Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ilaqutariinnut siunnersuisoq

Kommune Kujalleq

Qaqortoq
12-01-2022
Piffissaq atuuffissaa naassaaq: 02-02-2022
Suliffissamut ID normut: LJA-83219387
Suliassaqarfik: Allat, Meeqqat & inuusuttut, Isumaginnittoqarfik, Atuartitsineq & Meeqqerineq

Inunnik isumaginninnermut immikkoortortap Qaqortumi Familiecenter ilaqutariinnut siunnersuisussamik pissarsiorpoq

ALLAGARSIUTEQQITAQ:


Soqutiginartumik ilinnut atorfimmik neqerooruteqarpugut, martsip ulluisa aallaqqaataat 2022-imi aallarnerfigalugu imaluunniit immikkut isumaqatigiissuteqarnikkut atorfinitsissinnaallutit.


Atorfik Qaqortumiippoq, immikkoortortamilu aqutsisoq qullersaraa.

Isumaginninnermik siunnersortut, perorsaasutut inulerinermulluunniit assingusumik ilinniarsimasuuit? Aalajaajaatsuuit? Ammasuuit? Aammalu eqeersimaartuuit? Suleqatigiit akornanni sulisinnaavit kiisalu ammasuullutillu eqaatsumik sulisinnaavit?


Ilaqutariit illuat suleqatigalugu ilaatigut makku suliarisassavatit:

·Ilaqutariinnut siunnersuisup akisussaaffigaa ilaqutariinnik ilaqutariittut siunnersorneqarnissamut innersuunneqarsimasunut perorsaanerup tungaatigut tapersersuillunilu, aqqutissiuinissani soorlu:

·Ilaqutariit pulaarlugit ajornartorsiutaanik erseqqissaallunilu qulaajaaneq.

·Ilaqutariit nammineq ilaqutariinnerminni ajornartorsiutinik aaqiinissaanut sakkussaanik tunillugit.

·Ilaqutariit iliuusissatut pilersaarusiuunneri malinnaaviginerilu.

·Ilaqutariit peqatigalugit ”pisortat” ataatsimeeqatigineri.

·Ilaqutariit peqatigalugit pilersaarusiukkanik angalanissat aaqqissuunneri aammalu/imaluunniit peqataaffigineri.   

·Ilaqutariinnik Sullissivimmi pikkorissaanerni ilinniartitsineq.

·Siusinaartumik iliuuseqarnermi suliamut attuumassuteqartunik suleqateqarneq

·Kalaallisut oqaaseqarnissaq piumasaqaataavoq, aamma marluinnik kalaallisut/dansk-isut oqaaseqartuuguit iluaqutaassaaq.


Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 


Aallaavittut qinnuteqartup isumaqatigiissutaa naapertorlugu akissarsiat atorfininnermullu atugassarititat aalajangersarneqassapput.


Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.


Atorfik pillugu sukumiinerusumik paasissutissanik pissarserusukkuit uunga saaffiginnissinnaavutit: Familiecenter-imi immikkortortami pisortaagallartoq Sofie Hoffmeyer, oqarasuaat +299 64 54 22 imaluunnit mailimut: soho@kujalleq.gl


Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri il. il. kingusinnerpaamik ulloq februaarip ulluisa aappaat 2022 kommunimit tiguneqareersimassapput nittartagaq aqqutigalugu.


MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiunniunneqassapput.



Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq