Genopslag: Sagsbehandler til hjælpemidler

Ilaqutareeqarnermut Ingerlatsivimmi iluaqusersuutit pillugit atorfimmi nutaami sullissisumik Avannaata Kommunia sulisussarsiorpoq. Atorfinittussap ilaatigut isumagissavaa innuttaasut iluaqusersuutinik qinnuteqartut kiffartuunneqarneranni pitsanngorsaanissaq Ilulissani kommunerisamilu inoqarfinni allani.

Sapaatip akunneranut piffissaq sulliffiusoq tassaavoq nalunaaquttap akunneri 40-t, atorfillu 15. Oktober 2023 inuttalerusunneqarpoq imaluunniit isumaqatigiissuteqarnikkut.

Sullissisup qaninnertut sulisitsisorissavaa ilaqutareeqarnermut immikkoortortami pisortaq. Iluaqusersuutit pillugit sullissisup kommunimi utoqqarnik innarluutilinnillu kiffartuussisut suleqatillu avataaneersut suleqatigisussaavai.

Suleqatissarsiorpugut;

• Peqqinnissap tungaatigut ilinniagaqarsimasoq, niviarsiatut, pillorissaasutut imaluunniit tangiartuisutut iluaqusersuutinillu misilittagaqartoq. Suliassaqarfiup iluani suliamut allatigut ilinniagaqarsimasoq.
• Innuttaasunut attaveqallaqqissoq attaveqatigiinnermilu oqaatsitigut allakkatigullu pitsaasumik ukkassisoq.
• Suliassaqarfimmut tunngasunik inatsisitigut ilisimasalik, ilikkagaqarusuttorluunniit.
• Nammineersinnaassusilimmik, aammali suliassaqarfiit akimorlugit suleqatiginnissinnaassusilik.
• Tulleriiaarillaqqissumik aaqqissuussaalluartumillu sulisinnaasumik.
• Tatiginartumik akisussaassusilimmillu.
• Marluinnik oqaaseqarnissaq iluaqutaassaaq (kalaallisut/qallunaatut).

Suliassatit ilaatigut makkuussapput; 

• Iluaqusersuutit pillugit siunnersuineq ilitsersuinerlu.
• Iluaqusersuutinik qinnuteqaatinik suliaqarneq aalajangiisarnerlu, utoqqarnik innarluutilinnillu ikiorsiisarnerit pillugit inatsisit najoqqutaralugit.
• Iluaqusersuutinik aserfallatsaalisassanik iluarsaassassanillu sullissineq.
• Iluaqusersuutinik inniminniinerit tunniussinerillu. Matumani ilanngullugit uuttortaanerit iluaqusersuutinillu naleqqussaanerit.
• Innuttaasunut attaveqarneq, ilaatigut angerlarsimaffinnut ornigulluni.
• Peqqinnissaqarfimmik suleqateqarneq, assersuutigalugu innuttaasoq napparsimavimmiit angerlarpat.
• Iluaqusersuutit pillugit kisitsisitigut nalunaarsuineq takussutissiuinerlu, iluaqusersuutit uninngasuutigineqartut innuttaasunullu tunniunneqarsimasut pillugit.
• Suliassat allat takkussuuttut.

Akissarsiat atorfininnermilu atugassarititaasut:

Akissarsiat aamma atorfininnermi atugassarititaasut, Naalakkersuisut kattuffiullu isumaqatiginninniarsinnaa-sup akornanni isumaqatigiissutaasut malillugit pissapput.

Atorfimmut atatillugu inissaqartitsisoqarsinnaavoq

Pinerluuteqarsimanermut uppernarsaat

Atorfinitsitsineq pissaaq pineqaatissinneqarsimannginnermut meeqqanilluunniit pinerliisimannginnermut naammaginartumik uppernarsaammik aatsaat sulisitsisoq Rigspolitiinit, qinnuteqartoq isumaqatigereerlugu, pissarsereerpat.

Atorfik pillugu paasisaqarnerorusukkuit Ilulissani pisartagaqarnermut immikkoortortami aqutsisoq, Anja J. Wille attavigisinnaavat, oqarasuaat: 70 18 00 imlt. e mail: anjj@avannaata.gl

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Avannaata Kommuniata nittartagaa aqqutigalugu nassiunneqassaaq www.avannaata.gl/ledige-stillinger.