Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Psykolog til Qeqqani MISI (PPR) i Sisimiut

Qeqqata Kommunika

Sisimiut
04-07-2022
Piffissaq atuuffissaa naassaaq: 25-07-2022
Suliffissamut ID normut: LJA-83791298
Suliassaqarfik: Isumaginnittoqarfik

Qeqqani MISI akimortumik suleqatigiiffiuvoq ukuninnga inuttaqarluni: tarnip pissusaanik ilisimasallit, perorsaanikkut tarnikkullu siunnersortit kiisalu allaffimmi ikiortaaneq. Sisimiuni Maniitsumilu immikkoortortaqarfeqarpugut. Taamatuttaaq Qeqqata Kommuniani nunaqarfiit arfinillit sullitaraagut, pisariaqartitsinerlu aallaavigalugulu ukiumut arlaleriarluta angalaffigisarlutigit. Tamanna isumaqarpoq sulinermi immikkoortotaqarfinnut nunaqarfinnullu angalasarnissaq naatsersuutigisariaqartoq.

Qeqqani MISI tarnit pissusiinik ilisimasalimmik ataani allassimasunik piginnaasalimmik pissarsiorpoq:

  • Immikkut ittumik perorsaanikkut, meeqqanik immikkut ittumik pisariaqartitsisunut toqqissisimasumik ineriartornikkut, ilikkarsarnikkullu sullissinermik misilittagalik
  • Meeqqanik assigiinngitsutigut piginnaasatigut ajornartorsiuteqartunut aamma / imaluunniit kinguarsimasunut perorsaanikkut misissuinernik ilinniartitseriaatsinillu ilisimasalik
  • Meeqqap / atuartup ineriartorneranut malunnaatilimmik suliniarneq pingaartillugu angajoqqaat, ilinniartitsisut, perorsaasut imaluunniit inuit attuumassuteqartut allat immikkut perorsaaneq atorlugu perorsaariaatsinik siunnersuinermik misilittagalik
  • Nammineerluni sulisinnaasoq, suliamik allartitsisinnaasoq, ineriartortitsinissamik pingaartitsisoq minnerunngitsumillu suleqateqarluarsinnaasoq inunnillu allanik akuersaatuulluni isiginnittariaasilik
  • Pisariaqartitsinikkut supervision atorlugu oqaloqateqarsinnaasoq
  • Qeqqata Kommuniani meeqqanik inuusuttunillu sullissinermi anguniagalimmik ineriartotitseqataasinnaasoq

Neqeroorutigissavarput:

  • Suliffik sapaatip akunneranut akunnerni 40-ni suliffiulluni uummaarissoq ammasorlu
  • Atorfik unammillernartoq, tamatigoortoq pissanganartorlu
  • Suliffik ataatsimoorfiusoq, tassani Skype, oqarasuaat aqqutigalugu aammalu sulinermut atatillugu angalanermi imminut tikilluni ataatsimiinnerni attaveqarfiusartoq avitseqatigiiffisartorlu
  • Pinngortitarsuaq kusanarluinnartoq, pisuttuarnissamut, imaatigut angalaarnissamut, qimmeqarnissamut, sisorartarnissamut, piniariartarnissamut aalisariartarnissamullu periarfissagissaartoq
  • Kulturikkut assigiinngitsunik sunngiffimmilu sammisassanik neqerooruteqarfiulluni Kalaallit Nunaanni illoqarfiit annersaasa tullia

Piukkunnaateqarluni qinnuteqartoq:

  • Cand.psych.-imik imaluunniit cand.pæd.psych-imik ilinniagaqarsimasoq
  • Kalaallit Nunaanni kulturi naapertorlugu sulinissaminut piareersimasoq
  • Meeqqanik inuusuttunillu perorsaanikkut tarnikkullu sullissinermik misilittagaqartuusinnaavoq
  • Tatitooq, suliassallu assigiinngitsorpassuit eqqarsaatigalugit nammineerluni aammali eqaatsumik sulisinnaasoq
  • Allanngortoqarataarsinnaaneranut piareersimasoq aammalu ulluinnarni innuttaasunik tamanik kiisalu illuatungerisatut suleqatinut assigiingitsorpassuarnut annertuumik attaveqarfiusumi sulisinnaasutit

Aningaasarsiat atorfininnermullu atugassarititaasut:

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat Kalaallit Nunaannilu meeqqat atuarfiini ilinniartitsisut kattuffigisap IMAK-illu akornanni isumaqatigiissutit atuuttut naapertorlugit pissapput.

Atorfimmut atatillugu inissaqartitsisoqarsinnaavoq, inigisamullu akiliutit qularnaveeqqutillu qaqugukkulluunniit malittarisassat atuuttut malillugit ingerlanneqassapput

Meeqqanik pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

Atorfininnissaq piaartumik pissasoq, isumaqatigiissuteqarnikkulluunniit.

Atorfik pillugu paasissutissat sukumiinerusut Atuarfimmi tarnip pissusiinik immikkut ilisimasalik Marianne L. Olsen, oqarasuaat (+299) 38 12 40 email: olsm@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik, attaveqarfissanillu ilalik nassiunneqassapput.

Paasissutissat pisariallit:

Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.