Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kangaatsiaq - kommune Qeqertalik Søger en HR-Konsulent

Kommune Qeqertalik

Kangaatsiaq
16-06-2022
Piffissaq atuuffissaa naassaaq: 07-07-2022
Suliffissamut ID normut: LJA-83728249
Suliassaqarfik: Allaffik & allaffissorneq

Kommune Qeqertalik Kangaatsiaq Sulisoqarnermut Siunnersortimik atorfik ulloq 1.august 2022 isumaqatigiissuteqarnikkulluunniit atorfinittussamik sulisussarsiorpoq.

Sulisoqarnermut tunngasunik tamalaarpassuarnik suliaqarfiusumi suliffik aallussinnaaviuk, aamma suliffeqarfimmi assigiinngitsorpassuarnut attuumassuteqartumi sulinissat kajumigaajuk? Taamaappat Kommune Qeqertallip HR og Service immikkoortortaqarfiani Kangaatsiami, atorfimmi soqutiginarluinnartumi atorfissaqartippatsigit.

Kommune Qeqertalik Sulisoqarnermut immikkoortortaqarfimmi piginnaasaqarluartumik soqutiginnittumillu ataatsimik sulisussarsiorpoq, taassuma kommunimi aqutsisorpassuit sulisorpassuillu inerisarneqarnissaat siuttuuffigisinnaassavai ilutigalugulu suliffeqarfiup ineriartornerani, allaffissornermik suliallit kiisalu naalakkersuinermik suliallit sullinneqarnerini patajaatsumik suleqataaffigissavai.

Sulisoqarnermut immikkoortortaqarfik INUA-ni inissisimavoq, inuttaqarluni sulisoqarnermut siunnersortit tallimat, HR-imi sulisoq kiisalu sulisoqarnermut pisortaq. sulisoqarnermut siunnersortit Kommunimi illoqarfinni inissisimapput, illoqarfinnilu aqutsisunik siunnersuinermik suliaqarlutik, taamaattorli sulisoqarnermut pisortamik sulisitsisoqarlutik.

Atorfik Kangaatsiami aqutsisunik siunnersuinermik kiisalu, sulisoqarnermut tunngasunik allaffissornermik ilaqarpoq aamma illoqarfimmi tassani allaffeqassaatit.

Sulisoqarnermut immikkoortortaqarfiup pingaarnertut ukua pingaarnersiorpai:

·Sulisut periusissioriarlugit suliniarfigineri

·Sulisut malittarisassaanik ineriartortitsilluni suliaqarnerit

·Ataatsimoorussamik pikkorissaasarnerit ineriartortinneri

·Suliffimmi avatangiisit aamma ilorrisimaarneq

·Immikkut ittumik inatsisinik tunngaveqarluni sullissineq

·Sulisut allaffissorluni sullinneri (atorfinitsitsinerit soraarsitsinerit)

·Ilinniartut misiliillutik sulisut ataqatigiissaarnerat

·Suliassaasinnaasullu assigiinngitsut


Naatsorsuutigaarput:

·Sulisoqarnermut tunngasunik ilinniarluarsimasuusutit, aamma/imaluunniit misilittagaqartutit

·Naalakkersuinermik suliallit aqutaanni suliffeqarfimmi suliaqarnermik misilittagaqartutit

·Suliffeqarfimmi pisariusumi inuit suleqatigiinneri soqutigisaqarfigalugillu paasisaqarfigissagitit

·Takorluuisinnaasutit angusaqarniartuusutillu

·Ajunngitsumik inunnut isiginnittuusutit, ilinnullu tatiginnilersitsisinnaassuseqartutit


Neqeroorutigaavut:

·Atorfik namminersorfiusoq suliatigut inuttullu ineriartornissamut periarfissaqarluartoq

·Suliassaqarfiup ineriartortinneqarnissaanut kommunimi qitiusumik inissisimaffik aallaavigalugu sunniuteqarnerpaanissaq

·Immikkoortortaqarfik ingerlalluartoq

·Tatigeqatigiiffiusumik pitsaasunik atugaqarluni suleqatigiinneq.

·Soqutiginartuni pikkorissaqataaneq ineriartornissamullu periarfissat pitsaasut


Akissarsiatigut atorfininnermilu atugassarititaasut:

Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Atorfinitsitsineq qaammatini pingasuni misiliutaaqqassaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Sulisunut inissiamik aatsaat innersuussisoqarsinnaanngorpat atorfinitsitsisoqarsinnaavoq. Atorfininnermi angalanermut pequtillu nassiunnerinut malittarisassat atuuttut naapertorlugit sulisitsisoq akiliussissaaq.

Pinerliisimannginnermut uppernarsaat: Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfik pillugu paasissutissat sukumiinerusut Sulisoqarnermut pisortamut Kulunnguaq Reimer Olsen-imut saaffiginninnikkut pissarsiarineqarsinnaapput uunga oqarasuaat 387015 imaluunniit e-mailimut: kuol@qeqertalik.gl.

Qinnuteqarnissamut killiliussaq: 7. Juli 2022

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.