Økonomidirektør

Avannaata Kommuniani Aningaasaqarnermut Pisortatut atorfik inuttassarsiuunneqarpoq, atorfillu 1. november 2023 isumaqatigiissuteqarnikkulluunniit inuttalerusunneqarpoq.

Atorfik Avannaata Kommuniata qitiusoqarfiani Ilulissani inissisimavoq, Allaffissuup pisortaanera qaninnerpaatut ittorissallugu.

Kommuni 11.000-t missaanni innuttaqarpoq, inoqarfinnut 25-nut agguataarsimasunik.

Atorfimmi akisussaaffiit pingaarnertullu suliassaqarfiit:

• Kommunip aningaasaqarnikkut ingerlataanut tamanut tassunga ilanngullugit naatsorsuuserinermut, akissarsialerinermut, missingersuusiornermut aningaasalersuisarnermullu, kiisalu siumut isigisumik aningaasaqarnikkut misissueqqissaarneq
• Kommunip sillimmasersuisarneranut akisussaaneq
• Politikkikkut aqutsinernut suleqataanermi:

-Aningaasaqarnikkut killiffinnik nalunaarsuisarneq kiisalu missingersuutinut missingersuutinillu kukkunersiuinernut aningaasaqarnermut ataatsimiititaliamut kommunalbestyrelsimullu inassuteqaasiorneq.

-Misissueqqissaarnernik, kingunissanik missingiutissatullu siunnersuutinik suliaqarneq.

-Immikkut aggersakkatut aningaasaqarnermut ataatsimiititaliap- kommunal-bestyrelsillu ataatsimiinnerini peqataasarneq.

• Aqutsisoqarnermut atatillugu suleqataasarnermi:

-Siumut isigisumik aningaasaqarnikkut misissueqqissaarnermi kommuunillu aningaasaqarnerata aqunneqarneranik akisussaaneq.

-Kommunip karsianut- naatsorsuuserinermilu malittarisassat maleruarneqartarnissaannut nutarterneqartarnissaannullu akisussaaneq.

-Allaffissornikkut tunngasutigut aqutsisunut paasissutissiisarneq.

• Pisortanut innuttaasunillu sullissiveqarfinnut tunngatillugu suleqataanermi:

-Aningaasaqarnermut tunngasutigut ingerlatsinermi aqutseriaatsinik ineriartortitsineq, qitiusoqarfinnut soorluttaaq aamma najukkami immikkoortortani.

-Kommunini allaffissornikkut immikkoortortat kommunip pisariaqartitaanut naapertuunnissaannik qulakkeerinnittarneq.

-Missingersuutinik suliaqarnermi pisariaqartillugu ataavartumik sulisoqartarnissaanik tassunga ilanngullugu aningaasaliisartunut illoqarfigisami/nunalu tamakkerlugu aningaaserivinnut attaveqarnerit ataavartuunissaanni qulakkeerinnittarneq.

Tamatuma saniatigut atorfimmut atatillugu atorfimmi akisussaaffiit suliassaqarfiillu allaaserineqarneri Sulisoqarnermut Immikkoortortaqarfimmut saaffiginninnikkut piniarneqarsinnaasut innersuunneqassapput.

Piginnaasassat:

• Pisortat allaffisornikkut ingerlatsinerisa iluani.
• Pineqartunut attuumassutilimmik, siumut isigisumik aningaasaqarnikkut misissueqqissaarnermik tunngavilimmik aammalu sulisunik aqutsinermik pilersaarusiornermullu tunngasunik ilinniaqqissimasumik
• Pisortat suliffeqarfiini sivisunerusumik aqutsinermik misilittagalik.
• Nunatsinni pissutsinik ilisimasalik, pingaartumik Kalaallit Nunaata avannaani pissutsinik ilisimasalik, nunaqarfiit 21t najungaqarfigineqartullu 25-t siammasissumik inissisimasuni unammillernartumik inissiisinnaanerinik ilisimasaqartumik
• Kalaallit Nunaanni inatsisitigut tunngasunik ilisimasaqarneq.
• Kulturimik- inuiannillu allaasunik paasinnissinnaasoq, tassunga ilanngullugu inuiaqatigiinni marluinnik oqaaseqarfiusumi pissusiusunik immikkuullarissunik samminnissinnaasoq.
• Ajornanngippat kalaallisut, danskisut tuluttullu oqalussinnaasoq.
• Attaveqatiginnillaqqissoq, avammut soorluttaaq aamma tamaginnut.
• Sutigut tamatigut suleqateqarsinnaasoq.

Akissarsiat atorfeqarnermilu atugassarititaasut:

Akissarsiaqartitsineq atorfinitsitinerlu pissapput atorfinitsinneqarnerup nalaani Naalakkersuisut kattuffiullu isumaqatigiinninniarsinnaatitaasup akornanni isumaqatigiissutit naapertorlugit.

Atorfimmi akissaatit inissisimanissaat maannakkut isumaqatigiiniutigineqarpoq.

Atorfimmut atatillugu inissaqartitsisoqarsinnaavoq piffimmi malittarisassat qaqugukkulluunniit atuuttut naapertorlugit.

Atorfimmut atatillugu paasissutissat pissarsiarineqarsinnaapput Pisortaanermut Nick Nielsen oqarasuaat 38 76 05 e-mail: nick@avannaata.gl

Qinnuteqaat ilinniarsimaneq suliffigisimasallu pillugit paasissutissat kiisalu oqaaseqaatit ilanngullugit nassiunneqassapput Avannaata Kommuniata nittartangaatigut “Atorfik una qinnuteqarfigiuk” toorneratigut kingusinnerpaamik ulloq 20. Septembari 2023.