Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Medarbejdere til Museum Qaqortoq

Kommune Kujalleq

Qaqortoq
04-07-2022
Piffissaq atuuffissaa naassaaq: 20-07-2022
Suliffissamut ID normut: LJA-83791290
Suliassaqarfik: Allat

Katersugaasivimmi suleqat

Qaqortup Katersugaasivia

Illit tassaassaatit isertutta naapittagaat siulleq. Oqaluttuannguit, ilitsersuinerit pitsaasumillu sullissineq atorlugu isertuvut misigisaqartissavatit, eqqaamasassillugit sulilu allanik tunillugit. Tamatuma saniatigut katersugaasiviup ingerlanneqarneranut peqataassaatit.


Suliassat

- Isertunik sullissineq, billetsinik tuniniaaneq aammalu katersugaasiviup ammanerani pisiniarfilerineq

- Katersugaasivimmik ammaaneq matusinerlu

- Katersugaasiviup oqaluttuassartaanik, saqqummersitanik kiisalu nunatta aammalu Qaqortup oqaluttuassartaanik saqqummiisarneq

- Katersugaasivimmi suliassat illit piginnaaninnut naleqquttut

- Katersugaasivinni angalaartarneq, tassa tillinnianik, ikuallannernik aserorterinernillu pinaveersaartitsineq

- Ammmasarfiit nalinginnaasut avataatigut aaqqissuussinernut ikiuuttarneq

- Suliassat suugaluit, assigiinngitsutigut teknikkikkullu ikiuunneq


Piginnaasatut naatsorsuutit

- Oqaatsit: Kalaallisut aamma danskisut pikkorissoq. Tuluttut imaluunniit tyskisut pisinnaalluartoq

- Akisussaassusilik, eqarisaatsoq sulinngitsuukulanngitsorlu

- Oqaluttuarisaanermik soqutigisalik, ammasoq aammalu oqarsinnaalluartoq

- Takornariutit tikinneranni pissanganartumik sivisunerulaamillu sulinissaminut piareersimasoq (juli-september)


Atorfik sapaatip akunneranut akunnerit 20-40-put. Sulisarfissat annermik katersugaasiviup ammasarneraniissapput. SIK-p isumaqatigiissutai naapertorlugit akissarsiaqartitsisoqassaaq. Atorfininnermut atatillugu inissaqartitsisoqanngilaq. Atorfik ilinniagaqartuutut atorfiunngilaq. Meeqqanik sullissisinnaanermut pinerlussimannginnermullu uppernarsaat pissarsiarineqarsinnaavoq.


QINNUTEQARNISSAMUT KILLIGITITAQ ULLOQ 20. Juli 2022

Qaqugukkulluunniit oqaloqatiginnittoqarsinnaavoq. Atorfininnissaq piaarnerpaamik pissaaq.


Paasissutissat allat

Qaqortumi Katersugaasiviup pisortaa Dan Ullerup oqarasuaatikkut 641080 imaluunniit emailimut qamu@kujalleq.gl attavigineqarsinnaavoq

Qinnuteqaatit kiisalu ilinniakkatigut atorfeqarnikkullu misilittakkat pillugit paasissutissat uunga nassiunneqassapput: qamu@kujalleq.gl

Qaqortup Katersugaasiviata akisussaaffii tassaapput illu pingaarnerusoq, Qallunaatsiaanut Katersugaasivik aamma Teletoqaq kiisalu Annaassisup Oqaluffiata ammartarnera: Marlunngornermiit tallimanngornermut kiisalu sapaammi nal. 14-17