannili aamma ilinniakkat naammasseqqammisinnaavat.
Atorfinni ilinnut piginnaaneqarfinnullu annertuunik piumasaqartoqartarnera misigisarumaarpat. Suliatigut piginnaaneqarluarnerpit saniatigut aamma inuttut piginnaaneqarfinnik arlalinnik peqarnissat naatsorsuutigaarput, taakkununngalu ilanngullugu tamanik paasisimaarinnissinnaanerpit ataasiakkaanillu paasinnissinnaanerpit akornanni oqimaaqatigiissitsisassaatit, namminersornerup ataatsimullu pilersitsisarnerup akuleriissinneqarnerini iluaqutissat takusinnaassavatit, kiisalu ileqqorissaartuussaatit, pingaartorsiortuussanngilatit aammalu piffissap suliffigisavit ingerlanerani ilaqataasinnaassallutit.

Neqeroorutigaavut
Sanaartornermut Immikkoortortaqarfimmi sulinermi avatangiisit pissanganartuupput suliatigullu unammillernartuullutik, tassanilu sulinermik nuannarisaqarneq akisussaaffeqarnerlu angusaqarluarnissamut aammalu ineriartornissamut akisussaaffeqarnissamut suliatigullu ineriartoqqinnissamut ingerlaqataallutik periarfissaqarfiulluarput.
  • Suliffeqarfik nutaaliornermik nutaanillu eqqarsarnermik aallussiviusoq
  • Naalakkersuisoqarfimmi suliffik politikkikkut aalajangiisarnermut qanilluni ingerlanneqartoq
  • Sullivimmi avatangiisit pingaartorsiorfiunngitsut ammasullu, tunniusimasunik suleqateqarfiusut
  • Inuttut suliatigullu unammilligassat pissanganartut
Ataqatigiinneq pingaartorsiorfiunngilaq, ulluinnarnilu ulapaarfiusuni isumagissaarneq sunniuteqarluartarpoq, kisiannili aamma sullivimmi inuunerup ilaqutariittullu inuunerup ataqatigiinnissaat ataqqineqarpoq.

Ulloq atorfiniffissaq
1. septembarimi imaluunniit isumaqatigiissuteqarnikkut.

Soqutiginnippit?
Apeqqutissaqaruit Immikkoortortaqarfimmi Pisortaq Embla Kristjánsdóttir attaveqarfigisinnaavat, emki@nanoq.gl.

Atorfinitsitsinissamut atatillugu oqaloqatiginninnerit ingerlaavartumik ingerlanneqassapput.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.