Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Genopslag: Afdelingsleder - Familieafdeling

Avannaata Kommunia

Upernavik
10-06-2022
Piffissaq atuuffissaa naassaaq: 15-07-2022
Suliffissamut ID normut: LJA-83708047
Suliassaqarfik: Aqutsineq, Allaffik & allaffissorneq, Isumaginnittoqarfik

Avannaata Kommuniani immikkoortortami aqutsisutut atorfik inuttassarsiorneqarpoq 1. august 2022 isumaqatigiissuteqarnikkulluunniit atorfinittussamik.

Atorfik allaffissornikkut inississimavoq Upernaviup illoqarfiani tassanilu nunaqarfittai ilanngullugit isumaginninnermut attuumassuteqartunut akisussaaffeqassalluni.

Akisussaaffiit:

  • Aqutsisunut immikkoortortaqarfimmilu sullissisunut ilitsersuineq siunnersuinerlu
  • Akimorluni suleqatigiiffiusunut ataqatigiissaarineq
  • Suliassanik agguataarineq nakkutiginninnerlu
  • Qitiusumik isummaginninnermi aqutsisoqarfimmiit nalunaarutit paasissutissanik tunnioraaneq tassani aamma Ilaqutareeqarnermi Ataatsimiititaliap ataatsimiinneranit imaqarniliat, isumaginninnermi ikiorsiinissami annertussutsit, periutsit, malitassat suleriaatsillu
  • Immikkoortortani aqutsisut sullissisullu suliamik inuttullu ineriartuuteqarnissaannik tapersersuineq, sulisut ataatsimiisinneqartarnissaat, sulisut ineriartornissaannut atatillugu oqaloqatiginninnerit (MUS) taamatullu pikkorissarnerni peqataasarnissaat, ilinniarnerit, isumasioqatigiinnerit aammalu avatangiisinut suliffimmut attuumassuteqartumik ataatsimiisitsisarnissaq
  • Suliffiit isumaginninnerup iluani sullissiviit tapersersorlugit (Utoqqaat Illuat, Ilaqutariit Illuat, Najugaqatigiiffik aamma Angerlarsimaffimmi ikiorteqartitsivik
  • Isumaginninnerup iluani inatsisit nutaat tusarniutigineqarnerini akissuteqarnissamut peqataaneq
  • Missingersuutilerineq taakkulu ingerlateqqittarnissaat
  • Isumaginninnerup iluani sulisunut tunngasunik suliaqarneq, taasuma iluani atorfinitsitsinerit atorfiup allaaserineqarneranik naleqqussaaneq.
  • Suleqatigiit isumaginninnerup iluani attaveqaatitigut ataatsimiinnerni akuttunngitsunik peqataaneq – qitiusumi aqutsiveqarfimmiit aamma suliffeqarfiit aqutsisui peqatigalugit.

Piginnaasat:

  • Tulleriiaareqqissaarneq misissueqqissaarnerlu.
  • Aqutsisinnaalluarneq (pingaartumik saqitsaattoqartillugu isornartorsiuinernullu atatillugu isumaginnissinnaaneq).
  • Tatiginartuuneq, misigeqatiginnissinnaaneq
  • Maligassiuilluartoq (takuuk maligassaasutut piumasaqaat)
  • Attaveqarlusinnaasoq
  • Sunniisinnaneq pitsaasorlu, nammineq suliniuteqarsinnaasoq suliassat eqqarsaatigalugit.
  • Ilisimasani ingerlateqqinnissaanut pikkoriffeqartoq.
  • Eqqarsartaatsikkut nukittooq, sulianut allanngoriataarsinnaasunut piareersimaneq.
  • Ataatsimut isigalugu paasisimasaqartuuneq, eqaatsumik sullisseriasilik

Akissarsiat atorfeqarnikkullu atugassarititat:

Atorfimmut atatillugu isumaqatigiissutit ilinniagaqarnermullu malitassat atuuttut naapertorlugit akissaasersuisoqassooq

Atorfimmut atatillugu inissaqartitsisoqarpoq. Inissamik tunineqarnissap tungaanut utaqqiisaasumik ineqartinneqarnissaq naatsorsuutigineqassooq.

Pinerluuteqarsimannginnermut uppernarsaat: 

Pisortatigoortumik pinerlussimannginnermut uppernarsaat (Straffeattest) meeqqanillu pinerliisimannginnermut uppersarsaat (Børneattest) naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinut sulisitsisumiit aaneqassapput.

Atorfimmut paasissutissat annertunerusut piniarneqarsinnaapput Innuttaasunut Sullissivimmi aqutsisumut Esther Lennert saaffiginninnermi, mail: esle@avannaata.gl imaluunniit tlf.nr.: 38 79 02.

Qinnuteqaat soraarummeersimanermullu allagartat attuumassuteqartut assilineri, CV kiisalu oqaaseqaatit inassuteqaatillu kingusinnerpaamik nassiunneqassapput 15. Juli 2022 uunga immersuinikkut: Avannaata Kommuniata nittartagaanni una toorlugu: “Atorfik una qinnuteqarfigiuk”