Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Projektkonsulent inden for Kultur, Idræt og Sundhed

Qeqqata Kommunika

Sisimiut
26-11-2021
Piffissaq atuuffissaa naassaaq: 15-12-2021
Suliffissamut ID normut: LJA-83017179
Suliassaqarfik: Eqqumiitsuliorneq, kulturi & timersorneq, Allaffik & allaffissorneq, Peqqinnissaq

Kulturip, timersornerup peqqinnerullu iluani peqqinnerulernissamik aamma akimortumik suliniuteqarfiusuni suliassaqarfiusumilu ukkataqarfiusumi pisortaanerup sulisuini suliniutinut siunnersortitut atorfik pissanganartoq inuttassarsiuunneqarpoq. Atorfimmut tunuliaqutaasoq tassaavoq, Kalaallit Nunaanni timesoqatigiiffiit kattuffiata (GIF) aamma Qeqqata Kommuniata (QK) ataatsimoorussamik suliniutaat, meeqqanut inuusuttunullu peqqinnerisa akuutsitsisumillu ataatsimoorfiit nukittorsarneqarnissaat, tassuunakkullu meeqqat akornanni inuunerlunnissap aanngajaarniutinillu atuinissat pinaveersaartinneqarnissaat.

Suliniutinut siunnersorti QK aamma GIF akornanni anguniagalimmik isumaqatigiissummi ataatsimoorussami nassiuarneqartuusumi suliniutinik atuutsitsilernissamut ataqatigiissaarinissamullu akisussaasuuvoq. Tamanna Qeqqata Kommuniani, GIF-imi peqatigiiffinnilu suleqataasunik qanimut suleqateqarluni pissaaq.

Tassunga ilaassapput akimortumik imminnullu ataqatigiissut suliassat, Inuunerissaarneq - Det gode liv aamma Qeqqata Model suliaqartuusumi pisortaanerup sulisuinit ilaasut.

Suliassat akisussaaffiillu:

Peqqinnerup, timersornerup aamma suliniutinik atuutsitsilernerup iluani suliniutinik ingerlatsineq aqutsinerlu anguniagaqartumillu isumaqatigiissummi taaneqartunik malitseqartitsineq

Meeqqat tamarmik ataatsimoorfinnut peqqinnartunut akuutitsisunullu ajornanngitsumik peqataasinnaanerisa qulakkeerneqarnissaat.

Ingerlalluarnermik, peqqinnermik siuarsaasumik aammalu qinngasaarisarnermik aanngajaarniutinillu atuisarnermik pinaveersaartitsisumik meeqqanut avatangiisinik pilersitsinermut peqataaneq.

Timersornikkut timimillu aalatitsinikkut kinguaariit akimorlugit ataatsimoornerup siuarsarnissaanik suliaqarneq.

Aqutsisoqatigiinnut- aamma sulisoqatigiinnut QK aamma GIF-imit pilersinneqarsimasunut peqataaneq.

Peqqinnerup pinaveersaartitsinerullu iluani suliniutaasunut suliassatut saqqummiussassanik suliaqarneq

Ilaqutariinnerup peqqinnerullu iluani suliassanik tigussaasunik paasiniaaneq misissuinerlu

Pitsaaliuinermi siunnersortinik suleqateqarluni pikkorissarnernik, workshoppinik, sammisaqarluni ulloqartitsinernik suliniutinillu pinaveersaarutaasunik ataqatigiissaarineq.

Illup iluani avataanilu paasissutissanik atugassanik katersineq

Pisortap sulisui suleqatigalugit suliassanik allanik suliaqarneq

Suliassat takkussuuttut nalinginnaasut.

Piginnaasat:

Suliannut attuumassutilimmik ilinniagartuujuvutit allamilluunniit attuumassuteqartumik ingerlaqqiffiusumik ilinniagaqartutit aamma Kalaallit Nunaanni inuiaqatigiinni pissutsinut ilisimasaqartutit

Pitsaasumik oqalunnikkut allannikkullu attaveqallaqqissuusutit

Akimortumik suleqateqallaqqissuusutit avatangiisinillu sunniisinnaassuseqartutit

Suliniutinik aqutsinerup iluani misilittagaqarneq aamma Kalaallit Nunaanni peqqinnermut, timersornermut isumaginninnermullu pissutsinik misilittagaqarneq

Aaqqissuussaanermi politikkikkut aqutaasumi suliat suliarineqartarnerinik pitsaasumik ilisimasaqarneq

Tamanik takunnillaqqissuseqarluni suliassanik aallartitsisinnaaneq, iliuuseqallaqqissuuneq, sungiussiasuunerlu

Marluinnik kultureqarluni avatangiisilimmi anguniagalimmik sulisinnaassuseqartutit

Arlalinnik oqaaseqartuusutit, kalaallisut, qallunaatut aamma

tuluttut

Akissarsiat atorfeqartitaanermullu atugassarititaasut:

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

Atorfik allaffissornikkut Sisimiuni inissisimavoq, Sisimiunilu Pisortaanerup sulisuinut pisortap ataani aaqqissuussaanikkut inissisimavoq.

Piaartumik isumaqatigiissuteqarnikkulluunniit atorfinittoqassaaq.

Atorfik pillugu paasissutissat annertunerusut Sisimiuni Pisortaanerup sulisuinut pisortamut Hans Christian Sværd, oqarasuaat (+299) 86 73 02, e-mail: hcsv@qeqqata.gl imaluunniit GIF-imi allattaanermut Jonas Jensen oqarasuaat (+299) 34 81 51, e-mail: jonas@gif.gl saaffiginninnikkut pissarsiarineqarsinnaapput

Qinnuteqaat soraarummeersimanermut uppernarsaatinik, oqaaseqaatinik, imminut ilisaritinnermik attaveqarfissanillu ilaligaq nassiunneqassapput.

Pisortaanerup sulisui pillugit

Pisortaanerup sulisui tassaapput Qullersaqarfiup ataani akimortumik suliaqartut. Pisortaanerup sulisui Sisimiuni arfinilinnut Maniitsumilu pingasunut agguataarsimasunut sulisunut qulinngiluanut amerlassusiligaavoq. Pisortaanerup sulisuini suleqataasup ingerlatsinermi suliassanik ineriartortitsinermillu suliassanik illup iluani akimortumik suliaqartarpoq. Suliassat politikkimut - soorluttaaq allaffissornikkut suliassaasinnaapput.

Pisortaanerup sulisui aammattaaq akimortumik immikkoortuni suliniutinik annertunerusunik makkuninnga suliaqartarpoq:

Inuunerissaarneq - Det gode liv Kommunip illoqarfinni nunaqarfinnilu meeqqat inersimasullu inuunerminni atugaannik oqaloqatiginninnerit malillugit nalunaarusiaq suliaavoq. Meeqqat pisinnaatitaaffii pillugit Naalagaaffiit Peqatigiit isumaqatigiissutaat aallaavigalugu, nalunaarusiami innersuussuterpaaluit saqqummiunneqarput.

Qeqqata-modellen” tassaavoq, Islandimi pitsaaliuinermi sulianit misilittakkat sumiiffimmi pissutsinut tulluarsarlugit Qeqqata Kommuniani atuutilersinneqarnissaa Island angajoqqaanik inuiaqatigiinnillu tamanik aanngajaarniutinik atuinissamut pinaveersaartitsinermi aammalu atugarissaarnerup qaffassarneqarneranut suleqateqarnermigut inernernik pitsaasunik takutitsinikuuvoq.

Nittartakkatsinni www.qeqqata.gl/ansat kommunimi sulisut assigiinngitsut pillugit atuarsinnaavatit.

GIF pillugu

Kalaallit Nunaanni Timersoqatigiiffiit Kattuffiat kattuffiuvoq qulingiluanik immikkut kattuffinnik ilaasortaqartoq GIF timersortartut, immikkut kattufiit peqatigiiffiillu soqutigisaat Namminersorlutik Oqartussanut pisortallu oqartussaqarfiinut allanut suliarisarpai.

Uani annertunerusumik takusaqarit www.gif.gl