Aningaasaqarnermut Sulisoqarnermullu Aqutsisoqarfik (ASA) allaffimmi pisortassamik ataatsikkut ataatsimoortumik takunnissinnaasumik aamma atorfinitsitsisarnermut suliassaqarfimmi sukumiisumik immikkuualuttunik suliaqartarsinnaasumik pissarsiorpoq.

Allaffimmi pisortatut ASA-mi sulisunik arlalinnik aqutsisuufigligassannik akisussaaffeqassaatit, inatsisilerituut naammassinikunik aammalu siunnersortit ilinniagartuujunngitsut. Immikkoortortaqarfimmi suliassanik ataatsimoortunik isumaginnittuussaatit, tassunga ilanngullugit suleriaatsinik aaqqissuussinerit immikkoortortaqarfimmillu ineriartortitsineq. Tassunga tunngatillugu sulisoqarnermut isumaqatiginninniarnermullu immikkoortortaqarfimmi pisortaq qanimut suleqateqassuutit.

Immikkoortortaqarfimmi maannakkut inatsisilerituut sisamat aamma siunnersortit aqqanillit allaffinni avinneqarsimasuni marlunni atorfeqarput. Aaqqissuussaanikkut, suliassatigut ikorfartoqatigiinnikkullu immikkoortortaqarfinnut allanut qanimut attuumassuteqarpoq, tamanna pillugu uani paasisaqarnerugit www.asa.gl

Immikkoortortaqarfimmi suliassat ilaatigut tassaapput

• Namminersorlutik Oqartussanut taakkulu ataanni immikkoortortaqarfinnut suliassat sulisunut tunngasut siunnersuinerit, aqutsisunillu ikorfartuinerit
• Isumaqatiginninniarnernut akuusarnissaq
• Namminersorlutik Oqartussanut kommuninullu isumaqatigiissutit najoqqutaralugit nassuiaanerit
• Atorfinitsitsinerni eqqortumik uppernarsaatiliornissaq taannalu aallaavigalugu eqqartumik akissaasersuineq atorfiup imaa najoqqutaralugu
• atorfinitsitsisarnernut tunngasunik ilinniartitsinerit pikkorissaanerit
• Immikkoortortaqarfimmi sulinernik attuumassuteqartunik ikorfartuinerit

Allaffimmi pisortap suliassai

• Immikkoortortaqarfimmik ingerlatsineq ineriartortitsinerlu, tassunga ilanngullugit suliassanik isumaginninnerit pingaarnersiuinerillu.
• Namminersorlutik Oqartussani kommuninilu immikkoortortaqarfinni immikkoortortaqarfinnullu suleriaatsinik ataqatigiissaarinerit, pitsanngorsaanerit allaaserinninnerillu
• Immikkoortortaqarfimmut attuumassuteqartunik aqutsisunut ilisimatitsisarnerit

Ilinniakkatigut imatut tunngaveqarnissat naatsorsuutigaarput

• Ilinniagartuujusutit soorlu cand.jur/cand.merc.jur.-itut
• Aqutsisutut misilittagaqarsimaneq
• isumaqatigiissutit assigigaallu najoqqutassat malillugit atorfinitsitsisarnernik sulisoqarnerlu pillugit inatsisilerinermik ukiuni arlalinni misilittagalik
• Pisortaqafiinni ingerlatsinerannik ukiuni arlalinni misilittagalik, Namminersorlutik Oqartussaniusinnaavoq
• Isumaqatiginninniartarnerit pillugit ilisimasaqarnissaq
• Ilinniartitsinermik misilittagaqarneq

Inuttut piginnaasatit makkununnga tunngappata pitsaanerpaassaaq

• Tatiginartoq kajumissaarillaqqissoq
• Suliniuteqallaqqissoq, qasujaatsoq sulianillu ingerlatsillaqqissoq
• Suleqatikkuminartuussaatit atuisullu paasinnittariaasiat aallaavigalugu sullissisinnaassaatit
• Eqaatsumik sulisinnaavutit ulluinnarnilu allanngorartumi sulilluarsinnaavutit

Neqeroorutigaavut
Suliffeqarfik Qitiusumik Allaffeqarfissuarmi aamma pisortat suliffeqarfiini tamani ersarissoq.

Suliffik allannguinissanik tusaasoq aamma immikkoortortaqarfimmi sulisunilu ataasiakkaani ineriartortitsinernik qitiutitsisoq.

Aqutsisoqatigiit aqutsisut ataasiakkaat ineriartortinneqarnissaannik aamma suliffeqarfimmi tamarmi ataatsimut aqutsinissamut tunngavissanik atuuttussanngortitsinissanik qitiutitsisut.

 
Ulloq atorfiniffissaq
1. januari 2023 isumaqatigiissuteqarnikkulluunniit.

Qinnuteqarnissamut killiliussaq
Marlunngornermi 4. oktoberi 2022. 

Atorfinitsitsinissamut oqaloqatiginninnerit sapaatip akunnerimi 41 pinissaat naatsorsuutigineqarpoq.

Atorfik pillugu itinerusumik paasisaqarusukkuit sulisoqarnermut isumaqatiginninniartarnermullu pisortamut Frederik Schmidt -IMUT saaffiginissaanut tikilluaqqusaavutit email-imut fsch@nanoq.gl imaluunniit oqarasuaammut +299 346681.

Akissarsiat atorfeqartitaanermilu atugassarititaasut:
Atorfik akissaateqarfimmi LR 36-mi maanna inissisimavoq.

1. april 2022 LR 36-mi akissarsiat imak isumaqagitiissutigineqarnikuupput qaamammut  Kr. 47.777 ukiumullu Kr. 573.321 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimi qaanngiuttornermusiaqarsinnaavoq ukiumoortumut akunneri 320 qaanngersimagaani, qaammatinullu pingasunut avillugit 80-t, taammaatoq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.


Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.