Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Forstanderi

Namminersorlutik Oqartussat

Qaqortoq
08-09-2021
Piffissaq atuuffissaa naassaaq: 08-10-2021
Suliffissamut ID normut: LJA-82633270
Suliassaqarfik: Aqutsineq

Qaqortumi Campus Kujalleq novembarip 1-ianiit 2021 forstanderissarsiorpoq imaluunniit tamatuma kingorna piaarnerpaamik.

Forstanderip atuarfik 400-rujunik atuartulik 75-inillu sulisulik akisussaaffigaa.

Campus Kujalleq ilinniarnertuunngorniarfeqarpoq- aamma niuernermik atuarfimmik immikkoortortaqarpoq.


Forstanderi atuarfiup siulersuisuinut akisussaasuuvoq.
Atuarfimmik pitsaasumik ingerlasumik pilersitseqataassaatit saviitsuusumik ineriartortumillu.
Forstanderitaassarput imaassaaq:

  • aqutsinermik misilittagaqassaaq
  • aningaasaqarneq aqussavaa
  • siulersuisut iliuusissatut pilersaarutaat piviusunngortissavai
  • takorluuisuussaaq
  • inuttut annertuumik sunniuteqarsinnaasuussaaq, tamakkerlugu isigisinnaasuussaaq aamma tulleriiaarisinnaasuussaaq
  • politikkimut tunngasunik suliaqarnermik misilittagaqassaaq siulersuisunut atorfilittanullu tunngatillugu
  • oqaloqatigiinnerit aqutsisullu akornanni ataqqeqatigiinneq, sulisut aamma atuartut akornanni atuarfiup takorlugai anguniagaalu nakkutigissavai
  • aaqqissuussamik ilinniarfiusumik, ilisimasaqarneq nakimaanneq atuartunik sulisunilu kulturimik ineriartorfiusumik ingerlasumik pilersitsisinnaassaaq


Akissarsiat atorfeqartitaanermilu atugassarititaasut:
Atorfik akissaateqarfimmi (LR 38-mi - INDSÆT LØNRAMME) maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Annertunerusumik paasissutissat Karsten Lyberth Klausen-imit klausen@ga.gl-imit pineqarsinnaapput.
Atuarfik pillugu paasissutissat uani takusinnaavatit www.cak.gl.