Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Genopslag Qeqertarsuaq - Leder til Familiehus søge

Kommune Qeqertalik

Qeqertarsuaq
11-10-2021
Piffissaq atuuffissaa naassaaq: 28-10-2021
Suliffissamut ID normut: LJA-82789578
Suliassaqarfik: Aqutsineq

Kommune Qeqertalik Qeqertarsuarmi Ilaqutariit Illuanni Aqutsisutut atorfik inuttassarsiuunneqarpoq ulloq 1. november 2021-imiit imaluunniit isumaqatigiissuteqarnikkut sulilersussamik pissarsiorpugut.


Ilaqutariit illuanni aqutsisutut atorfik Ilaqutariit Illuanni inissisimavoq. Inunnik isumaginnittoqarfimmi INUIT-mi aqutsisuusoq qaninnertut qullersarissavat.


Suliassaqarfiit akisussaaffiillu:

·Inunnik Isumaginnittoqarfik suleqatigalugu suliniutinik pilersaarusianik suleqataaneq.

·Meeqqanut ilaqutariinnullu tunngasuni tapersersuineq, matumani inooqatigiinnikkut perorsaanikkullu ikiuunneq aammalu ilaqutariit tarnikkut inooqatigiinnikkullu sakkussakinnerusut iliuusissatut pilersaarut malillugu tapersersuineq.

·Ilaqutariit pisariaqartitsisut tapersersorlugit, inooqatigiinnerat ulluinnarisaallu nukittorsarniarlugu, aammalu / imaluunniit inuttut nukittuffii, angajoqqaallu angajoqqaajusinnaanerat periusissatut pilersaarut malillugu nukittorsarniarlugu tapersersuineq.

·Meeraq angerlarsimaffiup avataani inissinneqarsimappat angajoqqaat aammalu angajoqqaarsiat meeqqamik paarisallit perorsaanikkut ikiorlugit.

·Inuusuttut naartusut aatsaallu anaananngortut naartuminnut pitsaasumik attaveqarnissaannut aammalu perorsaanerannik kaammattorlugit.

·Ilaqutariit inooqatigiinniarnikkut annertuunik ajornartorsiutilinnik meerartallit perorsaaniarnikkut tapersersorlugit.

·Angajoqqaat meeqqanut immikkoortortaqarfimmi paaqqinnittarfinnut attaveqarnerannut tapersersuineq, matumani pineqarput ulluunerani paaqqinnittarfiit, atuarfik, sunngiffimmi ornittakkat, isumaginnittoqarfik peqqinnissaqarfillu.

·Ilaqutariinnik siunnersuisup ilaqutariit sullitami tamatigut pulaarnerannut nalunaarusiortarneq killiffiallu pillugu nalunaarusiortarneq.

·Pisariaqartitat naapertorlugit inersimasunik meeqqanillu eqimattanngortitsilluni ingerlaartitsineq

·Pilersaarusiorluni ilaqutariinnik pikkorissaaneq

·Suliassat takkussuuttut allat suliarisarlugit

·Aningaasaqarnermik sulisunillu aqutsineq

Qulaani suliat pineqartut saniatigut Isumaginninnermi immikkoortortami aqutsisup suliareqqusai, isumaginninnerup iluani suliassat isumagisassanut ilaapput.


Piginnaasat kissaatigineqartut:

·Perorsaasutut ilinniarsimaneq imaluunniit isumaginninnermi ikiortitut ilinniarsimaneq saniatigullu meeqqanik sullitaqarnermik pikkorissarsimaneq (imaluunniit pikkorissarnernut taamaattunut peqataanissamut piumassuseqarneq)

·Meeqqanut immikkoortortaqarfimmi ilaqutariinnik siunnersuinermut sulinermik misilittagaqarneq.

·Meeqqanut innarluutilinnulluunniit immikkoortortaqarfimmi tapersersuisutut sulinermik misilittagaqarneq.

·Isumaginnittoqarfimmi sulinermik misilittagaqarneq.

·Suleqatigisanik sullitanillu suleqatiginnilluarnissamik pilersitsisinnaaneq aammalu periusissamik pilersaarut, sullissisumit akisussaaffigineqartoq malillugu naammassinnissinnaaneq.

·Periusissamut pilersaarut toqqammavigalugu nammineersinnaassuseqarneq aammalu suleqatiginnilluarsinnaaneq.

·Utaqqisinnaassuseq akaarinninnerlu. Tarnikkut nukittuneq.

·Tutsuiginarneq, tunniusimaneq akisussaassuseqarneq maligassaalluartuunerlu.

·Sullitamut attaveqarluarsinnaaneq attaveqaqateqarluarsinnaanerlu. Akerleriissutinik aaqqiillaqqinneq

·Sungiussiasoq ineriartorusussuseqarnerlu.

·Isumaginnittoqarfimmi ilaqutariinnut siunnersuisartutut, angerlarsimaffimmi perorsaasutut sulianik suleqatiginninnissamillu naammassinninnissamut maleruaqqusanik malinnissinnaaneq


Akissarsiaqartitsineq atorfinitsitsinerlu:

Akissarsiaqartitsineq atorfinitsitsinerlu pissapput kattuffimmut isumaqatiginninniarsinnaatitaasumut isumaqatigiissutit sukkulluunniit atuuttut naapertorlugit.


Atorfininnermut atasumik inissaqartitsisoqarpoq maleruagassat atuuttut malillugit. Utaqqiisaasumik ineqarallarnissaq ilimagineqarsinnaavoq.


Nikerartumik sulinissaq naatsorsuutigineqassaaq.


Naammaginartumik pinerlussimannginnermut uppernarsaat aamma meeqqanik pinerliisimannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinitsitsisussamit Naalagaaffiup politiivinut (Rigspolitiet) pissarsiarineqassapput.


Atorfik pillugu annertunerusumik paasisaqarusukkuit sullissivinni pisortaq Benedikte Mølgaard attavigisinnaavat mail: benm@qeqertalik.gl imaluunniit oqarasuaat nr. 38 72 06.


Qinnuteqarneq:

 

Qinnuteqaatinik mail-ikkut allakkatigullu tigusineq ajorpugut.

 

Qinnuteqaatit nassiuguk, CV ilinniarsimanermut –

pikkorissarsimanermut uppernarsaatit, kiisalu oqaaseqaatit assigisaallu,

”Atorfik una qinnuteqarfigiuk” toorlugu ikkunneqassapput.


Qinnuteqaatit nassiunnerini ajornartorsiuteqaruit hr@qeqertalik.gl attavigiuk.